ەڭ جوعارى حالىق سوت مەكەمەسى سوت كوميسسياسىنىڭ بۇرىنعى مۇشەسى، ازاماتتىق ىستەر سوتى 1 - سوتىنىڭ بۇرىنعى باستىعى جىڭ شۋەليننىڭ پارا الۋ، ىقپال كۇشىنەن پايدالانىپ پارا الۋ دەلوسى جونىندە ءبىرىنشى سوت اشىلدى

شينحۋا اگەنتتىگىنىڭ 8 – ايدىڭ 30 - كۇنى تاييۋاننان بەرگەن حابارى. 8 – ايدىڭ 30 – كۇنى، سانشي ولكەسى تاييۋان قالالىق ورتا دارەجەلى حالىق سوت مەكەمەسى ەڭ جوعارى حالىق سوت مەكەمەسى سوت كوميسسياسىنىڭ بۇرىنعى مۇشەسى، ازاماتتىق ىستەر سوتى 1 ـ سوتىنىڭ بۇرىنعى باستىعى جىڭ شۋەليننىڭ پارا الۋ، ىقپال كۇشىنەن پايدالانىپ پارا الۋ دەلوسىن ءبىرىنشى سوتتا اشىق قارادى.

سانشي ولكەسى تاييۋان قالالىق حالىق پروكۋراتۋراسى بىلاي دەپ ايىپتادى: 2004 - جىلدان 2022 - جىلعا دەيىن ايىپكەر جىڭ شۋەلين ەڭ جوعارى حالىق سوت مەكەمەسى دەلو تۇرعىزۋ كوللەگياسىنىڭ ورىنباسار باستىعى، دەلو تۇرعىزۋ 2 - سوتىنىڭ باستىعى، ورتا بايلىعى سوت كوللەگياسىنىڭ باستىعى، 2 - كوشپەلى سوتتىڭ ورىنباسار باستىعى، دەلو تۇرعىزۋ كوللەگياسىنىڭ باستىعى، ازاماتتىق ىستەر سوتى 1 - سوتىنىڭ باستىعى، سوت كوميسسياسىنىڭ مۇشەسى قاتارلى مىندەتتەردى وتەگەن كەزىندە مىندەت جاعىنداعى قولايلىلىقتاردان پايدالانىپ قاتىستى ورىندار مەن جەكەلەردىڭ دەلونى ءبىر جاقتى ەتۋ، قىزمەت اۋىستىرۋ قاتارلى ىستەرىنە كومەكتەسىپ، باسقالاردىڭ بەرگەن مال - مۇلكىن زاڭسىز قابىلداعان، جالپى حالىق اقشاسىنا سىندىرعاندا 35 ميلليون 290 مىڭ يۋاننان استى. 2023 - جىلى 3 - ايدان 9 - ايعا دەيىن جىڭ شۋەلين زەينەتكە شىققاننان كەيىن، ەڭ جوعارى حالىق سوت مەكەمەسى سوت كوميسسياسىنىڭ بۇرىنعى مۇشەسى، ازاماتتىق ىستەر سوتى 1 - سوتىنىڭ باستىعى سياقتى قىزمەت ۇقىعى، ورنى قالىپتاستىرعان قولايلى شارت - جاعدايدان پايدالانىپ، باسقا مەملەكەت قىزمەتكەرلەرىنىڭ قىزمەت مىندەتى جاعىنداعى ارەكەتى ارقىلى، قاتىستى ورىندار مەن جەكەلەردىڭ دەلونى ءبىر جاقتى ەتۋ جۇمىستارىنا كومەكتەسىپ، باسقالاردىڭ بەرگەن اقشاسىن زاڭسىز قابىلداعان، جيىنى 11 ميلليون 500 مىڭ يۋان حالىق اقشاسى بولعان. پروكۋراتۋرا ورگاندارى پارا الۋ قىلمىسى، ىقپال كۇشىنەن پايدالانىپ پارا الۋ قىلمىسى بويىنشا جىڭ شۋەليننىڭ قىلمىستىق ىستەر جاۋاپكەرشىلىگىن قۋزاستىرۋدى ۇسىنىس ەتتى.

پروكۋراتۋرا ورگاندارى قاتىستى دالەل - ىسپاتتاردى كورسەتتى، ايىپكەر جىڭ شۋەلين مەن ونىڭ اقتاۋشىسى دالەل - ىسپات كورسەتتى، شاعىم ايتۋشى مەن اقتاۋشى ەكى جاق سوتتىڭ باسقارۋىندا تولىق پىكىر ايتتى، جىڭ شۋەلين ەڭ سوڭعى ءسوزىن سويلەدى ءارى سوتتا قىلمىسىن تانىپ، وكىنەتىندىگىن ءبىلدىردى. ەڭ سوڭىندا سوت سوتتىڭ ءۇزىلىس جاساعانىن، سوت ۇكىمىن ارتىنان جاريالايتىندىعىن جاريالادى.

حالىق قۇرىلتايى ۋاكىلدەرىنەن، ساياسي كەڭەس مۇشەلەرىنەن، اقپارات تىلشىلەرىنەن جانە ءار سالا بۇقاراسىنان 20 نەشە ادام سوت تەرگەۋىن سىرتتاي تىڭدادى.

كەلۋ قاينارى: حالىق تورابى