شينجياڭدا وسى اپتادا ەكى رەت سۋىق اعىس بولادى

وسى اپتادا (9 – ايدىڭ 9 – كۇنىنەن 15 - كۇنىنە دەيىن) شينجياڭدا ەكى رەت سۋىق اعىس بولادى، اۋا تەمپەراتۋراسى ءۇرتىس تومەندەيدى.

الدىن الا مالىمەتتە كورسەتىلۋىنشە، مەجەمەن 9 - ايدىڭ 10 - كۇنىنەن 11 - كۇنىنە دەيىن وڭتۇستىك شينجياڭنىڭ باتىسى، سولتۇستىك شينجياڭنىڭ باتىسى، تيانشاننىڭ سولتۇستىك بەتكەيى، بايىنعولىن موڭعۇل اۆتونوميالى وبلىسىنىڭ تاۋلى وڭىرلەرىندە ۇزدىك - سوزدىق سەبەزگى جاڭبىر جاۋادى (تەڭىز دەڭگەيىنەن بيىك تاۋلى وڭىرلەردە قار جاۋادى)، قاشقار ايماعىنىڭ وڭتۇستىگىندەگى تاۋلى وڭىرلەردە، قىزىلسۋ قىرعىز اۆتونوميالى وبلىسىنىڭ تاۋلى وڭىرلەرىندە، اقسۋ ايماعىنىڭ تاۋلى وڭىرلەرىندە، ىلە وزەنى اڭعارىنىڭ شىعىس بولەگىندەگى تاۋلى وڭىرلەردە، تارباعاتاي ايماعىنىڭ وڭتۇستىگىنەن سانجى وبلىسىنىڭ شىعىس بولەگىنە دەيىنگى تاۋلى وڭىرلەردە، بايىنعولين وبلىسىنىڭ تاۋلى ٴوڭىرى سياقتى جەرلەردىڭ ءىشىنارا وڭىرلەرىندە ورتاشادان باستاپ قالىڭ جاڭبىرعا دەيىن جاۋادى، كەي جەرلەرىندە نوسەر جاۋادى.

9- ايدىڭ 12 - كۇنىنەن 14 - كۇنىنە دەيىن، سولتۇستىك شينجياڭنىڭ باسىم كوپ جەرىندە، وڭتۇستىك شينجياڭنىڭ تاۋلى وڭىرلەرىندە، قۇمىل قالاسىنىڭ سولتۇستىگىندە ۇزدىك - سوزدىق از جاڭبىر جاۋادى (تەڭىز دەڭگەيىنەن بيىك تاۋلى وڭىرلەردە قار جاۋادى)، سولتۇستىك شينجياڭنىڭ باتىس بولىگىندەگى سولتۇستىك تاۋلى وڭىرلەردە، شىحىزى قالاسىنىڭ وڭتۇستىگىنەن سانجى وبلىسىنىڭ شىعىس بولىگىنە دەيىنگى تاۋلى وڭىرلەردە، قۇمىل قالاسىنىڭ سولتۇستىگىندەگى تاۋلى وڭىرلەردە ورتاشادان باستاپ قالىڭ جاڭبىرعا دەيىن جاۋادى، تارباعاتاي ايماعىنىڭ سولتۇستىگىندەگى تاۋلى وڭىرلەردە، التاي ايماعىنىڭ تاۋلى وڭىرلەرىندە، سانجى وبلىسىنىڭ تاۋلى وڭىرلەرىندە ٴىشىنارا جەرلەردە نوسەر جاۋادى، باتىس سولتۇستىكتەن 9 دا 10 بال بوران سوعادى، مەزەتتىك جەل كۇشى 11 بالعا جەتەدى.

شينجياڭ اۋا رايى ستانسياسىنىڭ ەسكەرتۋىنشە، وسى اپتادا وڭتۇستىك شينجياڭنىڭ باتىس بولەگى، باينعولىن وبىلىسى قاتارلى جەرلەردىڭ تەڭىز دەڭگەيىنەن بيىك تاۋلى رايوندارىندا جاڭبىر جاۋىپ سوڭى قار ارالاس جاڭبىرعا نەمەسە قارعا اينالادى، جاۋىندى كۇنى جول تايعاق بولادى، ءبىر ءبولىم جول بولەكتەرىندە مۇز قاتىپ كورۋ ارالىعى ناشارلايدى، ساياحات جانە قاتىناس ىستەرىنە ٴتيمسىز ىقپال جاسايدى، ساياحات كورىنىس ءوڭىرى مەن مايتاۋ ـ كۇشار تاس جولى قاتارلى ساياحات جەلىلەرىندەگى تاس جولداردىڭ حاۋىپسىزدىگىن باسقارۋدى كۇشەيتۋ كەرەك.

كەلۋ قاينارى: حالىق تورابى