جەمەنەي وتكەلىندە شەكارادان كىرىپ – شىعۋشىلار كوبەيدى

بيىل جىل باسىنان بەرى جەمەنەي شەكارا وتكەلىندە شەكارادان كىرىپ ـ شىعۋشىلار كوبەيدى، 8 ـ ايدىڭ 31 ـ كۇنىنە دەيىن شەكارا وتكەلىنەن كىرىپ ـ شىققاندار 75 مىڭ ادام ـ رەتكە جەتىپ، 2019 ـ جىلعى سايكەس مەزگىلدەگىدەن %406 ارتتى، مۇنىڭ ىشىندە شەكارادان شىعۋشىلار 38 مىڭ ادام ـ رەتكە جەتتى، شەكارادان كىرگەندەر 37 مىڭ ادام - رەتكە جەتتى.

شينجياڭ شەكارادان كىرىپ - شىعۋ شەكارا قورعانىسى تەكسەرۋ باس پۋنكتى جەمەنەي شەكارا قورعانىسى تەكسەرۋ پۋنكتىنىڭ ساناعىنا قاراعاندا، 2023 - جىلى 7 - ايدىڭ 17 - كۇنى جەمەنەي شەكارا وتكەلى جولاۋشى تاسىمالى قالپىنا كەلگەننەن بەرى، بۇل پۋنكت جالپى شەكارادان كىرىپ – شىققان 110 مىڭ ادام – رەت تەكسەرىپ، كۇنىنە ورتا ەسەپپەن شەكارادان كىرىپ - شىققان ادامداردىڭ سانى 500 ادام - رەتكە جەتتى، ءبىر كۇندە ەڭ كوپ بولعاندا 700 ادام - رەتتەن اسىپ، تاريحتاعى ەڭ جوعارى ورەگە جەتتى.

جەمەنەي شەكارا ‐ وتكەلى قازىر شينجياڭنىڭ سولتۇستىگىندەگى كەدەننەن ءوتۋ شارت - جاعدايى ەڭ پىسىپ - جەتىلگەن، قاتىناسى ەڭ قولايلى وتكەلدەردىڭ ءبىرى. جۇڭگو ـ قازاقستان ەكى ەلدىڭ اۋىس - ءتۇيىسىنىڭ ۇزدىكسىز تەرەڭدەۋىنە، ءوزارا ۆيزا كەشىرىم ەتۋ سياقتى ءتيىمدى ساياساتتاردىڭ تياناقتاندىرىلۋىنا بايلانىستى، ونىڭ ۇستىنە بيىل جۇڭگونىڭ ”قازاقستان ساياحات جىلى“ بولۋىنا بايلانىستى، اناعۇرلىم كوپ جۇڭگولىق، شەتەلدىك قايراتكەرلەر وسى شەكارا وتكەلىنە جينالىپ، ساۋدا، ساياحات جۇمىستارىمەن اينالىستى، سەيىل ـ سەرۋەن قۇردى، تۋىسشىلادى، دوس ـ جاراندارىنا امانداسا باردى نەمەسە شەكارادان ءوتتى.

جولاۋشىلاردىڭ شەكارادان كىرىپ - شىعۋىنا اناعۇرلىم يكەمدى، قولايلى بولۋ ءۇشىن، جەمەنەي اۋدانى جەمەنەي شەكارا وتكەلىنىڭ قاتتى بولشەك قۇرىلعىلارى مەن سايكەستى قىزمەت وتەۋىن ۇزدىكسىز كەمەلدەندىرىپ، شەكارا وتكەلىندەگى بىرلەسىپ تەكسەرۋ ورىندارى قىزمەت وتەۋ شارالارىن ۇزدىكسىز ساپالىلاندىرىپ، كەدەننەن ءوتۋدى قامتاماسىز ەتۋ قابىلەتىن جوعارىلاتىپ، بايلانىس جاساۋدى، سايكەسۋدى جانە بايلىقتان ءوزارا بىرگە يگىلىكتەنۋدى كۇشەيتىپ، ءبىر جولدا بىرلەسىپ تەكسەرۋ جۇرگىزىپ، رەسميەتىن ءبىر جولدا قولايلى ءبىتىرىپ، شەكارادان كىرىپ ـ شىققان جولاۋشىلاردى رازى ەتۋگە تىرىستى.

كەلۋ قاينارى: حالىق تورابى