جۇڭگونىڭ اسكەري كەمەسى جاپونياعا تاۋەلدى تەڭىزگە كىردى مە؟ 

سىرتقى ىستەر مينيسترلىگى تورابىنىڭ حابارلاۋىنشا، سىرتقى ىستەر مينيسترلىگىنىڭ مالىمدەمەشىسى ماۋ نيڭ 9 – ايدىڭ 2 – كۇنى كەزەكتى تىلشىلەردى قابىلداۋ ءماجىلىسىن باسقارىپ اشتى.

ءتىلشى بىلاي دەپ سۇرادى: جاپونيا جاقتىڭ ايتۋىنشا، جۇڭگو تەڭىز ارمياسىنىڭ اسكەري كەمەسى وتكەن سەنبى كۇنى جاپونياعا تاۋەلدى تەڭىزگە كىرگەن، بىرنەشە كۇننىڭ الدىندا جۇڭگونىڭ بارلاۋشى ۇشاعى دا جاپونياعا تاۋەلدى كەڭىستىككە كىردى دەگەن ءسوز ايتىلعان. جۇڭگو جاق جۋىردا تۋىلعان وسى رەتكى اسكەري كەمەنىڭ باسا كوكتەي كىرۋى وقيعاسىن قالاي تۇسىندىرەدى؟ جۇڭگو جاقتىڭ ابايسىزدا ىستەگەنى مە؟ الدە، جۇڭگو جاق مۇنى ادەيى ىستەپ وتىر ما؟ دۇڭحاي تەڭىزىندەگى نەمەسە نانحاي تەڭىزىندەگى داۋلى تەڭىز الابىندا جۇڭگونىڭ ”يەلىك ۇقىققا قول سۇعۋ“ ارەكەتى ءبىرشاما ارتتى. بۇل جۇڭگونىڭ وسى وڭىردە قىسىم كورسەتۋ پارمەنىن ارتتىرۋدى ماقسات ەتكەنىنەن دەرەك بەرە مە؟

ماۋ نيڭ بىلاي دەدى: «بىرلەسكەن مەملەكەتتەر ۇيىمىنىڭ تەڭىز – مۇحيت زاڭى شارتىنداعى» قاتىستى بەلگىلەمەلەرگە ساي، تۋگالا بۇعازى حالىقارالىق قاتىناۋعا پايدالاناتىن بۇعاز سانالادى، جۇڭگونىڭ كەمەسىنىڭ اتالعان بۇعازدان ءوتۋى شەكارادان قاتىناپ ءوتۋ ۇقىعىن ىسكە قوسۋى، بۇكىلدەي ۇيلەسىمدى ءارى زاڭدى. جاپونيا جاقتىڭ جۇڭگونىڭ اسكەري ۇشاعى جاپونيانىڭ تاۋەلدى كەڭىستىگىنە كىردى دەگەنى جونىندە، الدىڭعى اپتادا جۇڭگو جاق جاۋاپ قايتارىپ، مايدانىن ەگجەي – تەگجەيلى بايانداعان. مەنىڭ مىنانى باسا دارىپتەگىم كەلەدى: قاساقانا بايلانىستىرۋدىڭ نەمەسە شەكتەن تىس ءتۇسىندىرۋدىڭ قاجەتى جوق، جۇڭگو جاقتىڭ ءوڭىردىڭ بەيبىتشىلىگى مەن ورنىقتىلىعىن قورعاۋعا كۇش سالۋ سىندى مايدانى دايەكتى.

كەلۋ قاينارى: حالىق تورابى