سىرتقى ىستەر مينيسترلىگى: ا ق ش – تىڭ شياڭگاڭعا ساياتىن تالقى تاقىرىبىمەن اينالىسىپ، شياڭگاڭنىڭ دامۋىنا قىسىم جاساۋىنا باتىل قارسى تۇرامىز

شينحۋا اگەنتتىگىنىڭ 9 – ايدىڭ 11 – كۇنى بەيجيڭنەن بەرگەن حابارى. ا ق ش پارلامەنتى قاۋىم پالاتاسىنىڭ بىرنەشە كۇننىڭ الدىندا ”شياڭگاڭ ەكونوميكا ـ ساۋدا ءىس باسقارماسىن كۋالاندىرۋ زاڭ جوباسىن“ قاراپ ماقۇلداعاندىعىنا قاراتا، سىرتقى ىستەر مينيسترلىگىنىڭ مالىمدەمەشىسى ماۋ نيڭ 9 – ايدىڭ 11 - كۇنى كەزەكتى تىلشىلەر جينالىسىندا جاۋاپ قايتارىپ بىلاي دەدى: بۇل زاڭ جوباسى قالىپتى ەكونوميكا ـ ساۋدا سەلبەستىگىن ساياسيلاندىردى، شياڭگاڭنىڭ قۇرىلىمىن قاساقانا قارالادى، سيپاتى توتەنشە ناشار. جۇڭگو ا ق ش - تىڭ شياڭگاڭعا ساياتىن تالقى تاقىرىبىنا، شياڭگاڭنىڭ دامۋىنا قىسىم جاساعان جيىركەنىشتى ارەكەتىنە كۇشتى نارازىلىق بىلدىرەدى جانە باتىل قارسى تۇرادى.

ماۋ نيڭ بىلاي دەدى: ەكونوميكا ـ ساۋدا ءىس باسقارماسى شياڭگاڭ ەرەكشە اكىمشىلىك رايونى ۇكىمەتىنىڭ شەتەلدە قۇرعان ەكونوميكا جانە ساۋدا قۇرىلىمىنىڭ شياڭگاڭنىڭ قاتىستى ەلدەرمەن جانە رايوندارمەن ەكونوميكا ـ ساۋدا جاعىنداعى ناقتى سەلبەستىگىن كەڭەيتۋگە ءتيىمدى، ءوزارا پايدا جەتكىزىپ، تەڭ يگىلىككە كەنەلەتىن ءىس.

ول مىنانى ءبىلدىردى: شياڭگاڭ ‐ ا ق ش ـ تىڭ 2 ـ ۇلكەن ساۋدا وڭ بالانىسىنىڭ قاينارى، ا ق ش - تىڭ 1200 دەن استام كاسىپورىنى شياڭگاڭدا قارجى قوسىپ، شارۋاشىلىعىن شالقىتتى، ا ق ش جاقتىڭ بۇل ارەكەتى ەڭ سوڭىندا ا ق ش – تىڭ ءوز مۇددەسىنە زيان جەتكىزەدى، ”جۇڭگو جاق ا ق ش جاقپەن قاتاڭ تىلدەسەدى“.

”جۇڭگو جاق ا ق ش ـ تى جۇڭگو ـ ا ق ش قارىم ـ قاتىناسىنىڭ ورنىقتىلىعى مەن دامۋىنا ءتىپتى دە زور زيان جەتكىزبەۋ ءۇشىن جوعارىداعى زاڭ جوباسىن ىلگەرىلەتۋدى توقتاتۋعا قۋزايدى“. ماۋ نيڭ بىلاي دەدى: ەگەر ا ق ش ءوز بەتىمەن كەتسە، جۇڭگو، ءسوز جوق، شىنايى، پارمەندى شارالار قولدانىپ باتىل قارسى تۇرادى.

كەلۋ قاينارى: حالىق تورابى