9 - ايدىڭ 6 - كۇنى تۇننەن 8 - كۇنىنە دەيىن سولتۇستىك شينجياڭدا، شىعىس شينجياڭدا قاتتى سۋىق اعىس بولادى

9 – ايدىڭ 5 – كۇنى، ءتىلشىنىڭ شينجياڭ اۋا رايى ستانسياسىنان ۇعىسۋىنشا، سۋىق اعىستىڭ ىقپالىنان، مەجەمەن 9 – ايدىڭ 6 – كۇنى تۇننەن 8 – كۇنى كۇندىزگە دەيىن سولتۇستىك شينجياڭنىڭ باسىم كوپ بولەگىندە، شىعىس شينجياڭدا جانە وڭتۇستىك شينجياڭنىڭ باتىس بولەگىندەگى تاۋلى وڭىرلەردە جاۋىن – شاشىن بولىپ، قۇمدى بوران سوعىپ، تەمپەراتۋرا كورنەكتى تومەندەيدى، سولتۇستىك شينجياڭنىڭ باسىم كوپ بولەگىنىڭ ەڭ تومەن تەمپەراتۋراسى 5 تە 8 سەلتسي گرادۋس تومەندەيدى، تاۋلى رايونداردىڭ ەڭ تومەنگى تەمپەراتۋراسى نولدەن تومەن 4 تە 3 سەلتسي گرادۋسقا تۇسەدى، بوكتەرلى رايونداردا جەڭىل قىراۋ ۇسىگى جۇرەدى. وڭتۇستىك شينجياڭ مەن شىعىس شينجياڭنىڭ ءىشىنارا جەرلەرىندە قۇمدى بوران سوعادى. شينجياڭ اۋا رايى ستانسياسى مىنانى ەسكەرتتى: وسى رەتكى اۋا رايى وزگەرىسىندە تەمپەراتۋرا كورنەكتى تومەندەيدى، 9 – ايدىڭ 9 – كۇنى تاڭ سارىدە سولتۇستىك شينجياڭنىڭ بوكتەرلى وڭىرلەرىندە قىراۋ ۇسىگى بولىپ، ەگىس داقىلدارىنا ىقپالى ءبىرشاما زور بولادى، ۇسىكتەن ساقتانۋدىڭ دايىندىق قىزمەتىن جاقسى ىستەۋ كەرەك؛ جۇرتشىلىق كيىم – كەشەكتى قالىڭ كيىپ، جۇقپالى تۇماۋ سياقتى اۋرۋلارعا شالدىعۋدان ساقتانۋ كەرەك.

الدىن الا مالىمەتتە كورسەتىلۋىنشە، 9 - ايدىڭ 6 - كۇنى تۇننەن 9 - ايدىڭ 8 - كۇنىنە دەيىن، سولتۇستىك شينجياڭنىڭ كوپ ءبولىمى مەن وڭتۇستىك شينجياڭنىڭ باتىس بولەگىندەگى تاۋلى وڭىرلەر، اقسۋ ايماعىنىڭ باتىس بولەگىنىڭ سولتۇستىگى، كۇنلۇن تاۋىنىڭ سولتۇستىك بەتكەيى، بايىنعولىن موڭعۇل اۆتونوميالى وبلىسىنىڭ سولتۇستىك بولەگى، تۇرپان قالاسى، قۇمىل قالاسى قاتارلى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى، جوعارىدا ايتىلعان تاۋلى وڭىرلەردىڭ ءىشىنارا وڭىرلەرىندە ورتاشادان باستاپ قالىڭ جاڭبىر جاۋادى، كەي جەرلەردە نوسەر جاۋادى، ءىشىنارا جەرلەردە قىسقا ۋاقىتتىق كۇشتى جاۋىن - شاشىن، ناجاعايلى بوران، بۇرشاق سياقتى كۇشتى كونۆەكسيالىق اۋا رايى بولادى. جاۋىن – شاشىننىڭ نەگىزگى جاۋاتىن ۋاقىتى: ىلە وزەنى اڭعارى، بۇراتالا موڭعۇل اۆتونوميالى وبلىسى، تارباعاتاي ايماعى، التاي ايماعىندا 9 – ايدىڭ 6 – كۇنى تۇننەن 7 – كۇنى كۇندىزگە دەيىن، شىحىزى قالاسى، ءۇرىمجى قالاسى، سانجى حۇيزۋ اۆتونوميالى وبلىسى، اقسۋ ايماعىنىڭ باتىس سولتۇستىك بولەگى، بايىنعولىن وبلىسىنىڭ سولتۇستىك بولەگىندە 9 – ايدىڭ 7 – كۇنى كۇندىزدەن تۇنگە دەيىن.

