”مەنىڭ التايىم“ قىزا ءتۇستى، ورتاڭعى كۇز مەرەكەسىندەگى قوناقجايلاردى ىزدەۋ مولشەرى سايكەس مەزگىلدەگىدەن %112 ارتتى

ورتاڭعى كۇز مەرەكەسىنىڭ جاقىنداۋىنا بايلانىستى، ەل ءىشى ساياحات بازارىندا تاعى ءبىر قىزۋ ورلەۋ كوتەرىلدى. مەيتۋانداعى قوناقجاي ساندى مالىمەتىندە كورسەتىلۋىنشە، ورتاڭعى كۇز مەرەكەسىندە ەل ىشىندەگى قوناقجايلارعا زاكاز بەرۋشىلەردىڭ سانى ەڭ كوپ الدىڭعى ون جەر مىنالار بولدى: التاي، ىلە، حىفەي، جيڭدى قالاشىعى، لانجوۋ، نانچاڭ، چيڭداۋ، تاييۋان، تيانشۇي، شي ـ ان. مۇنىڭ ىشىندە التايدىڭ ورتاڭعى كۇز مەرەكەسى كەزىندەگى قوناقجاي ىزدەۋ مولشەرى وتكەن جىلدىڭ ۇقساس مەزگىلىندەگىندەن %112 ارتقان.

شينجياڭنىڭ التاي ايماعى ءوزىنىڭ وزگەشە كورىنىسى مەن گۋمانيتارلىق ەرەكشەلىگىنە سۇيەنىپ، بيىلعى ورتاڭعى كۇز مەرەكەسىندەگى ەل ءىشى ساياحاتىنىڭ قىزۋ تالعامىنا اينالدى. مەيتۋاننىڭ ساندى مالىمەتىندە كورسەتىلۋىنشە، التاي ايماعى شينجياڭدا ورتاڭعى كۇز مەرەكەسى كەزىندەگى ساياحاتتىڭ قىزۋ تىزىمدىگىندە 4 ـ ورىندى يەلەگەن.

”مەنىڭ التايىم“ سىندى وسى ساياحات ماركاسىنىڭ تانىمالىلىعى مەن ىقپال كۇشى ۇزدىكسىز جوعارىلاپ، التاي ايماعىنا نازار اۋداراتىن ساياحاتشىلار بارعان سايىن كوبەيىپ، وسى ءبىر سىرلى دا كوركەم جەرگە ادەيى ات باسىن بۇرعىسى كەلەتىندەر كوبەيە باستادى. التايدا قوناقجاي كاسىبىمەن شۇعىلدانۋشىلار دا تولىق دايىندىق جاساپ، الداعى ورتاڭعى كۇز مەرەكەسى كەزىندە ساياحاتتىڭ قاۋىرت ورلەۋىن قارسى الۋعا ساقاداي ساي بولىپ، ءتىپتى كوپ ساياحاتشىنى التاي ايماعىنا كەلىپ ساياحاتتاۋعا باۋرادى.

وسى رەتكى ورتاڭعى كۇز مەرەكەسى كەزىندە سولتۇستىك شينجياڭنىڭ كۇزگى كورىنىسى ساياحاتشىلاردىڭ كۇزگى تابيعاتتى تاماشالاۋداعى ەڭ جاقسى تالعامىنا اينالدى. التايدان سىرت، شينجياڭنىڭ باسقا ايماقتارىنان، مىسالى، ءۇرىمجى قالاسى، ىلە قازاق اۆتونوميالى وبلىسى، قاشقار ايماعى سياقتى جەرلەر دە شينجياڭنىڭ ورتاڭعى كۇز مەرەكەسى كەزىندەگى جۇرت نازارىن اۋدارعان ساياحاتتاۋ ورنىنا اينالدى. اتالعان جەرلەر ءوزىنىڭ وزگەشە جاعراپيالىق كەلبەتى مەن الۋان ءتۇرلى ساياحات قيمىلدارى ارقىلى ساياحاتشىلاردى باي مازمۇندى ساياحات ساپارىمەن باۋرادى.

كەلۋ قاينارى: حالىق تورابى