ىلە قازاق اۆتونوميالى وبلىسى قۇرىلعاندىعىنىڭ 70 جىلدىعىن قۇتتىقتاۋ جينالىسى وتكىزىلدى

ىلە قازاق اۆتونوميالى وبلىسى قۇرىلعاندىعىنىڭ 70 جىلدىعىن قۇتتىقتاۋ جينالىسى 9 – ايدىڭ 6 – كۇنى قۇلجا قالاسىندا وتكىزىلدى. مەملەكەتتىك حالىق قۇرىلتايى تۇراقتى كوميتەتى، مەملەكەتتىك كەڭەس قۇتتىقتاۋ تەلەگرامماسىن جولدادى.

ورتالىقتاعى قاتىستى تاراۋلاردىڭ قۇتتىقتاۋ ۇيىرمەسىنىڭ باستىعى، مەملەكەتتىك ۇلتتىق ىستەر كوميتەتىنىڭ ورىنباسار مەڭگەرۋشىسى دۋان يجۇن، جياڭسۋ ولكەسىنىڭ قۇتتىقتاۋ ۇيىرمەسىنىڭ باستىعى، جياڭسۋ ولكەلىك حالىق قۇرىلتايى تۇراقتى كوميتەتىنىڭ ورىنباسار مەڭگەرۋشىسى چۇي فۋتيان، شينجياڭ ۇيعۇر اۆتونوميالى رايوندىق قۇتتىقتاۋ ۇيىرمەسىنىڭ باستىعى، اۆتونوميالى رايوندىق پارتكومنىڭ تۇراقتى مۇشەسى، بىرلىكساپ ءبولىمىنىڭ باستىعى ەلزات احمەتجان ماجىلىسكە قاتىناستى ءارى ءسوز سويلەدى. ورتالىقتاعى قاتىستى تاراۋلاردىڭ قۇتتىقتاۋ ۇيىرمەسىندەگى جولداستار قۇتتىقتاۋ تەلەگرامماسىن وقىدى.

دۋان يجۇن ورتالىقتاعى قاتىستى تاراۋلاردىڭ قۇتتىقتاۋ ۇيىرمەسى اتىنان ىلە وبلىسىنداعى ءار ۇلت حالقىنا قۇتتى بولسىن ايتتى. ول بىلاي دەدى: 70 جىلدان بەرى، پارتيا ورتالىق كوميتەتىنىڭ ىقىلاستى قامقورلىعىندا، پارتيانىڭ ۇلتتىق ساياساتىنىڭ شۇعىلا شاشۋىندا، ىلە وبلىسى ءتۇرلى ىستەردە تاريحي تابىستارعا قول جەتكىزىپ، تاريحي سيپاتتى وزگەرىستەر تۋىلدى. ىلە وبلىسى پارتيانىڭ 20 – قۇرىلتايى مەن 20 – كەزەكتى ورتالىق كوميتەتىنىڭ ەكىنشى، ءۇشىنشى جالپى ءماجىلىسىنىڭ رۋحىن ىشكەرىلەي ۇيرەنۋى جانە دايەكتىلەندىرۋى، جۇڭحۋا ۇلتى ورتاق تۇلعا تانىمىن ءتۇرلى قىزمەتتەردىڭ نەگىزگى ارقاۋى ەتۋى، جۇڭگو ۇلگىسىندەگى وسىزامانداندىرۋدىڭ ىلە تاراۋىن قۇلشىنا جازۋى كەرەك.

ەلزات احمەتجان بىلاي دەدى: جاڭا دامۋ باستاماسىندا تۇرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال، جاپپاي دايەكتىلەندىرۋ، پارتيانىڭ باسشىلىعىنا تاباندى بولۋ ءارى ونى كۇشەيتۋ، ىلە وبلىسىنىڭ ءتۇرلى قىزمەتتەرىنىڭ باستان – اياق دۇرىس باعدارمەن ارشىنداي العا باسۋىنا كەپىلدىك ەتۋ كەرەك. جۇڭگو ۇلگىسىندەگى وسىزامانداندىرۋدىڭ دامۋ ورايىن مىقتى يگەرىپ، ىلە وبلىسىنىڭ جوعارى ساپالى دامۋ وربيتاسىنا قادام تاستاۋىن كۇش سالا ىلگەرىلەتۋ كەرەك. حالىقتى وزەك ەتۋ سىندى دامۋ وي جەلىسىنە تاباندى بولىپ، ءار ۇلت جۇرتشىلىعىن اناعۇرلىم باقىتتى دا تاماشا تۇرمىسقا كەنەلتۋگە قۇلشىنۋ كەرەك.

ماجىلىسكە قاتىناسقان باسشىلار مەن قۇرمەتتى قوناقتار ىلە وبلىسىنداعى اۋىل – قىستاقتاعى نەگىزگى ساتىلارعا، باقشا رايونىنداعى كاسىپورىندارىنا، وتكەل قاتارلى جەرلەرگە، سونداي – اق، بيڭتۋانعا ىشكەرىلەي بارىپ تەكسەرۋ – زەرتتەۋ ورىستەتتى.

كەلۋ قاينارى: حالىق تورابى