شينجياڭ پسيحولوگيالىق كەڭەس بەرۋشىلەر قوعامى قۇرىلدى

9 – ايدىڭ 7 – كۇنى، شينجياڭ پسيحولوگيالىق كەڭەس بەرۋشىلەر قوعامىنىڭ قۇرىلۋ جينالىسى جانە 1 - رەتكى مۇشەلەر جينالىسى ءۇرىمجى قالاسىندا اشىلدى.

ۇعىسۋعا قاراعاندا، بۇل شينجياڭ ۇيعۇر اۆتونوميالى رايونىنىڭ ءوز دارەجەسىندە تىركەۋگە الىپ قۇرعان پسيحولوگيالىق كەڭەس بەرۋ سالاسىنداعى تۇڭعىش كاسىپتىك قوعام بولىپ، شينجياڭنىڭ قوعامدىق پسيحولوگيالىق قىزمەت وتەۋ جۇيەسىن اقاۋسىزداندىرۋدا بەلسەندى رول اتقارادى.

شينجياڭ پسيحولوگيالىق كەڭەس بەرۋشىلەر قوعامىن شينجياڭ تاينىڭ كاسىپتىك شەبەرلىككە باۋلۋ مەكتەبى ءۇرىمجى قالالىق حايجيڭ پسيحولوگيالىق كەڭەس بەرۋ شەكتى سەرىكتەستىگى، ءۇرىمجى قالاسى شيڭفۋلي قوعامدىق پسيحولوگيالىق قىزمەت وتەۋ ورتالىعى، اۆتونوميالى رايوندىق وتباسى تاربيەسىن زەرتتەۋ قوعامى قاتارلى 9 پسيحولوگيالىق قىزمەت وتەۋ قۇرىلىمىمەن بىرلەسىپ قۇرعان، اۆتونوميالى رايوندىق حالىق ىستەرى مەڭگەرمەسىنە تىزىمگە الدىرعان قوعامدىق ۇيىم، اۆتونوميالى رايوندىق عىلىم - تەحنيكا قوعامى باسقارادى، قازىرگە دەيىن 10 مۇشە ورىن بار.

سول كۇنى سايلاۋ ءتارتىبى بويىنشا جينالىس قوعامنىڭ ۋستاۆىن، مۇشەلىك قاراجات ولشەمىن جانە باسقارۋ جونىندەگى ۋاقىتتىق بەلگىلەمەنى، مۇشەلەردى باسقارۋ ءادىسىن جانە قازىنا باسقارۋ ءتۇزىمى قاتارلى نەگىزگى ەرەجە - تۇزىمدەردى ماقۇلدادى، 1 - كەزەكتى قوعام باستىعىن، ورىنباسار باستىقتارىن، باس حاتشىسىن، القالارىن، باقىلاۋشىلارىن جانە تۇراقتى القالارىن سايلادى.

وسى قوعامنىڭ تۇڭعىش باستىعى دۇڭ يۇن بىلاي دەپ تانىستىردى: قازىر قوعامداعى بۇقارانىڭ جوعارى ساپالى پسيحولوگيالىق كەڭەس بەرۋگە، قىزمەت وتەۋگە بولعان قاجەتى بارعان سايىن ارتىپ كەلەدى، شينجياڭ پسيحولوگيالىق كەڭەس بەرۋشىلەر قوعامى قۇرىلعاننان كەيىن، قاتىستى بايلىقتاردى ءونىمدى بىرىكتىرىپ، پسيحيكالىق كەڭەس بەرۋ، پسيحيكالىق اقاۋسىزدىق قىزمەتكەرلەرىن باۋلۋ، اۋىس - ٴتۇيىس جاساۋ تەكشەسىن ورناتىپ، بۇكىل شينجياڭداعى ءار ۇلت بۇقاراسىن عىلىمي، جۇيەلى، كاسىپتىك قوعامدىق پسيحولوگيالىق قىزمەت وتەۋمەن قامداپ، ۇكىمەت الاڭسىز، حالىق رازى بولاتىن پسيحولوگيالىق كەڭەس بەرۋشىلەر قوسىنىن قۇرادى.

كەلۋ قاينارى: حالىق تورابى