300 يۋاننان باستالادى! وڭتۇستىك اۆياتسيا سەرىكتەستىگى شينجياڭنىڭ ءىشى ـ سىرتىنا قاتىنايتىن ەرەكشە ءتيىمدى اۋە لەنيالارىن شىعاردى

9 ـ ايدىڭ 12 ـ كۇنى وڭتۇستىك اۆياتسيا سەرىكتەستىگى شينجياڭ بولىمشە سەرىكتەستىگىنىڭ ۋيچات الەۋمەتتىك تەكشەسىنىڭ حابارىنا قاراعاندا، ورتاڭعى كۇز مەرەكەسىنىڭ كەلۋى قارساڭىندا، وڭتۇستىك اۆياتسيا سەرىكتەستىگى شينجياڭنىڭ ىشىندە قاتىنايتىن، شينجياڭنان سىرتقا قاتىناتىن، سونداي ـ اق حالىقاراعا قاتىنايتىن ەرەكشە ءتيىمدى اۋە لەنيالارىنىڭ ءبىر ءبولىمىن تاڭداپ، كۇزدە الاڭسىز، شات – شادىمان ساياحاتتاۋعا جاعداي جاساعان.

ەرەكشە ءتيىمدى اۋە لەنيالارى بۇگىننەن باستاپ 9 ـ ايدىڭ 20 ـ كۇنىنە دەيىن بولادى، مۇنىڭ ىشىندە شينجياڭ ىشىندەگى اۋە لەنيالارىنىڭ بەلەت باعاسى 300 يۋاننان 700 يۋانعا دەيىن بولادى، شينجياڭنان شىعاتىن اۋە لەنيالارىنىڭ بەلەت باعاسى 480 يۋاننان 1200 يۋانعا دەيىن بولادى، حالىقارالىق اۋە لەنيالارىنىڭ بەلەت باعاسى 1407 يۋاننان 4469 يۋانعا دەيىن بولادى.

جوعارىداعى كەزەكشى ۇشاقتاردىڭ بەلەت باعاسىندا وزگەرىس بولۋى مۇمكىن ەكەنىن ەرەكشە ەسكەرتەمىز، ەڭ سوڭىندا وڭتۇستىك اۆياتسياسىنىڭ رەسمي تورابى، APP سياقتى رەسمي بەلەت ساتاتىن ارنالاردىڭ باعاسىن ولشەم ەتەدى.

كەلۋ قاينارى: حالىق تورابى