نيڭشيا پروكۋراتۋرا ورگاندارى نيڭشيا يىنچۋان قالالىق پارتكومنىڭ بۇرىنعى تۇراقتى مۇشەسى، ساياسي - زاڭ كوميتەتىنىڭ شۋجيى لي يۇڭنيڭگە زاڭ بويىنشا الەۋمەتتىك ايىپتاۋ ءتۇسىردى

جاقىندا، نيڭشيا حۇيزۋ اۆتونوميالى رايونى يىنچۋان قالالىق پارتكومنىڭ بۇرىنعى تۇراقتى مۇشەسى، ساياسي زاڭ كوميتەتىنىڭ بۇرىنعى شۋجيى لي يۇڭنيڭنىڭ (ورىنباسار مەڭگەرمە دارەجەلى) پارا الۋ قىلمىسى، زور جاۋاپكەرشىلىك وقيعاسى قىلمىسى، بەتكە قاراپ زاڭ بۇزۋ قىلمىسى دەلوسىن نيڭشيا حۇيزۋ اۆتونوميالى رايوندىق حالىق پروكۋراتۋراسى قاراستىلىعىن كورسەتۋ ارقىلى، جۇڭۋي قالالىق حالىق پروكۋراتۋراسى زاڭ بويىنشا جۇڭۋي قالالىق ورتا دارەجەلى حالىق سوت مەكەمەسىنە الەۋمەتتىك ايىپتاما بەردى. دەلو ىشكەرىلەي ءبىر جاقتى ەتىلۋدە.

پروكۋراتۋرا ورگاندارى تەكسەرىپ ايىپتاۋ ساتىسىندا ايىپكەر لي يۇڭنيڭ يگىلىكتەنەتىن ارىز - شاعىم ۇقىعىن زاڭ بويىنشا ۇقتىردى ءارى زاڭ بويىنشا ايىپكەردى سۇراققا تارتىپ، اقتاۋشىنىڭ پىكىرىن تىڭدادى. جۇڭۋي قالالىق حالىق پروكۋراتۋراسى بىلاي دەپ ايىپتاما بەردى؛ ايىپكەر لي يۇڭنيڭ چۇڭچيڭ قالالىق قوعام حاۋىپسىزدىگى مەكەمەسى ەكونوميكالىق قىلمىستى بارلاۋ باس اترەتىنىڭ باس اترەت باستىعى، چۇڭچيڭ قالالىق قوعام حاۋىپسىزدىگى مەكەمەسى قاتىناس شارلاۋ ساقشى باس اترەتى پارتكومىنىڭ مۇشەسى، ورىنباسار ساياسي كوميسسارى، يىنچۋان قالالىق قوعام حاۋىپسىزدىگى مەكەمەسى پارتكومىنىڭ شۋجيى، مەكەمە باستىعى، يىنچۋان قالالىق پارتكومنىڭ تۇراقتى مۇشەسى، ساياسي زاڭ كوميتەتىنىڭ شۋجيى قاتارلى مىندەتىندەگى قولايلىلىقتاردان، سونداي - اق قىزمەت ۇقىعى جانە ورنى قالىپتاستىرعان قولايلى جاعدايدان پايدالانىپ باسقالاردىڭ قىلمىستىق ىستەر دەلوسىن ءبىر جاقتى ەتۋىنە كومەكتەسىپ، باسقالاردان زاڭسىز فورمامەن اقشا، مال – مۇلىك العان، سوماسى ەرەكشە كوپ، مەملەكەت قىزمەتكەرى بولا تۇرا، بەلگىلەمەگە قايشى فورمامەن قاراجات قوسىپ، ساۋدا كاسىپورىندارىنا جارنا قوسقان، ءوندىرىس، تيجارات ارەكەتىندە حاۋىپسىزدىك باسقارۋ بەلگىلەمەسىنە قايشىلىق جاساعاندىقتان، اۋىر ءولىم – ءجىتىم ۋاقيعاسى تۋىلعان، جاعدايى ەرەكشە اۋىر؛ ءادىليا قىزمەتكەرى بولۋ سالاۋاتىمەن، كوڭىلگە قاراپ كوز بوياۋشىلىق ىستەگەن، قىلمىسى بار ەكەندىگىن بىلە تۇرا، ونى قاناتىنا الىپ، قۋعىنداماعان، زاڭ بويىنشا پارا الۋ قىلمىسى، زور جاۋاپكەرشىلىك وقيعاسى قىلمىسى، بەتكە قاراپ زاڭ بۇزۋ قىلمىسى بويىنشا قىلمىستىق ىستەر جاۋاپكەرشىلىگىن قۋزاستىرۋ كەرەك.

كەلۋ قاينارى: حالىق تورابى