ا ق ش جاقتىڭ قاتىستى زاڭ جوباسىن ماقۇلداپ، جۇڭگونىڭ كاسىپورىندارىنا كەمسىتۋ سيپاتىنداعى شارالاردى اتقارعانى جونىندە جۇڭگو جاق قاتاڭ قارسىلىق ءبىلدىردى 

جۇڭگو اقپارات تورابىنىڭ 9 – ايدىڭ 10 – كۇنى بەيجيڭنەن بەرگەن حابارى (شيە يانبيڭ) جۇڭگو سىرتقى ىستەر مينيسترلىگىنىڭ مالىمدەمەشىسى ماۋ نيڭ 9 – ايدىڭ 10 – كۇنى كەزەكتى تىلشىلەردى قابىلداۋ ءماجىلىسىن باسقاردى. شەتەل اقپارات قۇرالىنىڭ ءتىلشىسى ا ق ش پارلامەنتى قاۋىمدىق پالاتاسىنىڭ «بيولوگيالىق حاۋىپسىزدىك زاڭ جوباسىن» ماقۇلداپ، جۇڭگو كاسىپورنىنا كەمسىتۋ سيپاتىنداعى شارالاردى اتقارعانى جونىندە سۇراۋ سۇراعان.

ماۋ نيڭ: جۇڭگو جاق ا ق ش پارلامەنتى قاۋىمدىق پالاتاسىنىڭ قاتىستى زاڭ جوباسىن قاراپ ماقۇلداپ، جۇڭگونىڭ كاسىپورنىنا كەمسىتۋ سيپاتىنداعى شارالاردى اتقارعانىنا باتىل قارسى تۇرادى، ا ق ش جاق يدەولوگيالىق جاقتاعى سىڭار ەزۋلىكتى قويىپ، بازار شارۋاشىلىعىنىڭ پرينسيبى مەن ەكونوميكا – ساۋدا جاعىنداعى ەرەجەلەردى شىنايى قۇرمەتتەپ، قاتىستى زاڭ جوباسىن العا ىلگەرىلەتۋدى توقتاتۋى، ءتۇرلى سىلتاۋلاردى الباتى پايدالانىپ، جۇڭگونىڭ كاسىپورنىنا ورىنسىز قىسىم كورسەتۋدى توقتاتۋى، ءارقايسى ەلدەردىڭ كاسىپورىندارىنا ءادىل، ادىلەتتى جانە كەمسىتپەيتىن تيجارات ورتاسىن جاراتۋى كەرەك.

جۇڭگو ءوز ەلىنىڭ كاسىپورىندارىنىڭ ۇيلەسىمدى، زاڭدى ۇقىق – مۇددەسىن جالعاستى باتىل قورعايدى، ءبىز جۇڭگو كاسىپورىندارىنىڭ وزدەرىنىڭ ۇقىق – مۇددەسىن زاڭ بويىنشا قورعاۋىن دا قولدايمىز.

كەلۋ قاينارى: حالىق تورابى