مەملەكەتتىك اۆياتسيا سەرىكتەستىگى ءۇرىمجى ـ ماسكەۋ حالىقارالىق اۋە لەنياسىن اشتى

9 – ايدىڭ 5 – كۇنى ساعات 18 دە، مەملەكەتتىك اۆياتسيا سەرىكتەستىگىنىڭ ءۇرىمجى ـ ماسكەۋ CA713 كەزەكشى ۇشاعى ءۇرىمجى ديوپۋ حالىقارالىق اۋەجايىنان ءساتتى ۇشتى. وسى كەزەكشى ۇشاقتى جۇڭگو حالىقارالىق اۆياتسيا شەكتى جارنا سەرىكتەستىگىنىڭ شينجياڭ بولىمشە سەرىكتەستىگى ۇشىردى، بۇل جۇڭگو حالىقارالىق اۆياتسيا سەرىكتەستىگىنىڭ شينجياڭداعى تۇڭعىش حالىقارالىق اۋە جولىنىڭ رەسمي اشىلعاندىعىن كورسەتەدى.

مەملەكەتتىك اۆياتسيا سەرىكتەستىگى ءۇرىمجى – ماسكەۋ حالىقارالىق اۋە لەنياسىن اشىپ، قازىرگى ۇشاق كەزەگىندە جولاۋشىلاردىڭ ءجۇرىس ـ تۇرىسىنا اناعۇرلىم كوپ تالعام ازىرلەدى. 9 – ايدىڭ 5 – كۇنىنەن باستاپ بۇل كەزەكشى ۇشاق اپتاسىنا ءۇش رەت بارىپ – كەلەدى، كەزەكشى ۇشاق ءار اپتانىڭ سەيسەنبى، بەيسەنبى، سەنبى كۇندەرى قاتىنايدى. باراتىن كەزەكشى ۇشاق بەيجيڭ ۋاقىتى ساعات 17 دەن 55 مينۋت وتكەندە ءۇرىمجى ديوپۋ حالىقارالىق اۋەجايىنان ۇشىپ، جەرگىلىكتى ۋاقىت ساعات 19 دان 10 مينۋت وتكەندە ماسكەۋدەگى شەرەمەتەۆو حالىقارالىق اۋەجايىنا جەتەدى؛ قايتاتىن كەزەكشى ۇشاق جەرگىلىكتى ۋاقىت ساعات 21 دەن 25 مينۋت وتكەندە ماسكەۋ شەرەمەتەۆو حالىقارالىق اۋەجايىنان ۇشىپ، كەلەسى كۇنى بەيجيڭ ۋاقىتى ساعات 7 دەن 30 مينۋت وتكەندە ءۇرىمجى ديوپۋ حالىقارالىق اۋەجايىنا جەتەدى.

كەلۋ قاينارى: حالىق تورابى