سۋ يگىلىگى مينيسترلىگى شينجياڭدا تاسقىننان ساقتانۋدىڭ Ⅳ دارەجەلى شۇعىل جاعدايعا توتەپ بەرۋ شاراسىن ساقتادى

سۋ يگىلىگى مينيسترلىگىنىڭ 9 – ايدىڭ 9 – كۇنى جاريالاۋىنشا، 9 – ايدىڭ 8 – كۇنى ساعات 8 دەن 9 – ايدىڭ 9 – كۇنى ساعات 8 گە دەيىن، گۋاڭشي، يۇننان، شانشي، گانسۋ قاتارلى جەرلەردە جاڭادان 18 وزەندە ساقتىق سىزىعىنان اسقان تاسقىن تۋىلدى، مۇندا، يۇننان ولكەسىندەگى مۋدي وزەنىندە كەپىلدىك ەتۋ سىزىعىنان اسقان تاسقىن تۋىلدى. بولجامعا قاراعاندا، 9 – ايدىڭ 9 – كۇنى ساعات 8 دەن 9 – ايدىڭ 11 – كۇنى ساعات 8 گە دەيىن، گۋاڭشيدەگى يۇيجياڭ وزەنىندە، شينجياڭداعى تارىم وزەنىنىڭ نەگىزگى اعارىنىڭ يىڭابازار بولىگىندە ساقتىق سىزىعىنان اسقان كۇي جالعاسادى.

سۋ يگىلىگى مينيسترلىگى گۋاڭدۇڭ، گۋاڭشي، حاينان، يۇننان، شينجياڭ ۇيعۇر اۆتونوميالى رايونى قاتارلى 5 ولكەدە (اۆتونوميالى رايون) جانە شينجياڭ ءوندىرىس – قۇرىلىس بيڭتۋانىندا تاسقىننان ساقتانۋدىڭ Ⅳ دارەجەلى شۇعىل جاعدايعا توتەپ بەرۋ شاراسىن ۇزدىكسىز ساقتايدى. قازىر 4 قىزمەت گرۋپپاسى سانشي، گۋاڭشي، يۇننان، شانشي ولكەلەرىنە بارىپ، نوسەر مەن تاسقىننان ساقتانۋ قىزمەتىنە سايكەسۋدە جانە جەتەكشىلىك ەتۋدە. (ورتالىق تەلەۆيزيا باس ستانسيا ءتىلشىسى لياڭ ليجۋان، ليۋ چىڭ)

كەلۋ قاينارى: حالىق تورابى