ساۋدا مينيسترلىگى: ا ق ش جاقتى جۇڭگوعا باعىتتالعان كەدەن باجىسىن ۇستەمەلەۋ ساياساتىن تۇگەلدەي كۇشىنەن قالدىرۋعا قۋزايدى 

شينحۋا اگەنتتىگىنىڭ ءتىلشىسى تاڭ شىنيڭ، شيە شيياۋ 9 – ايدىڭ 5 – كۇنى بەيجيڭنەن حابارلايدى. ساۋدا مينيسترلىگىنىڭ اقپارات مالىمدەمەشىسى حى يۇڭچياننىڭ 9 – ايدىڭ 5 – كۇنى ايتۋىنشا، ا ق ش – نىڭ ساۋدا ۋاكىلىنىڭ كەڭسەسى وسىنىڭ الدىندا كەدەن باجىسىنا قاتىستى ىستەردى قايتا تەكسەرۋ ناتيجەسى جونىندە جۇرتشىلىقتان پىكىر قابىلداعان، كوپتەگەن ادامدار كەدەن باجىسىن ۇستەمەلەۋگە قارسى تۇرعان نەمەسە كەدەن باجىسىن كەشىرىم ەتۋ كولەمىن كەڭەيتۋدى ءوتىنىش ەتكەن، بۇل ا ق ش – نىڭ جۇڭگوعا باعىتتالعان 301 – تارماق بويىنشا جۇرگىزىلگەن كەدەن باجىسىنا قاتىستى ساياساتىنىڭ جۇرتتىڭ كوڭىلىنەن شىقپاعانىن كورسەتەدى. ا ق ش جاقتى جۇڭگوعا باعىتتالعان كەدەن باجىسىن ۇستەمەلەۋگە ساياتىن بارلىق ساياساتتارىن كۇشىنەن قالدىرۋعا قۋزايمىز.

ساۋدا مينيسترلىگىنىڭ سول كۇنى وتكىزىلگەن كەزەكتى اقپار جاريالاۋ ماجىلىسىندە ءتىلشى بىلاي دەپ سۇرادى: جۋىردا ا ق ش – نىڭ ساۋدا ۋاكىلىنىڭ كەڭسەسى 301 – تارماق بويىنشا جۇڭگونىڭ بۇيىمدارىنان الىناتىن كەدەن باجىسىن ۇستەمەلەۋ جونىندە جاريالاعان قاۋلىسىن اتقارۋ ۋاقىتىن تاعى دا ۇزارتتى. جۇڭگو جاق بۇعان قانداي جاۋاپ قايتارادى؟ حى يۇڭچيان بۇل سۇراۋعا وسىلاي جاۋاپ قايتاردى.

حى يۇڭچيان: ”ءبىز قاتىستى ۇقتىرۋعا نازار اۋداردىق. جۇڭگو جاق ا ق ش جاقپەن 301 – تارماق بويىنشا كەدەن باجىسىن ۇستەمەلەۋ ماسەلەسى جونىندە تالاي رەت قاتاڭ سويلەسكەن. دۇنيە جۇزىلىك ساۋدا ۇيىمى 301 – تارماق بويىنشا كەدەن باجىسىن ۇستەمەلەۋ دۇنيە جۇزىلىك ساۋدا ۇيىمىنىڭ بەلگىلەمەلەرىنە قايشى كەلەدى دەپ الدەقاشان كەسىم شىعارعان، ا ق ش جاقتىڭ جۇڭگوعا باعىتتالعان كەدەن باجىسىن ۇستەمەلەۋ ءتاسىلى قاتەلىك ۇستىنە قاتەلىك وتكىزگەندىك. ءبىز ا ق ش جاقتى قاتە ءتاسىلىن تۇزەتۋگە، ءار سالاداعىلاردىڭ ۇندەۋىنە بەلسەندى جاۋاپ قاتۋعا، جۇڭگوعا باعىتتالعان كەدەن باجىسىن ۇستەمەلەۋ ساياساتىن تۇگەلدەي كۇشىنەن قالدىرۋعا قۋزايمىز“ دەدى.

كەلۋ قاينارى: حالىق تورابى