وڭتۇستىك افريكانىڭ سولتۇستىگىندە قان سورعىش قۇرت اۋرۋى پايدا بولدى

شينحۋا اگەنتتىگىنىڭ 9 – ايدىڭ 9 - كۇنى يوحاننەسبۋرگتەن بەرگەن حابارى. وڭتۇستىك افريكانىڭ سولتۇستىگىندەگى لينبوبو ولكەلىك ۇكىمەت 9 – ايدىڭ 9 – كۇنى مالىمدەمە جاريالاپ، وسى ولكەنىڭ كوپ جەرىندە قان سورعىش قۇرت اۋرۋى جاعدايى جارىققا شىقتى دەدى.

مالىمدەمەدە بىلاي دەلىنگەن: ەڭ جاڭا مالىمەتكە قاراعاندا، وسى ولكەنىڭ موپاني رايونىنىڭ كوپ جەرىندە قان سورعىش قۇرت اۋرۋى پايدا بولعان، مۇنىڭ ىشىندە ءبىر باستاۋىش مەكتەپتە 140 تان استام وقۋشى وسى اۋرۋعا شالدىققان دەپ دياگنوز قويىلعان، قازىر پارازيت قۇرتقا قارسى ءدارى - دارمەكپەن ەمدەلۋدە.

لينبوبو ولكەلىك ۇكىمەت قىزمەت گرۋپپاسىن قۇرىپ، جۇقپالى اۋرۋدىڭ ونان ارى تارالۋىن تەجەدى ءارى ناۋقاستارعا ەمدەۋ جاعىنان كومەك كورسەتتى. مالىمدەمە سونىمەن بىرگە ىقپالعا ۇشىراعان رايوندارداعى تۇرعىنداردى بىلعانۋى مۇمكىن بولعان سۋ قاينارلارىنا تىكەلەي جۇعىسۋدان ساقتانۋعا ۇندەدى ءارى سۋدى قايناتىپ نەمەسە لايىقتى ءبىر جاقتى ەتكەننەن كەيىن ءىشۋدى ايتتى.

قان سورعىش قۇرت اۋرۋى نەگىزىنەن سۋ ارقىلى تارالاتىن پارازيت قۇرت اۋرۋى، ادام مەن مال قۇرامىندا قان سورعىش قۇرت قۇيرىقتى بالاپان قۇرتى بار سۋعا جۇعىسقاننان كەيىن جۇعىمدالىپ اۋرۋعا شالدىعادى. مالىمدەمەدە بىلاي دەلىنگەن: قان سورعىش قۇرت اۋرۋىنىڭ بەلگىلەرى: ءىش اۋرۋ، قىزۋ، قان ارالاس ءىش ءوتۋ، نەسەپ اۋرۋى، نەسەپ جولىنىڭ ينفەكسيالانۋى، باس اۋرۋ قاتارلىلاردى قامتيدى.

كەلۋ قاينارى: حالىق تورابى