سىرتقى ىستەر مينيسترلىگى: ا ق ش – تىڭ ساياساتكەرلەرىن جۇڭگونىڭ دامۋىنا وبيەكتيۆ، اقىلدىق تۇرعىدان مامىلە جاساۋعا قۋزايمىز

9 – ايدىڭ 3 – كۇنى، سىرتقى ىستەر مينيسترلىگىنىڭ مالىمدەمەشىسى ماۋ نيڭ كەزەكتى تىلشىلەر جينالىسىن باسقاردى. ءبىر ءتىلشى تاياۋدا ا ق ش پارلامەنتى قاۋىم پالاتاسى ”جۇڭگو ەرەكشە ورنالاستىرۋ كوميتەتىنىڭ“ ءتوراعاسى مورەننا مەن كوپتەگەن پارلامەنت مۇشەلەرىنىڭ جاپونياعا ساپارلاي بارعاندا بىلدىرگەن قاتىستى پىكىرلەرى جونىندە سۇراۋ قويدى.

ماۋ نيڭ مىنانى ءبىلدىردى: سەن ايتقان بۇل قۇرىلىم ساياسي ماقساتتى كوزدەپ وتىر، قاتىستى ساياساتكەرلەردىڭ سوزدەرى قىرعي قاباقتىق وي مەن يدەولوگيالىق سىڭار جاقتى كوزقاراسقا تولعان، ”جۇڭگو قاتەرىن“ اسىرەلەپ كورسەتتى، جۇڭگو بۇعان باتىل قارسى تۇرادى.

جۇڭگو ەجەلدەن بىلاي دەپ قاراپ كەلەدى: مەملەكەتتەر ارا سەلبەستىك ءۇشىنشى جاققا باعىتتالماۋى، ءۇشىنشى جاقتىڭ مۇددەسىنە ءتىپتى دە زيان جەتكىزبەۋى كەرەك. توپ قۇراتىن، توماعا - تۇيىق كۇيدە باسقالاردى قاقپايلايتىن ”شاعىن شەڭبەر“ ءداۋىر اعىمىنا قايشى كەلەدى. جۇڭگو جاق ا ق ش ساياساتكەرلەرىن جۇڭگونىڭ دامۋىنا وبيەكتيۆ، اقىلدىق تۇرعىدان مامىلە جاساپ، لاگەر جاساۋىن، قارسىلاسۋىن توقتاتىپ، ”جاڭا قىرعي قاباقتىق سوعىستى“ دوعارۋعا قۋزايدى.

كەلۋ قاينارى:حالىق تورابى