اشىق جاريالاندى! شينجياڭدا مىنا 17 توپتاعى ازىق – تۇلىك ۇلگى الىپ تەكسەرۋ بارىسىندا  تولىمسىز بولدى 

انار بۇلت \ شينجياڭ گازەتىنىڭ 9 – ايدىڭ 10 – كۇنى بەرگەن حابارى. شينجياڭ ۇيعۇر اۆتونوميالى رايوندىق بازاردى باقىلاۋ – باسقارۋ مەكەمەسى تورابى جۋىردا ازىق – تۇلىك حاۋىپسىزدىگىن باقىلاۋعا قاتىستى ۇلگى الىپ تەكسەرۋ جۇرگىزۋ جاعدايى جونىندەگى حابارلاندىرۋدى جاريالاعان: جۋىردا ازىق – تۇلىك حاۋىپسىزدىگىنە قاتىستى ۇلگى الىپ تەكسەرۋ جۇرگىزۋ ۇيىمداستىرىلىپ، 17 ءتۇرلى ازىق تۇلىكتەن 651 توپتا ۇلگى الىنعان، ازىق – تۇلىك حاۋىپسىزدىگىنە قاتىستى مەملەكەتتىك ولشەم مەن مەملەكەتتىڭ قاتىستى بەلگىلەمەلەرىنە ساي تەكسەرۋ جۇرگىزىلگەن جانە تۇجىرىم جاسالعان، ۇلگى ونىمدەردەن 634 توپتاعى ءونىم تولىمدى بولعان، 17 توپتاعى ءونىم تولىمسىز بولعان.

جۋىردا شينجياڭ ۇيعۇر اۆتونوميالى رايوندىق بازاردى باقىلاۋ – باسقارۋ باس مەكەمەسى ازىق – تۇلىك حاۋىپسىزدىگىنە باقىلاۋ جۇرگىزۋ جانە ۇلگى الىپ تەكسەرۋ ارەكەتىن ۇيىمداستىرىپ، استىقتان وڭدەلگەن ونىمدەر، دامدەندىرگىشتەر، ەتتەن جاسالعان ونىمدەر، قولايلى ازىق – تۇلىكتەر، پراندىكتەر، كونسەرۆالار، تەز توڭازىتىلعان ازىق – تۇلىكتەر، كارتوپتان جاسالعان ازىق – تۇلىكتەر مەن ۇلعايتىلمالى ازىق – تۇلىكتەر، قانت - كامپيتتەن جاسالعان ونىمدەر، شايلەر جانە قاتىستى ونىمدەر، اراقتار، جەمىستەن جاسالعان ونىمدەر، قۋىرىلعان ازىق – تۇلىكتەر جانە قاتتى قابىقتى جەمىستەردەن جاسالعان ازىق – تۇلىكتەر، بال باۋىرساقتار، بالدان جاسالعان ونىمدەر، اس – سۋ ازىق – تۇلىكتەرى جانە جەۋگە بولاتىن اۋىل شارۋاشىلىعى ونىمدەرى قاتارلى 17 ءتۇرلى ازىق - تۇلىكتەردەن 651 توپتا ۇلگى الىپ تەكسەرۋ جۇرگىزگەن. ازىق – تۇلىك حاۋىپسىزدىگىنە قاتىستى مەملەكەتتىك ولشەم مەن مەملەكەتتىڭ قاتىستى بەلگىلەمەلەرىنە ساي تەكسەرۋ جۇرگىزىلگەن جانە تۇجىرىم جاسالعان، ۇلگى ونىمدەردەن 634 توپتاعى ءونىم تولىمدى بولعان، 17 توپتاعى ءونىم تولىمسىز بولعان.

تولىمسىز بولعانى انىقتالعان ونىمدەردە ساقتالعان باستى ماسەلەلەر: اۋىل شارۋاشىلىعى، مال شارۋاشىلىعى ءدارى – دارمەكتەرىنىڭ قالدىقتارىنىڭ ولشەمنەن ارتىق بولۋى، ازىق – تۇلىك قوسپاسىن كولەمنەن ارتىق، مولشەردەن ارتىق پايدالانۋ، ميكرو ورگانيزمدەرمەن لاستانۋ، ساپالىق كورسەتكىشىنىڭ ولشەمگە تولماۋى جانە ورگانيكالىق زاتتارمەن لاستانۋ قاتارلىلار.

شينجياڭ ۇيعۇر اۆتونوميالى رايوندىق بازاردى باقىلاۋ – باسقارۋ مەكەمەسى قاراستى وڭىردەگى بازاردى باقىلاۋ – باسقارۋ تاراۋلارىنان تولىمسىز ونىمدەردى جانە ونى وندىرۋشىلەر مەن تيجارات ەتۋشىلەردى زاڭ بويىنشا تەكسەرىپ ءبىرجاقتى ەتۋدى، تولىمسىز ونىمدەردى سورەدەن ءتۇسىرۋ، قايتارىپ الۋ قاتارلى شارالار ارقىلى حاۋىپ – قاتەردى تىزگىندەۋدى، سەبەبىنە تالداۋ جاساپ، رەتتەۋ جۇرگىزۋدى – وزگەرتۋدى، قاتىستى جاعدايلاردى ازىق – تۇلىك وندىرۋشىلەر مەن تيجارات ەتۋشىلەردىڭ ازىق – تۇلىك حاۋىپسىزدىگى جاعىنداعى سەنىمدىلىك ارحيۆىنە جازۋدى تالاپ ەتكەن. تەكسەرىپ ءبىرجاقتى ەتۋ جاعدايىن كاسىپورىن تۇرعان جەردەگى دەلونى انىقتاپ بىتىرۋگە جاۋاپتى بازاردى باقىلاۋ – باسقارۋ مەكەمەسى بەلگىلەمە بويىنشا اشىق جاريالايدى.

تۇتىنۋشىلار ەگەر بازاردان تولىمسىز ازىق – تۇلىكتەردى بايقاسا، ازىق – تۇلىك حاۋىپسىزدىگىنە قاتىستى اشكەرەلەۋ – شاعىم ايتۋ تەلەفونىنا (12315) تەلەفون سوعىپ، اشكەرەلەۋىنە جانە شاعىم ايتۋىنا بولادى.

كەلۋ قاينارى: حالىق تورابى