مەملەكەتتىك 13 - كەزەكتى ساياسي كەڭەستىڭ مۇشەسى ليۋ يۋەجين (ورىنباسار مينيستر دارەجەلى) تارتىپكە، زاڭعا اۋىر قايشىلىق جاساعاندىقتان پارتيادان ايدالدى

شينحۋا اگەنتتىگىنىڭ 9 ـ ايدىڭ 11 ـ كۇنى بەيجيڭنەن بەرگەن حابارى. ج ك پ ورتالىق كوميتەتىنىڭ بەكىتۋىمەن، ورتالىق ءتارتىپ تەكسەرۋ كوميتەتى، مەملەكەتتىك باقىلاۋ ـ تەكسەرۋ كوميتەتى مەملەكەتتىك 13 ـ كەزەكتى ساياسي كەڭەستىڭ مۇشەسى ليۋ يۋەجيننىڭ (ورىنباسار مينيستر دارەجەلى) تارتىپكە، زاڭعا اۋىر قايشىلىق جاساۋ ماسەلەسىنە دەلو تۇرعىزىپ، تەكسەرۋ جۇرگىزدى.

تەكسەرۋ ارقىلى مىنالار انىقتالدى: ليۋ يۋەجين مۇرات - سەنىمنەن ايرىلىپ، اۋەلگى ماقساتتان، بورىشتان بەزىپ، پارتياعا ادال بولماي، شىنايى بولماي، ۇيىمنىڭ تەكسەرۋىنە قارسىلىق كورسەتكەن؛ ورتالىقتىڭ ”سەگىز ءتۇرلى بەلگىلەمەسىنىڭ“ رۋحىن ەلەپ - ەسكەرمەگەن، بەلگىلەمەگە قايشىلىق جاساپ، جەكەلىك ساۋىقحانالارعا بارىپ، قوناعاسىلارعا قاتىناسقان؛ ۇيىم حات ارقىلى سۇراستىرعان كەزدە ماسەلەسىن قاز - قالپىندا تۇسىندىرمەگەن؛ بەلگىلەمەگە قايشىلىق جاساپ تارتۋ - تارالعى العان؛ قۇپيالىققا ساياتىن قۇجاتتاردى ءوز بەتىمەن ساقتاپ قالعان؛ ءتارتىپ، زاڭ تانىمى دەپ جوق بولىپ، زاڭ اتقارۋدا زاڭعا قايشىلىق جاساپ، جالپىلىق ۇقىقتى جەكە مۇددەنى كوزدەيتىن قۇرالىنا اينالدىرعان، ۇقىق - اقشا ساۋداسىمەن بارىنشا شۇعىلدانىپ، قىزمەت قولايلىلىعىنان پايدالانىپ، باسقالاردىڭ كاسىپورىن تيجاراتى، دەلونى سايكەستىرۋ سياقتى جۇمىستارىنا پايدا جەتكىزگەن، سونداي - اق زاڭسىز قىرۋار مال - مۇلىك العان.

ليۋ يۋەجين پارتيانىڭ ساياسي تارتىبىنە، ۇيىمدىق تارتىبىنە، پاكتىك تارتىبىنە، قىزمەت تارتىبىنە جانە تۇرمىس تارتىبىنە اۋىر دارەجەدە قايشىلىق جاساپ، مىندەتىندە زاڭعا اۋىر قايشىلىق جاساعان ءارى پارا الۋ قىلمىسىنا شاتىلعان، ونىڭ ۇستىنە پارتيا 18 ـ قۇرىلتايىنان كەيىن دە تيىلماعان، تىزگىنىن تارتپاعان، سيپاتى اۋىر، ىقپالى ناشار، قاتاڭ ءبىر جاقتى ەتۋ كەرەك. «جۇڭگو كوممۋنيستىك پارتياسىنىڭ ءتارتىپ جازاسى ەرەجەسى»، «جۇڭحۋا حالىق رەسپۋبليكاسىنىڭ باقىلاۋ - تەكسەرۋ زاڭى»، «جۇڭحۋا حالىق رەسپۋبليكاسىنىڭ ۇكىمەت قىزمەتكەرلەرىنىڭ اكىمشىلىك ىستەرىن ءبىر جاقتى ەتۋ زاڭى» سياقتى قاتىستى بەلگىلەمەلەرگە ساي، ورتالىق ءتارتىپ تەكسەرۋ كوميتەتى تۇراقتى كوميتەتىنىڭ ماجىلىسىندە اقىلداسۋ ءارى ج ك پ ورتالىق كوميتەتىنىڭ بەكىتۋى ارقىلى ليۋ يۋەجينگە پارتيادان شىعارۋ جازاسىن بەرۋدى ۇيعاردى؛ بەلگىلەمە بويىنشا ونىڭ يگىلىكتەنەتىن مامىلەسىن كۇشىنەن قالدىردى؛ تارتىپكە، زاڭعا قايشىلىق جاساپ تاپقان تابىسىن ءمۇسادىرالادى؛ ونىڭ قىلمىسقا ساياتىن ماسەلەلەرىن پروكۋراتۋرا ورگاندارىنىڭ زاڭ بويىنشا تەكسەرىپ ايىپتاۋىنا وتكىزىپ بەردى، وعان ساياتىن مال - مۇلىكتى بىرگە وتكىزىپ بەردى.

كەلۋ قاينارى: حالىق تورابى