شي جينپيڭ زيمبابۆەنىڭ زۇڭتۇڭى مۋنانگاۆامەن كەڭەس وتكىزدى

9 - ايدىڭ 3 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ءارى مەملەكەتتىك ساپاردا بولۋ ءۇشىن جۇڭگوعا كەلگەن زيمبابۆەنىڭ زۇڭتۇڭى مۋنانگاۆامەن كەڭەس وتكىزدى.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

9 - ايدىڭ 3 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ءارى مەملەكەتتىك ساپاردا بولۋ ءۇشىن جۇڭگوعا كەلگەن زيمبابۆەنىڭ زۇڭتۇڭى مۋنانگاۆامەن كەڭەس وتكىزدى. سۋرەتتە: كەڭەستەن بۇرىن شي جينپيڭ حالىق سارايىنىڭ سولتۇستىك زالىندا مۋنانگاۆانى قارسى الۋ سالتىن وتكىزۋدە.

سۋرەتتى شينحۋا اگەنتتىگىنىڭ ءتىلشىسى حۋاڭ جيڭۋىن تۇسىرگەن

شينحۋا اگەنتتىگى، 9 - ايدىڭ 3 - كۇنى، بەيجيڭ (تىلشىلەر جىڭ ميڭدا، يۋان رۇي). 9 - ايدىڭ 3 - كۇنى تۇستەن كەيىن مەملەكەت ءتوراعاسى شي جينپيڭ بەيجيڭدەگى حالىق سارايىندا جۇڭگو - افريكا سەلبەستىك تالقى مىنبەرى بەيجيڭ باسشىلار ماجىلىسىنە قاتىناسۋ ءارى مەملەكەتتىك ساپاردا بولۋ ءۇشىن جۇڭگوعا كەلگەن زيمبابۆەنىڭ زۇڭتۇڭى مۋنانگاۆامەن كەڭەس وتكىزدى.

شي جينپيڭ بىلاي دەپ اتاپ كورسەتتى: جۇڭگو مەن زيمبابۆە ەلدەرىنىڭ ءداستۇرلى دوستىعى تەرەڭ. تاياۋ جىلداردان بەرى ءبىزدىڭ بىرگە جەتەكشىلىك ەتۋىمىزدە، ەكى ەلدىڭ ساياسي ءوزارا سەنىمى ۇزدىكسىز تەرەڭدەپ، سەلبەستىك ناتيجەسى كورنەكتى بولىپ، وركەندەپ كەلە جاتقان ەلدەردىڭ ىنتىماقتاسا سەلبەسۋىنىڭ ۇلگىسىنە اينالدى. كەلەر جىلى ەكى ەل ديپلوماتيالىق قارىم - قاتىناس ورناتۋدىڭ 45 جىلدىعىن قارسى الادى. جۇڭگو مەن زيمبابۆەنىڭ مىزعىماس سۇيىسپەنشىلىكتى ونان ارى بەكەمدەۋى جانە تەرەڭدەتۋى ەكى ەل حالىقتارىنىڭ ورتاق تىلەگىنە ۇيلەسەدى. ەكى جاق دوستىق اۋەلگى ماقساتىن ۇستانىپ، ساياسي، ەكونوميكا - ساۋدا، حاۋىپسىزدىك، گۋمانيتارلىق، حالىقارالىق سەلبەستىكتى تىرەك ەتكەن ”بەس جۇلدىزدى مىزعىماس بايلانىس“ سەلبەستىك جۇلگەسىن ورناتىپ، جوعارى دەڭگەيدەگى جۇڭگو - زيمبابۆە تاعدىرلاس ورتاق تۇلعاسىن قول ۇستاسا قۇرۋى كەرەك.

