ەكونوميكالىق قىلمىس كۇماندىلارىنان 5 ادامدى كامبودجادان ەلىمىزگە ايداپ اكەلدى 

9 – ايدىڭ 6 – كۇنى، جۇڭگونىڭ كامبودجاداعى باس ەلشىلىگىنىڭ، جۇڭگو – كامبودجا زاڭ اتقارۋ جاعىنداعى سەلبەستىكتى سايكەستىرۋ كەڭسەسىنىڭ جانە كامبودجانىڭ زاڭ اتقارۋ تاراۋلارىنىڭ كۇش سالا سايكەسۋىنىڭ ارقاسىندا، قوعام حاۋىپسىزدىگى مينيسترلىگىنىڭ ”تۇلكى اۋلاۋ ارەكەتى“ قىزمەت گرۋپپاسى تەلەكوم مەن ينتەرنەتتەن پايدالانىپ الدامكوستىك ىستەگەن قىلمىستىق توپ قاتارلىلاردىڭ قاراجاتتى جوتكەۋىنە قولداۋ كورسەتكەن قىلمىس كۇماندىلارىنان 5 ادامدى كامبودجادان ەلىمىزگە ايداپ اكەلدى.

ۇعىسۋعا قاراعاندا، 2023 – جىلى 6 – ايدان باستاپ، قىلمىس كۇماندىسى چين X قاتارلى 5 ادام كامبودجادا قوسالقى قىزمەتكەر قابىلدايمىز، قارىزعا اقشا بەرۋ رەسميەتىن بىتىرەمىز دەگەندى جەلەۋ ەتىپ، ينتەرنەت ارقىلى ەل ىشىنەن جۇزدەن استام ادامدى قابىلداپ، كارتوچكا ارقىلى قاراجات جوتكەگەن سوڭ ۆيرتۋالدى ۆاليۋتا ساتىپ الۋ سىندى تاسىلدەن پايدالانىپ، تەلەكوم مەن ينتەرنەتتەن پايدالانىپ الدامكوستىك ىستەۋشىلەر قاتارلى باس جاقتاعى قىلمىسكەرلەردىڭ اقشاسىن جوتكەۋىنە، قىمقىرعان اقشانى جىلدىرتپالاتۋىنا كومەكتەسىپ، وسى بارىستا زاڭسىز پايداعا قول جەتكىزگەن. 2023 – جىلى 9 – ايدا، شاڭحاي قالالىق قوعام حاۋىپسىزدىگى مەكەمەسى جياديڭ بولىمشە مەكەمەسى چين X قاتارلىلاردىڭ ۇستىنەن زاڭ بويىنشا دەلو تۇرعىزىپ تەكسەرۋ جۇرگىزگەن.

تانىستىرۋعا قاراعاندا، قوعام حاۋىپسىزدىگى ورگاندارىنىڭ ىزىنە ءتۇسىپ تەكسەرۋىنەن جالتارۋ ءۇشىن، چين X قاتارلىلار كامبودجانىڭ شەكاراسى ىشىندە قونىستانعان ورنىن قايتا – قايتا وزگەرتكەن. وسىعان بايلانىستى قوعام حاۋىپسىزدىگى مينيسترلىگىنىڭ ”تۇلكى اۋلاۋ ارەكەتى“ كەڭسەسى جەتەكشىلىك ەتۋ تەبىنىن ارتتىرىپ، شاڭحاي قالالىق قوعام حاۋىپسىزدىگى ورگاندارى حالىقارالىق ساقشى ىستەرى جاعىنداعى سەلبەستىك ارناسى ارقىلى كامبودجانىڭ زاڭ اتقارۋشى تاراۋلارىنا چين X قاتارلىلارعا قاتىستى جاعدايدى حابارلاپ، قاشىپ جۇرگەن ادامدى تۇتقىنداۋ جونىندە ءوتىنىش تاپسىرعان. بيىل 6 – ايدا، كامبودجانىڭ زاڭ اتقارۋ تاراۋلارى اتالعان 5 قىلمىس كۇماندىسىن بىردەن قولعا تۇسىرگەن سوڭ، ىلە – شالا جۇڭگوعا وتكىزىپ بەرۋدى ماقۇلداعان. 9 – ايدىڭ 6 – كۇنى، قوعام حاۋىپسىزدىگى مينيسترلىگىنىڭ ”تۇلكى اۋلاۋ ارەكەتى“ قىزمەت گرۋپپاسى چين X قاتارلى 5 ادامدى ەلىمىزگە ايداپ اكەلگەن. قازىر دەلو ىشكەرىلەي تەكسەرىلۋدە. (باس ستانسيا ورتالىق تەلەۆيزيا ءتىلشىسى چىن يۇي)

كەلۋ قاينارى: حالىق تورابى