ەلىمىز قايىرىمدىلىق ۇيىمدارىن تانۋ شارتىن اناعۇرلىم ارناعا ءتۇسىردى

شينحۋا اگەنتتىگىنىڭ 9 – ايدىڭ 5 – كۇنى بەيجيڭنەن بەرگەن حابارى. حالىق ىستەرى مينيسترلىگى 9 – ايدىڭ 5 - كۇنى جاڭادان وزگەرىس ەنگىزىلگەن «قايىرىمدىلىق ۇيىمدارىن تۇراقتاندىرۋ ءادىسىن» جاريالادى. ءادىس قايىرىمدىلىق ۇيىمدارىن تۇراقتاندىرۋ شارتىن ونان ارى ارناعا ءتۇسىرىپ، زاڭعا اۋىر قايشىلىق جاساپ، سەنىمسىزدىك ىستەگەن قوعامدىق ۇيىمداردى قايىرىمدىلىق ۇيىمدارىنا جاتقىزبايتىن جاعدايدى ەنگىزدى

ءادىستىڭ 5 - تارماعىندا قايىرىمدىلىق ۇيىمى دەپ تانىلمايتىن 4 ءتۇرلى جاعداي بەلگىلەنگەن، مۇنىڭ ىشىندە 3 – تارماقشاداعى ”ءوتىنىش ەتكەن كەزدە حالىق ىستەرى تاراۋلارى جاعىنان قالىپسىز تىزىمدىككە ەنگىزىلگەندەر“ ”ءوتىنىش ەتكەن كەزدە حالىق ىستەرى تاراۋلارى جاعىنان قوعامدىق ۇيىمداردىڭ قيمىلىنىڭ قالىپسىز تىزىمدىگىنە ەنگىزىلگەندەر نەمەسە زاڭعا اۋىر قايشىلىق جاساپ سەنىمنەن ايرىلعاندار تىزىمدىگىنە ەنگىزىلگەندەر“ دەپ وزگەرتىلدى، قايىرىمدىلىق ۇيىمدارى دەپ تۇراقتاندىرماۋ جاعدايى كەمەلدەندىرىلدى.

9 – ايدىڭ 5 – كۇنى اتقارىلعان جاڭادان وزگەرىس ەنگىزىلگەن قايىرىمدىلىق زاڭىنداعى بەلگىلەمەگە ساي، قور قوعامىنىڭ، قوعامدىق توپتاردىڭ، قوعامدىق قىزمەت وتەۋ قۇرىلىمدارىنىڭ تىزىمگە الىنعان كەزدە تىكەلەي قايىرىمدىلىق ۇيىمى رەتىندە تىزىمگە الدىرۋىنا دا، تىزىمگە الدىرعاننان كەيىن وزگە تىزىمگە الدىرعان حالىق ىستەرى تاراۋلارىنان قايىرىمدىلىق ۇيىمى دەپ تانۋدى ءوتىنىش ەتۋىنە دە بولادى.

ادىسكە سايكەستى وزگەرىس ەنگىزىپ، 2 – تارماقتاعى ”قايىرىمدىلىق زاڭى جاريالانۋدان بۇرىنعى“ دەگەن بايانداۋدى الىپ تاستاپ، ونى ”قۇرىلعان قور قوعامى، قوعامدىق توپتار، قوعامدىق قىزمەت وتەۋ قۇرىلىمدارى سياقتى پايدا تابۋدى ماقسات ەتپەيتىن ۇيىمدار قايىرىمدىلىق ۇيىمى دەپ تانۋدى ءوتىنىش ەتسە، وسى ءادىس قولدانىلادى“ دەپ وزگەرتىلدى.

ءادىس جاريالانعان كۇننەن باستاپ اتقارىلادى.

كەلۋ قاينارى: حالىق تورابى