جۇڭگو مەن قىرعىزستان اراسىنداعى قۇرلىقتاعى 3 – وتكەل 9 – ايدىڭ 30 – كۇنىنە دەيىن ۋاقىتتىق اشىلادى 

تيانشان تورابى – شينجياڭ گازەتىنىڭ ءتىلشىسى ليۋ شياڭ حابارلايدى. جۇڭگو مەن قىرعىزستان اراسىنداعى بەدەلى وتكەلىن ۋاقىتتىق اشۋ سالتى 9 – ايدىڭ 3 – كۇنى وتكىزىلدى.

2023 – جىلى 5 – ايدا، ءتوراعا شي جينپيڭ قىرعىزستان زۇڭتۇڭى جاپاروۆپەن جۇڭگو — ورتا ازيا باسشىلار كەڭەسى مەزگىلىندە بەدەلى وتكەلىن اشۋ تۋرالى ماڭىزدى ورتاق تانىمعا كەلگەن. 2024 – جىلى 3 – ايدا، مەملەكەتتىك كەڭەس بەدەلى وتكەلىن شەتەلگە اشۋدى بەكىتىپ، ماقۇلداعان.

بەدەلى وتكەلى جۇڭگو مەن قىرعىزستان شەكاراسىنداعى 6 – ءنومىرلى شەكارا بەلگىسى اۋماعىنا ورنالاسقان، مەملەكەت قاقپاسى تەڭىز دەڭگەيىنەن 2754 مەتر بيىكتكتەگى جەردە، ۇلىقشات اۋدانىنىڭ اۋدان قالاشىعىنان 140 كيلومەتر قاشىقتىقتا، قىرعىزستاننىڭ ىستىقكول وبلىسىنىڭ قاراكول قالاسىنان 230 كيلومەتر قاشىقتىقتا، جۇڭگو مەن قىرعىزستان ەكى ەلدىڭ اراسىنداعى تورعات، ەركەشتام وتكەلىنەن كەيىنگى قۇرلىقتاعى 3 – وتكەل سانالادى.

بەدەلى وتكەلىنىڭ ۋاقىتتىق اشىلۋى جۇڭگو مەن قىرعىزستان ەكى ەل مەملەكەت باسشىلارىنىڭ ورتاق تانىمىن تياناقتاندىرۋداعى ماڭىزدى شارا، شينجياڭداعى قۇرلىقتىق وتكەلدەردىڭ ورنالاسۋىن كەمەلدەندىرۋگە ءتيىمدى بولىپ، جۇڭگو مەن قىرعىزستان ەكى ەلدىڭ اراسىنداعى ساۋدالىق بارىس – كەلىس پەن گۋمانيتارلىق اۋىس – كۇيىسكە اناعۇرلىم قولايلى بولادى.

بەدەلى وتكەلىنىڭ وسى رەتكى ۋاقىتشا اشىلۋ مەرزىمى 9 – ايدىڭ 30 – كۇنىنە دەيىن بولادى. وتكەلدىڭ سايكەستى نەگىزدىك قۇرىلعىلارى مەجەمەن 2027 – جىلى سالىنىپ بولادى، مەملەكەتتىڭ تەكسەرىپ وتكىزىپ الۋىنان وتكەن سوڭ، جىل بويى اشىق ۇستالادى.

كەلۋ قاينارى: حالىق تورابى