شي جينپيڭ بىلاي دەپ باسا دارىپتەدى: جۇڭگو مەن زيمبابۆە ەلدەرىنىڭ، پارتيالارىنىڭ ۇستانىمى قارايلاس، ءوزارا سەنىمى بەرىك، بۇل − جۇڭگو - زيمبابۆە قارىم - قاتىناسىنىڭ ەڭ ۇلكەن ابزالدىعى. جۇڭگو جاق زيمبابۆە جاقتىڭ يەلىك ۇقىعىن، حاۋىپسىزدىگىن، دامۋ مۇددەسىن قورعاۋىن قولدايدى، سىرتتىڭ كيلىگۋىنە جانە زاڭسىز جازالاۋىنا قارسى تۇرادى، زيمبابۆە جاقپەن ەل باسقارۋ تاجىريبەلەرىن اۋىستىرۋدى كۇشەيتىپ، ءبىرىن - ءبىرى ۇزدىكسىز باتىل قولداۋدى قالايدى. جۇڭگو جاق زيمبابۆە جاقپەن دامۋ ستراتەگياسىن ىشكەرىلەي ۇشتاستىرىپ، قارجى قوسۋ، ساۋدا، نەگىزدىك قۇرىلعى، ەنەرگيا، كەن ونىمدەرى، تازا ەنەرگيا، سيفرلى ەكونوميكا سياقتى سالالارداعى ءوزارا ءتيىمدى سەلبەستىكتى كەڭەيتىپ، جۇڭگو مەن افريكانىڭ ۇلاستىرۋ - تۇتاستىرۋ تورىن قالىپتاستىرىپ، زيمبابۆە مەن افريكانىڭ دەربەس دامۋ قابىلەتىن جوعارىلاتۋىنا دەم بەرۋدى قالايدى. جۇڭگو جاق زيمبابۆەنىڭ ۇزدىك وقۋشىلارىنىڭ جۇڭگوعا كەلىپ وقۋىنا وقۋ سيلىق اقشاسىن ۇزدىكسىز بەرىپ، حالىق تىلەگىنىڭ توعىسۋىن جەبەۋدى قالايدى. جۇڭگو جاق زيمبابۆەنىڭ جۇڭگو جاق العا قويعان ءتۇرلى دۇنيە جۇزىلىك باستامالار مەن دارىپتەمەلەردى قولداعاندىعىن بارىنشا القايدى، زيمبابۆەنىڭ وڭتۇستىك افريكانىڭ دامۋ ورتاق تۇلعاسىنا كەزەكتى ءتوراعا ەل بولۋ مىندەتىن اتقارعاندىعىن قۇتتىقتايدى، زيمبابۆەمەن حالىقارالىق سەلبەستىكتى كۇشەيتىپ، بەيبىت قاتار تۇرۋدىڭ بەس پرينسيبىن ساۋلەلەندىرىپ، حالىقارالىق ادىلدىك پەن تۋراشىلدىقتى قول ۇستاسا قورعاۋدى قالايدى.

شي جينپيڭ بىلاي دەپ اتاپ كورسەتتى: جۇڭگو افريكا ەلدەرىمەن قارىم - قاتىناستى دامىتۋدى باستان - اياق سىرتقى ساياساتتىڭ ىرگە تاسى ەتىپ، افريكا ەلدەرىنىڭ دەربەس، ءوز - وزىنە قوجايىن بولۋ سىندى دامۋ جولىمەن ءجۇرۋىن باتىل قولداپ، افريكانىڭ دۇنيە ءجۇزىنىڭ ساياسي، ەكونوميكا، وركەنيەت دامۋىنىڭ ماڭىزدى ۇيەگىنە اينالۋىن قولدايدى. جۇڭگو - افريكا سەلبەستىك تالقى مىنبەرى جۇڭگو - افريكا ىنتىماعىن، سەلبەستىگىن كۇشەيتۋدىڭ ەڭ ماڭىزدى تۇعىرى جانە مەحانيزمى بولىپ، حالىقارانىڭ افريكامەن سەلبەستىگىنە جەتەكشىلىك ەتەتىن تۋعا اينالدى. جۇڭگو جاق افريكا جاقپەن بىرگە، وسى رەتكى تالقى مىنبەرى باسشىلار ءماجىلىسىن جۇڭگو - افريكا قارىم - قاتىناسى تاريحىنداعى جاڭا بەلەستىك سالتاناتتى جينالىس ەتىپ وتكىزىپ، جۇڭگو مەن افريكانىڭ وسىزامانداندىرۋدى قول ۇستاسا ىلگەرىلەتۋىنىڭ قۇلشىنۋ بەتالىسى مەن جۇزەگە اسىرۋ جولىن ايقىنداۋدى قالايدى.

