جۇڭگو جاق: يادرولىق قارۋدى پايدالانۋعا بولمايدى، يادرولىق سوعىستى قوزعاۋعا بولمايدى 

جۇڭگو سىرتقى ىستەر مينيسترلىگىنىڭ مالىمدەمەشىسى ماۋ نيڭ 9 – ايدىڭ 2 – كۇنى كەزەكتى تىلشىلەردى قابىلداۋ ءماجىلىسىن باسقارىپ اشتى.

ءتىلشى بىلاي دەپ سۇرادى: رەسەيدىڭ سىرتقى ىستەر مينيسترلىگىنىڭ ورىنباسار مينيسترى ريابكوۆ جۋىردا سۇحبات قابىلداعاندا رەسەيدىڭ يادرو ساياساتىنا وزگەرىس ەنگىزەتىنىن، وسى ارقىلى باتىس ەلدەرىنىڭ ۋكراينا ماسەلەسىندەگى ارەكەتىنە توتەپ بەرەتىنىن ايتقان. بۇل مالىمدەمە جونىندە قانداي پىكىر بىلدىرەسىز؟

ماۋ نيڭ بىلاي دەدى: جۇڭگو جاق يادرولىق قارۋدى پايدالانۋعا بولمايتىنىن، يادرولىق سوعىستى قوزعاۋعا بولمايتىنىن تالاي رەت قايتالاي دارىپتەگەن. 2022 – جىلى 1 – ايدا، يادرولىق قارۋى بار بەس مەملەكەتتىڭ باسشىلارى يادرولىق سوعىستان ساقتانۋ جونىندەگى بىرلەسكەن مالىمدەمەنى جاريالاعان كەزدە دە، يادرولىق سوعىستا جەڭۋگە كەلمەيتىنىن، ونداي سوعىستى قوزعاۋعا بولمايتىنىن اتاپ كورسەتكەن. قازىرگى جاعدايدا، ءارقايسى جاقتار سابىرلى دا سالماقتى بولۋى، كەڭەسۋ ارقىلى جاعدايدىڭ ساباسىنا ءتۇسۋىن بىرگە ىلگەرىلەتۋى، ستراتەگيالىق حاۋىپتى ازايتۋى كەرەك.

كەلۋ قاينارى: حالىق تورابى