قوعام حاۋىپسىزدىك ورگانىنىڭ توراپ حاۋىپسىزدىگى تاراۋلارى ينتەرنەت تەكشەلەرىنىڭ ءوزىن - ءوزى تەجەۋ، ءوزىن – ءوزى جونگە سالۋىن كۇشەيتۋىنە جەتەكشىلىك ەتتى

حالىق گازەتىنىڭ 9 – ايدىڭ 4 – كۇنى بەيجيڭنەن بەرگەن حابارى. ءتىلشىنىڭ قوعام حاۋىپسىزدىگى مينيسترلىگىنەن ۇعىسۋىنشا، جۋىردان بەرى، كەيبىر توراپتاستار جالعان ينفورماتسيالاردى جولداپ، وتىرىك وسەك – اياڭ تاراتىپ، قاساقانا جۇرت نازارىن اۋدارىپ، سونان پايدالانىپ توراپتان كورىلىم جينادى، تەكشەسىنە قوسىلۋشىلاردىڭ سانى تەزدەن ارتىپ، سول ارقىلى زاڭسىز پايدا تابۋ ماقساتىنا جەتىپ، قوعام مەن توراپ كەڭىستىگىن اۋىر دارەجەدە بىلىقتىرىپ، قالىڭ توراپتاستاردىڭ زاڭدى ۇقىق - مۇددەسىنە زيان جەتكىزدى.

قوعام حاۋىپسىزدىگى ورگاندارىنىڭ ينتەرنەت حاۋىپسىزدىگى تاراۋلارى بۇعان باسا ءمان بەرىپ، توراپتاعى زاڭعا قايشى قىلمىستىق ارەكەتتەرگە ۇزدىكسىز قاتاڭ سوققى بەرىپ، توراپتاعى بىلىقپالىقتاردى جونگە سالۋدى كۇشەيتۋمەن بىرگە، ەرەكشە ءىرى ينتەرنەت تەكشەلەرىنىڭ سۋبيەكتتىك جاۋاپكەرشىلىكتى شىنايى كۇشەيتىپ، ناقتىلاندىرىپ، شارت كەلىسىمىندەگى ءوزىن - ءوزى تەجەۋ، ءوزىن – ءوزى جونگە سالۋ رولىن تولىق ساۋلەلەندىرىپ، تازا توراپ كەڭىستىگىن بىرگە قالىپتاستىردى، بۇعان ءارقايسى ءىرى ينتەرنەت تەكشەلەرى بەلسەنە ءۇن قاتتى.

ءمالىم كەسكىن تەكشەسى جاريالاعان «”بەلگىلەمەگە قايشى قىزۋ تاقىرىپ ارقىلى ورىنسىز پايدا تابۋ“ مازمۇنىن جونگە سالۋ ولشەمىن ارناعا ءتۇسىرۋ جونىندەگى حابارلاندىرۋدى جاڭالاۋعا قاتىستى ۇقتىرۋىندا» ”جالعان سالاۋاتتان“، ”جالعان مازمۇننان“، ”جالعان تيجاراتتان“، ”جالعان اعىن مولشەرىنەن“ پايدالانىپ ورىنسىز پايدا تابۋعا قاتاڭ تيىم سالۋ ايقىن تالاپ ەتىلدى؛ ءمالىم سويلەسەتىن تەكشە ”دەنە تاربيەدەگى جانكۇيەرلەر شوعىرى ەكولوگياسىن جونگە سالۋ“ ارناۋلى ارەكەتىن باستادى ءارى قاتىستى حابارلاندىرۋدى جاريالادى، بەلگىلەمەگە قايشى مازمۇنداردى جانە تەكشە نومىرلەرىن ءبىر جاقتى ەتۋدى ۇزدىكسىز كۇشەيتىپ، جونگە سالۋ شارالارى مەن تاسىلدەرىن كەمەلدەندىرىپ، تۇتىنۋشىلاردى تاربيەلەۋ، جەتەكتەۋ جانە بەلگىلەمەگە قايشى ارەكەتتەردى اشىق جاريالاۋدى كۇشەيتتى.

قوعام حاۋىپسىزدىگى ورگاندارىنىڭ ينتەرنەت حاۋىپسىزدىگى تاراۋلارىنىڭ قاتىستى جاۋاپتىسى بىلاي دەدى: قوعام حاۋىپسىزدىگى ورگاندارى ينتەرنەت حاۋىپسىزدىگىن باقىلاۋ ـ باسقارۋدى ۇزدىكسىز كۇشەيتىپ، زاڭعا، بەلگىلەمەگە قايشى كورنەكتى ماسەلەلەردى باتىل جونگە سالىپ، قاتىستى قىزمەتكەرلەردى زاڭ بويىنشا ءبىر جاقتى ەتىپ، قالىڭ حالىق بۇقاراسىنىڭ زاڭدى ۇقىق ـ مۇددەسى مەن ينتەرنەت ەكولوگيالىق ءتارتىبىن شىنايى قورعايدى.

كەلۋ قاينارى: حالىق تورابى