جاۋىن - شاشىنعا ىلەسە، 9 - ايدىڭ 6 - كۇنى تۇننەن 8 - كۇنى كۇندىزگە دەيىن سولتۇستىك شينجياڭنىڭ باسىم كوپ بولەگىنىڭ ەڭ تومەنگى تەمپەراتۋراسى 5 تە 8 سەلتسي گرادۋس تومەندەيدى. 9 – ايدىڭ 9 - كۇنى تاڭ سارىدە تارباعاتاي ايماعىنىڭ سولتۇستىگى مەن التاي ايماعىنىڭ جازىق وڭىرلەرىنىڭ ەڭ تومەنگى تەمپەراتۋراسى 5 تە 8 سەلتسي گرادۋسقا تۇسەدى، سولتۇستىك شينجياڭ جازىعىنىڭ باسقا رايوندارىنداعى ەڭ تومەنگى تەمپەراتۋرا 7 دە 11 سەلتسي گرادۋسقا تۇسەدى؛ تاۋلى وڭىرلەردىڭ ەڭ تومەنگى تەمپەراتۋراسى نولدەن تومەن 4 تە 3 سەلتسي گرادۋسقا تۇسەدى.

9 ـ ايدىڭ 7 ـ كۇنى تۇستەن كەيىننەن تۇنگە دەيىن، ءۇرىمجى قالاسىنىڭ قالا رايونىندا جاڭبىر جاۋادى، تاۋلى وڭىرلەردە نوسەر جاۋادى، باتىس سولتۇستىكتەن 4 تە 6 بال بوران سوعادى، 9 ـ ايدىڭ 8 ـ كۇنى كۇندىزگى ەڭ جوعارى اۋا تەمپەراتۋراسى 15 سەلتسي گرادۋس بولادى، 9 – ايدىڭ 9 - كۇنى تاڭعى ەڭ تومەنگى اۋا تەمپەراتۋراسى 7 سەلتسي گرادۋس بولادى.

شينجياڭ اۋا رايى ستانسياسى مىنانى ەسكەرتەدى: وسى رەتكى جاۋىن ـ شاشىن بارىسىندا ىلە وزەنى اڭعارىنىڭ وڭتۇستىك بولەگى، شىعىس بولەگى، بۇراتالا وبلىسىنىڭ تاۋلى ءوڭىرى، تارباعاتاي ايماعىنىڭ تاۋلى ءوڭىرى، شىحىزى قالاسىنىڭ وڭتۇستىگىندەگى تاۋلى ءوڭىر، ءۇرىمجى قالاسىنىڭ تاۋلى ءوڭىرى قاتارلى جەرلەردىڭ ءىشىنارا وڭىرلەرىندە جاۋىن ـ شاشىن مولشەرى ءبىرشاما مول بولادى، ءىشىنارا جەرلەردە قىسقا ۋاقىتتىق كۇشتى جاۋىن ـ شاشىن، بۇرشاق جاۋىپ، داۋىل سوعىپ، كۇشتى كونۆەكسيالىق اۋا رايىنىڭ مۇمكىندىگى ءبىرشاما زور بولادى، ساياحات تاراۋلارى كورىنىس رايوندارىن باسقارۋدى كۇشەيتىپ، ساياحاتشىلارعا تاۋ كوشكىنى وڭاي تۋىلاتىن جەر، تاسقىننان ساقتانۋ ارناسى قاتارلى گەولوگيالىق اپاتتار وڭاي تۋىلاتىن وڭىرلەرگە بارۋدان ساقتانۋدى ەسكەرتۋى كەرەك؛ جاڭبىر، قار جاۋعان كۇندەرى جول تايعاق، كورۋ دارەجەسى ناشار بولادى، قاتىناس تاراۋلارى جول حاۋىپسىزدىگىن باسقارۋدى كۇشەيتۋى، اسىرەسە، مايتاۋ - كۇشار تاسجولى، قۇلجا – موڭعۇلكۇرە تاسجولى، S101 تاسجولى قاتارلى ساياحات جەلىلەرىن باسقارۋ - مەڭگەرۋدى كۇشەيتۋى، سونىمەن بىرگە، تاۋلى وڭىرلەردىڭ ءىشىنارا جەرلەرىندەگى تاسقىن، لاي تاسقىنى، جەر كوشكىنى قاتارلى گەولوگيالىق اپاتتاردان ساقتانۋدى كۇشەيتۋى كەرەك.

بۇدان سىرت، 9 ـ ايدىڭ 6 ـ كۇنى تۇننەن 8 ـ كۇنى كۇندىزگە دەيىن سولتۇستىك شينجياڭ مەن شىعىس شينجياڭنىڭ جەل وتىندە جەل كۇشى ءبىرشاما زور بولادى، وڭتۇستىك شينجياڭ مەن شىعىس شينجياڭدا قۇمدى بوران سوعىپ، قۇرىلعىلى اۋىل شارۋاشىلىعى، قاتىناس ـ تاسىمالى، ەلەكتر قۋاتى جانە حابارلاسۋ قۇرىلعىلارى قاتارلىلارعا ءتيىمسىز ىقپال جاسايدى، قاتىستى تاراۋلاردىڭ ساقتانۋدى كۇشەيتۋىن ۇسىنىس ەتەمىز.

كەلۋ قاينارى: حالىق تورابى