شينجياڭ اۋىل ـ قىستاقتى سۋمەن قامداۋدى جوعارى ساپالى دامىتۋ جوباسىن باسىپ تاراتتى

سۋ يگىلىگى مينيسترلىگىنىڭ ءبىرتۇتاس ورنالاستىرۋى مەن تالابىنا ساي، شينجياڭ ۇيعۇر اۆتونوميالى رايوندىق حالىق ۇكىمەتىنىڭ بەكىتپە جازىپ ماقۇلداۋىمەن، جۋىقتا شينجياڭ ۇيعۇر اۆتونوميالى رايوندىق سۋ يگىلىگى مەڭگەرمەسى «شينجياڭ ۇيعۇر اۆتونوميالى رايونىنىڭ اۋىل ـ قىستاقتاردى سۋمەن قامداۋدى جوعارى ساپالى دامىتۋ جوباسىن» باسىپ تاراتتى، اۋىل ـ قىستاقتى سۋمەن قامداۋدى قامتاماسىز ەتۋ قابىلەتى مەن دەڭگەيىن جەدەل جوعارىلاتىپ، اۋىل ـ قىستاقتى سۋمەن قامداۋدىڭ جوعارى ساپالى دامۋىن ىلگەرىلەتەدى.

«جوبا» شينجياڭنىڭ ەرەكشە جاعراپيالىق ورنى، جەر بەدەرى، سۋمەن قامداۋ ينجەنەرياسىنىڭ ەرەكشەلىگى جانە نەگىزدىك شارت - جاعدايى سياقتى فاكتورلارعا نەگىزدەلىپ، وڭىرلىك سۋمەن قامداۋدى ءبىر تۇلعالاندىرۋ، بيڭتۋان مەن جەرگىلىكتى ورىننىڭ توعىسپالى سۋمەن قامداۋىن ءبىر تۇلعالاندىرۋ ۇلگىسىن ىلگەرىلەتۋ جونىندە ىزدەنىس جاساپ، شينجياڭنىڭ سۋ تورابى قۇرىلىسى جوباسىمەن ۇشتاستىرىپ، بۇكىل شينجياڭدى سولتۇستىك شينجياڭ، شىعىس شينجياڭ، وڭتۇستىك شينجياڭ دەپ 3 اۋماققا ءبولىپ، جالپى تۇلعالىق ورنالاستىرۋ جاسادى. سۋ يگىلىگى مينيسترلىگىنىڭ ”1 + 3“ ولشەمدەستىرۋ قۇرىلىسى مەن باسقارۋ، قورعاۋ ۇلگىسىنىڭ تالابىنا ساي، ماسەلەنى باعدار ەتۋگە جانە جۇيەلى ويلاۋعا تاباندى بولىپ، جەرگىلىكتى جاعدايعا قاراي ىستەپ، تۇرلەر بويىنشا شارا قولدانىپ، 5 جىل ۋاقىت ىشىندە جۇيەلى ورنالاسۋى كەمەلدى، قۇرىلعىلارى شوعىرلى، حاۋىپسىز، باسقارۋى ارناعا تۇسكەن، كاسىپتىك، اۋىل - قىستاقتى سۋمەن قامداۋدىڭ جوعارى ساپالى دامۋ جاعدايىن قالىپتاستىرۋعا كۇش سالادى.

«جوبادا» 2023 ـ جىل قازىرگى ولشەم جىلى ەتىلىپ، نازاردى سۋ قاينارى باسىنان سۋ شۇمەگىنە دەيىنگى تۇتاس تىزبەكتى، تۇتاس بارىستاعى اۋىل ـ قىستاقتى سۋمەن قامداۋ حاۋىپسىزدىگىن قامتاماسىز ەتۋ جۇيەسىن ورناتۋعا، اقاۋسىزداندىرۋعا شوعىرلاندىرىپ، 2030 ـ جىلعا بارعاندا، بۇكىل رايوننىڭ اۋىل ـ قىستاقتارىندا قۇبىر سۋىنىڭ جالپىلاسۋ سالىستىرماسىن %99.6 كە جەتكىزۋ، كولەمدەنگەن سۋمەن قامداۋ ينجەنەرياسىنىڭ اۋىل ـ قىستاقتاعى جان سانىن قامتۋ سالىستىرماسىن %91.5 كە جەتكىزۋ ايقىن بەلگىلەندى. مىڭنان ارتىق سۋ قاينارى قورىعىن (كولەمىن) بەلگىلەۋ سالىستىرماسى، اۋدان كولەمىندە ءبىرتۇتاس باسقارۋ سالىستىرماسى، اۋدان كولەمىندەگى اۋىل - قىستاقتاردىڭ اۋىز سۋ حاۋىپسىزدىگىن ولشەمدەندىرۋ قۇرىلىسى سالىستىرماسى تۇگەلدەي %100 كە جەتكىزىلەدى. 2035 - جىلعا بارعاندا، بۇكىل شينجياڭنىڭ اۋىل ـ قىستاقتارىن سۋمەن قامداۋ نەگىزدىك قۇرىلعىلارىن ونان ارى كەمەلدەندىرىپ، ينجەنەريا اينالىمىن باسقارۋ قابىلەتىن كورنەكتى جوعارىلاتىپ، سۋمەن قامداۋ قىزمەت وتەۋ دەڭگەيىن جاپپاي جوعارىلاتىپ، اۋىل ـ قىستاقتى سۋمەن قامداۋدى وسىزامانداندىرۋ ينجەنەرياسى جۇيەسىن، ءتيىمدى اينالىمدى باسقارۋ ـ قورعاۋ مەحانيزمىن اناعۇرلىم كەمەلدەندىرىپ، اۋىل ـ قىستاقتى سۋمەن قامداۋدى وسىزامانداندىرۋدى نەگىزىنەن جۇزەگە اسىرادى.

كەلۋ قاينارى: حالىق تورابى