جۇڭگو تەڭىز ـ مۇحيت مۇناي توبى شەكتى سەرىكتەستىگى پارتگرۋپپاسىنىڭ بۇرىنعى ورىنباسار شۋجيى، باس مەڭگەرۋشىسى لي يۇڭ تارتىپكە، زاڭعا اۋىر قايشىلىق جاساعاندىقتان پارتيادان شىعارىلدى

شينحۋا اگەنتتىگىنىڭ 9 ـ ايدىڭ 11 ـ كۇنى بەيجيڭنەن بەرگەن حابارى. جۇڭگو كوممۋنيستىك پارتياسى ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى جۇڭگو تەڭىز ـ مۇحيت مۇناي توبى شەكتى سەرىكتەستىگى پارتگرۋپپاسىنىڭ بۇرىنعى ورىنباسار شۋجيى، باس ديرەكتورى لي يۇڭنىڭ تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.

تەكسەرۋ ارقىلى مىنالاردى انىقتادى: لي يۇڭ مۇرات - سەنىمنەن ايرىلىپ، اۋەلگى ماقساتتان، بورىشتان بەزىپ، ۇيىمنىڭ تەكسەرۋىنە قارسىلىق كورسەتكەن، ورتالىقتىڭ سەگىز تارماقتى بەلگىلەمەسىنىڭ رۋحىن ەلەپ - ەسكەرمەگەن، قامداۋشى ساۋداگەر ورنالاستىرعان قوناعاسى مەن گولف دوبىن ويناۋ قيمىلىن تالاي رەت قابىلداعان؛ ۇيىمدىق پرينسيپكە قايشىلىق جاساپ، ۇيىمدىق اڭگىمەلەسۋ، حات ارقىلى سۇراستىرعاندا ماسەلەسىن شىنايى تۇسىندىرمەگەن، كادرلاردى ءوسىرۋ، رەتتەۋدە بەلگىلەمەگە قايشىلىق جاساعان؛ بەلگىلەمەگە قايشىلىق جاساپ تارتۋ - تارالعى العان، ۇكىمەت قىزمەتىن ءادىل اتقارۋعا ىقپال جەتكىزۋى مۇمكىن بولعان ساياحات ورنالاستىرۋىن قابىلداعان، ۇقىق - اقشا ساۋداسىمەن بارىنشا شۇعىلدانىپ، شەكارا ىشىندە ءىس ءبىتىرىپ، شەكارا سىرتىندا اقشا جيناپ، قىزمەت قولايلىلىعىنان پايدالانىپ باسقالارعا كاسىپتىك ۋاكىلەتتىك ەتۋ، ونىمدەردى ساتۋ، قىزمەت دارەجەسىن جوعارىلاتۋ سياقتى جاقتاردا پايدا جەتكىزگەن ءارى زاڭسىز تۇردە قوماقتى مال - مۇلىك قابىلداعان.

لي يۇڭ پارتيانىڭ ساياسي تارتىبىنە، ۇيىمدىق تارتىبىنە جانە پاكتىك تارتىبىنە اۋىر قايشىلىق جاساپ، مىندەتىندە زاڭعا اۋىر قايشىلىق جاساعان ءارى پارا الۋ قىلمىسىنا شاتىلعان، ونىڭ ۇستىنە پارتيا 18 - قۇرىلتايىنان كەيىن دە تيىلماعان، تىزگىنىن تارتپاعان، سيپاتى اۋىر، ىقپالى ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەرىن ءبىر جاقتى ەتۋ زاڭى» قاتارلى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتى ءماجىلىسىنىڭ اقىلداسۋى ءارى ج ك پ ورتالىق كوميتەتىنىڭ بەكىتۋى ارقىلى لي يۇڭعا پارتيادان شىعارۋ جازاسىن بەرۋدى ۇيعاردى؛ بەلگىلەمە بويىنشا ونىڭ يگىلىكتەنەتىن مامىلەسىن كۇشىنەن قالدىردى؛ تارتىپكە، زاڭعا قايشىلىق جاساپ تاپقان تابىسىن ءمۇسادىرالادى؛ ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەردى، وعان ساياتىن مال - مۇلىكتى بىرگە وتكىزىپ بەردى.

كەلۋ قاينارى: حالىق تورابى