مۋنانگاۆا مىنالاردى ءبىلدىردى: وسى رەت جۇڭگودا ساپاردا بولعان كەزدە مەن حۋنان، شىنجىن جانە نانجيڭگە ساپارلاي بارىپ، تەرەڭ شابىت الدىم جانە جاڭا وي ءتۇيدىم. ءتوراعا شي جينپيڭنىڭ باسشىلىعىندا، جۇڭگو ۇلى دامۋ جەتىستىكتەرىنە قول جەتكىزدى، كوپتەگەن جۇڭگو تەحنيكالارى مەن كاسىپورىندارى دۇنيە جۇزىندە الدىڭعى دەڭگەيدە تۇر. جۇڭگو كوممۋنيستىك پارتياسى 20 - كەزەكتى ورتالىق كوميتەتىنىڭ ءۇشىنشى جالپى ماجىلىسىندە العا قويىلعان جەلىلەس ماڭىزدى رەفورما شارالارى جۇڭگو حالقىنىڭ باقىتىن ونان ارى ارتتىرىپ قانا قويماي، دۇنيە ءجۇزىنىڭ وڭتۇستىگىنە، ءتىپتى ادامزاتتىڭ بولاشاعىنا دا كەلەلى ىقپال جاسايدى. جۇڭگو جاقتىڭ زيمبابۆەنىڭ ەكونوميكالىق، قوعامدىق دامۋىنا، ونىڭ ىشىندە جاڭا تيپتى ايدارشا ۆيرۋس وكپە قابىنۋ ىندەتىمەن كۇرەسۋىندە قاستەرلى قولداۋ كورسەتكەندىگىنە العىس ايتامىن، جۇڭگو جاقتىڭ كومەگى مەن سەلبەستىگى زيمبابۆە حالقىنا باقىت جاراتىپ، جاڭا داۋىردەگى زيمبابۆە - جۇڭگو دوستىعىنىڭ جاڭا تانىسقىسىن سومدادى. زيمبابۆە جاق جۇڭگو جاقپەن مەملەكەتتى باسقارۋ، پارتيانى باسقارۋ تاجىريبەلەرىن اۋىستىرۋدى كۇشەيتىپ، نەگىزدىك قۇرىلعى، اۋىل شارۋاشىلىعى، كەن، جاڭا ەنەرگيا سياقتى سالالارداعى سەلبەستىكتى تەرەڭدەتىپ، زيمبابۆەنىڭ وسىزاماندانۋ اياق الىسىنا دەم بەرۋدى قالايدى. زيمبابۆە جاق جۇڭگو جاقتىڭ حالىقارالىق ورىنداردا زيمبابۆە جاق ءۇشىن ادىلدىكتى جاقتاعاندىعىنا العىس ايتادى، جۇڭگو جاقتىڭ ۋكراينا داعدارىسى جانە پالەستينا - يزرايل قاقتىعىسى سياقتى حالىقارالىق، وڭىرلىك ىستەردە سىندارلى رولىن ساۋلەلەندىرگەندىگىن القايدى، ءتوراعا شي جينپيڭ العا قويعان دۇنيە جۇزىلىك جەلىلەس باستامالاردى قولدايدى، جۇڭگو جاقپەن كوپ جاقتى سەلبەستىكتى جيىلەتۋدى قالايدى. زيمبابۆە جاق ءبىر جۇڭگو پرينسيبىنە تاباندى بولادى، جۇڭگونىڭ وڭتۇستىك افريكاداعى مىزعىماس جاقىن دوسى بولۋدى، جۇڭگومەن بىرگە زيمبابۆە - جۇڭگو جان - جاقتى ستراتەگيالىق سەلبەستىك سەرىكتەستىك قارىم - قاتىناسىنىڭ اناعۇرلىم زور دامۋعا قول جەتكىزۋىن ىلگەرىلەتۋدى قالايدى. وسى رەتكى جۇڭگو - افريكا سەلبەستىك تالقى مىنبەرى بەيجيڭ باسشىلار ءماجىلىسىنىڭ تابىستى بولىپ، افريكا - جۇڭگو سەلبەستىگىن جەبەۋدىڭ ستراتەگيالىق جەتىستىگىنە اينالۋىن تىلەيمىن.

كەڭەستەن كەيىن ەكى ەلدىڭ مەملەكەت باسشىلارى ”ءبىر بەلدەۋ، ءبىر جولدى“ بىرگە قۇرۋ، دۇنيە جۇزىلىك دامۋ باستاماسى، ەكونوميكا - ساۋدا اۋىس - كۇيىسى، سەلبەستىگى، قاتتى قابىقتى المۇرتتى جۇڭگوعا جەتكىزۋ، اقپارات سياقتى سالالارداعى كوپتەگەن ەكى جاقتى سەلبەستىك قۇجاتتارىنا قول قويۋعا بىرگە كۋا بولدى.

ەكى جاق «جۇڭحۋا حالىق رەسپۋبليكاسى مەن زيمبابۆە رەسپۋبليكاسىنىڭ جان - جاقتى ستراتەگيالىق سەلبەستىك سەرىكتەستىك قارىم - قاتىناسىن تەرەڭدەتىپ جانە جوعارىلاتىپ، جوعارى دەڭگەيدەگى جۇڭگو - زيمبابۆە تاعدىرلاس ورتاق تۇلعاسىن ورناتۋ جونىندەگى بىرلەسكەن مالىمدەمەسىن» جاريالادى.

كەڭەستەن بۇرىن شي جينپيڭ حالىق سارايىنىڭ سولتۇستىك زالىندا مۋنانگاۆانى قارسى الۋ سالتىن وتكىزدى.

ۋاڭ ي جوعارىداعى قيمىلدارعا قاتىناستى.

كەلۋ قاينارى: حالىق تورابى