شينجياڭنىڭ 9 ـ ايداعى كليمات جاعدايى جونىندەگى مەجە: 4 رەت جاۋىن – شاشىن بولىپ، ءبىر رەت كۇن ىسيدى

شينجياڭ اۋا رايى مەكەمەسى ۋيچات الەۋمەتتىك تەكشەسىنىڭ حابارىنا قاراعاندا، تاياۋدا شينجياڭ كليمات ورتالىعى 9 ـ ايداعى كليمات جاعدايى جونىندەگى مەجەنى جاريالاعان، مەجەمەن 9 ـ ايدا 4 رەت جاۋىن ـ شاشىن بولادى جانە ءبىر رەت كۇن ىسيدى، بۇكىل شينجياڭنىڭ باسىم كوپ بولەگىنىڭ ورتاشا اۋا تەمپەراتۋراسى ءبىرشاما جوعارى بولادى.

اۋا تەمپەراتۋراسى جاعىندا، مەجەمەن 9 – ايدا شينجياڭنىڭ باسىم كوپ ساندى جەرىنىڭ ورتاشا اۋا تەمپەراتۋراسى جىلداعىدان 0.2 دە 1.3 سەلتسي گرادۋس جوعارى بولادى، مۇندا ىلە وبلىسى، قارامايلى قالاسى، شىحىزى قالاسى، ءۇرىمجى قالاسى، سانجى وبلىسى، قىزىلسۋ وبلىسى، قاشقار ايماعى، حوتان ايماعى، اقسۋ ايماعى، قۇمىل قالاسىنىڭ سولتۇستىگى مەن بايىنعولين وبلىسىنىڭ سولتۇستىگىندە اۋا تەمپەراتۋراسى جىلداعىدان 0.2 دە 0.8 سەلتسي گرادۋس جوعارى بولادى، بايىنعولين وبلىسىنىڭ وڭتۇستىك بولەگىندە، قۇمىل قالاسىنىڭ وڭتۇستىگىندە جانە تۇرپان قالاسىندا 1.1 دە 1.3 سەلتسي گرادۋس جوعارى بولادى، بۇراتالا وبلىسىندا، تارباعاتاي ايماعىندا، التاي ايماعىندا بۇرىنعى جىلدارداعىدان 0.2 دە 0.4 سەلتسي گرادۋس تومەن بولادى.

جاۋىن - شاشىن جاعىندا، مەجەمەن 9 – ايدا شينجياڭنىڭ جاۋىن - شاشىنى نەگىزىنەن سولتۇستىك شينجياڭنىڭ باسىم كوپ بولەگىنە، تيانشان تاۋلى وڭىرىنە، قۇمىل قالاسىنىڭ سولتۇستىگىنە جانە وڭتۇستىك شينجياڭنىڭ باتىس بولەگىنە شوعىرلانادى. مۇندا تارباعاتاي ايماعىنىڭ سولتۇستىك بولەگىنىڭ، بۇراتالا وبلىسىنىڭ تاۋلى وڭىرلەرىنىڭ، تيانشان تاۋلى وڭىرلەرىنىڭ جانە وڭتۇستىك شينجياڭنىڭ باتىس بولەگىندەگى تاۋلى رايوندارىنىڭ جاۋىن - شاشىن مولشەرى شامامەن 20 دا 40 ميلليمەتر، سولتۇستىك شينجياڭنىڭ باسىم كوپ بولەگىندە 10 دا 20 ميلليمەتر، وڭتۇستىك شينجياڭنىڭ باتىس بولەگىندەگى جازىق رايونداردا 5 تە 20 ميلليمەتر بولادى، بايىنعولين وبلىسىنىڭ وڭتۇستىك بولەگىنىڭ، تۇرپان قالاسىنىڭ جانە قۇمىل قالاسىنىڭ وڭتۇستىك بولەگىنىڭ جاۋىن - شاشىن مولشەرى 5 ميلليمەتردەن تومەن نەمەسە نەگىزىنەن جاۋىن – شاشىن بولمايدى.

بۇرىنعى جىلدارداعى ۇقساس مەزگىلدەگىمەن سالىستىرعاندا، تارباعاتاي ايماعىنىڭ سولتۇستىگىندە، التاي ايماعىندا، بۇراتالا وبلىسىندا %10 تە %20 كوپ بولادى، اقسۋ ايماعى مەن بايىنعولين وبلىسىنىڭ سولتۇستىك بولەگىندە بۇرىنعى جىلدارداعىدان %20 تە %50 كوپ بولادى، قاشقار ايماعىندا، قىزىلسۋ وبلىسىندا، حوتان ايماعىندا %50 تەن كوپ بولادى، ىلە وبلىسىندا، قارامايلى قالاسىندا، شىحىزى قالاسىندا، سانجى وبلىسىندا، ءۇرىمجى قالاسىندا، تۇرپان قالاسىندا، قۇمىل قالاسىنىڭ سولتۇستىك بولەگىندە %10 تە %20 از بولادى، قۇمىل قالاسىنىڭ وڭتۇستىگى مەن بايىنعولين وبلىسىنىڭ وڭتۇستىك بولەگىندە %20 تە %50 از بولادى.

مەجەمەن 9 – ايدا شينجياڭنىڭ جاۋىن - شاشىنىنا ىقپال جاسايتىن اۋا رايى بارىسى نەگىزىنەن 4 رەت بولادى، ونىڭ تۋىلۋ ۋاقىتى مەن كۇشەمەلىلىگى جەكە - جەكە مىناداي بولادى: ايدىڭ العاشقى جارتىسىندا (ورتا دارەجەدە)، ايدىڭ سوڭعى جارتىسىندا (ورتاشا، ءالسىز)، باس شەنىنىڭ سوڭى (ورتاشا، ءالسىز)، اياق شەنىنىڭ سوڭى (ورتاشا، ءالسىز). بۇدان سىرت، تاعى ءبىر رەتكى جوعارى تەمپەراتۋرالى اۋا رايى بارىسى شينجياڭعا ىقپال جاسايدى، 9 ـ ايدىڭ باسىندا تۇرپان – ءپىشان ـ توقسۇن ويپاتىندا جارىققا شىعادى.

كەلۋ قاينارى: حالىق تورابى