كوشپەلى بالالارعا قامقورلىق كورسەتۋدى، ولاردى قورعاۋدى كۇشەيتەدى 

حالىق گازەتىنىڭ ءتىلشىسى لي چاڭيۇي 9 – ايدىڭ 10 – كۇنى بەيجيڭنەن حابارلايدى. ءتىلشىنىڭ حالىق ىستەرى مينيسترلىگىنىڭ 2024 – جىلعى 3 – ماۋسىمداعى كەزەكتى اقپار جاريالاۋ ماجىلىسىنەن ۇعىسۋىنشا، جۋىردا حالىق ىستەرى مينيسترلىگى بىرنەشە تاراۋمەن بىرگە «كوشپەلى بالالارعا قامقورلىق جاساۋ جانە ولاردى قورعاۋ ارەكەتىن كۇشەيتۋ جونىندەگى جوبانى» باسىپ تاراتقان، بۇل ەلىمىزدىڭ مەملەكەت دەڭگەيىندە تۇڭعىش رەت كوشپەلى بالالار توبىنا ارناپ دايىنداعان قامقورلىق جاساۋ جانە قورعاۋ جونىندەگى ساياساتتىق قۇجاتى سانالادى، بۇل قۇجات حالىق تۇرمىسىنا كەپىلدىك ەتۋ سالاسىنداعى ساياساتتىق بوستىقتى تولتىردى، بالالاردىڭ زاڭدى ۇقىق – مۇددەسىنە كەپىلدىك ەتۋدە ماڭىزدى ءمان الادى.

حالىق ىستەرى مينيسترلىگىنىڭ بالالارعا قامقورلىق جاساۋ مەڭگەرمەسىنىڭ باستىعى گو يۇيچياڭنىڭ تانىستىرۋىنشا، كوشپەلى بالالار دەگەنىمىز ەكونوميكا مەن قوعامنىڭ تەز قارقىنمەن دامۋىنا جانە جان سانىنىڭ كوشپەلىلىك سيپاتىنىڭ ارتۋىنا بايلانىستى تۋىنداعان بالالار شوعىرىن كورسەتەدى، ارەكەت جوسپارىندا كوشپەلى بالالارعا قامقورلىق جاساۋ جانە ولاردى قورعاۋ قىزمەتىن كۇشەيتۋ جاعىنداعى ماڭىزدى مىندەتتەر ايقىن تۇراقتاندىرىلىپ، كوشپەلى بالالاردى قاداعالاي تەكسەرىپ دالمە – ءدال تابۋ جانە ءبىر – بىرلەپ انىقتاۋ قىزمەتىن ورىستەتۋ جونىندە ورنالاستىرۋ جاسالعان، سونداي – اق، «كوشپەلى بالالاردىڭ قونىستانعان ورنىندا قامقورلىقتان يگىلىكتەنۋىنە قاتىستى نەگىزدىك تىزىمدىكتى» تۇڭعىش رەت دايىنداعان.

ارەكەت جوباسىندا مىنالار تۇراقتاندىرىلعان: اتا – اناسىنىڭ نەمەسە باسقا قامقورشىسىنىڭ ەكەۋى نەمەسە بىرەۋى نوپوسى تۇرعان جەردەن سىرتقا كەتىپ، اۋدان اتتاپ باسقا جەردە قونىستانعان بولسا نەمەسە 6 ايدان ارتىق ۋاقىت تۇرمىس كەشىرسە، 16 جاسقا تولماعان ازامات جاسىنا تولماعان بالالار كوشپەلى بالالاردى تەكسەرۋ جانە ءبىر – بىرلەپ انىقتاۋ كولەمىنە ەنگىزىلەدى. تەكسەرۋ جانە ءبىر – بىرلەپ انىقتاۋ بارىسىندا وتباسىندا قيىنشىلىعى بار، ءوزى مۇگەدەك، قامقورلىقتان كەندە، پاناسىز، پسيحولوگيالىق جاقتا جانە ارەكەت جاعىندا قالىپسىزدىق بار كوشپەلى بالالارعا، سونداي – اق، ىرىقتىلىقپەن كومەك سۇراعان اۋىل – قالاشىق (ءمالى) اتتاعان كوشپەلى بالالارعا ءتۇيىندى قامقورلىق جاساۋ وبيەكتىلەرىنىڭ ينفورماتسياسى جازىلاتىن ەستەلىك داپتەرى دايىندالادى، بەلگىلى مەرزىم بويىنشا جاعدايىن سۇراستىرا بارىپ، قامقورلىق جاساۋ مەن قورعاۋدى كۇشەيتۋ، ولاردىڭ زاڭدى ۇقىق – مۇددەسىنە كەپىلدىك ەتۋ كەرەك.

كەلۋ قاينارى: حالىق تورابى