كامبودجاعا جاسىرىن قاشقان ءبىر قىلمىس كۇماندىسى ايداپ اكەلىندى

شينحۋا اگەنتتىگىنىڭ 9 ـ ايدىڭ 12 ـ كۇنى بەيجيڭنەن بەرگەن حابارى. ءتىلشىنىڭ 9 ـ ايدىڭ 12 ـ كۇنى قوعام حاۋىپسىزدىگى مينيسترلىگىنەن ۇعىسۋىنشا، تاياۋدا قوعام حاۋىپسىزدىگى مينيسترلىگىنىڭ ورنالاستىرۋى مەن قولباسشىلىعى بويىنشا، جۇڭگونىڭ كامبودجادا تۇراتىن باس ەلشىحاناسى مەن جۇڭگو ـ كامبودجا زاڭ اتقارۋ سەلبەستىگىن سايكەستىرۋ كەڭسەسىنىڭ زور كۇشپەن قولداۋىندا، حۋنان قوعام حاۋىپسىزدىگى ورگانى ەل اتتاعان، ايەلدەردى الداپ ساتقان قىلمىس كۇماندىسىن كامبودجادان ەلگە ايداپ اكەلەدى.

2023 – جىلى 9 – ايدا، حۋنان قوعام حاۋىپسىزدىگى ورگانى توراپ ارقىلى دوستاسۋ جۇمساق بولشەگىنەن پايدالانىپ كامبودجانىڭ ازاماتىنا جاتاتىن ايەلدەردى ەل ىشىنە الداپ اكەلگەن ءارى زورلاپ ءتان ساتۋعا ۇيىمداستىرعان ەل اتتاعان قىلمىس كۇماندىسى توبىن تالقانداپ، ىلگەرىندى - كەيىندى ەل ىشىندە 10 قىلمىس كۇماندىسىن ۇستادى، اتالعان قىلمىستىق توپتىڭ نەگىزگى قىلمىس كۇماندىسى ليۋ x كامبودجاعا قاشىپ كەتكەن. تاياۋدا قوعام حاۋىپسىزدىگى مينيسترلىگى حۋنان قوعام حاۋىپسىزدىگى ورگانى قىزمەت گرۋپپاسىن كامبودجاعا جىبەرىپ، كامبودجا ۇكىمەتىنىڭ زاڭ اتقارۋ تاراۋلارىمەن حالىقارالىق ساقشى ىستەرى بويىنشا زاڭ اتقارۋ سەلبەستىگىن ورىستەتىپ، ليۋ x تى تۇتقىنداۋدى ورنالاستىردى. بيىل 8 – ايدىڭ 15 - كۇنى كامبودجا ىشكى ىستەر مينيسترلىگىنىڭ قونىس اۋدارۋدى باسقارۋ باس مەكەمەسى كامبودجانىڭ استاناسى پنومپەندە قىلمىس كۇماندىسى ليۋ x تى قولعا الادى. 8 – ايدىڭ 28 – كۇنى كامبودجا جاق قىلمىس كۇماندىسى ليۋ x تى ءبىزدىڭ جاققا رەسمي وتكىزىپ بەردى.

تاياۋ جىلداردان بەرى، كەيبىر زاڭسىز ”دەلدالدار“ جۇڭگوعا بارىپ جۇمىس ىستەۋدى نەمەسە شەتەلدىك كەلىنشەك تانىستىرۋدى جەلەۋ ەتىپ، شەتەلدىك ايەلدەردى ەل ىشىنە الداپ اكەلىپ، زاڭعا قايشى قىلمىستىق ارەكەتتەرمەن شۇعىلدانۋعا زورلاعان. بيىل 3 - ايدا قوعام حاۋىپسىزدىگى مينيسترلىگى بۇكىل ەلدەگى قوعام حاۋىپسىزدىگى ورگاندارىنىڭ ايەلدەر مەن بالالاردى الداپ ساتۋ قىلمىسىنا سوققى بەرۋ ارناۋلى قيمىلىن ورىستەتۋىن ورنالاستىردى ءارى وسى تەكتەس زاڭعا قايشى قىلمىستىق ارەكەتتەردى سوققى بەرۋ تۇيىندەرىنىڭ ءبىرى ەتىپ، حالىقارالىق زاڭ اتقارۋ سەلبەستىگىن كۇشەيتىپ، تۇتاس تىزبەكتى شەكارا ءىشى - سىرتىنداعى الداپ ساتۋ، قابىلداۋ - جونەلتۋ، وتكەرمەلەۋ، ساتۋ، ساتىپ الۋ سياقتى ءارقايسى قىلمىس بۋىندارىنا سوققى بەرىپ، ەل ارالىق الداپ ساتۋ قىلمىس تورابىن باتىل تالقانداۋدى تالاپ ەتتى.

قوعام حاۋىپسىزدىگى مينيسترلىگى قىلمىستىق ىستەردى بارلاۋ مەكەمەسىنىڭ قاتىستى جاۋاپتى جولداسى بىلاي دەدى: وسى رەت كامبودجادا ماڭىزدى قىلمىس كۇماندىسىن ءساتتى قولعا الۋ — ەل اتتاعان الداپ ساتۋ قىلمىسىنا قاتاڭ سوققى بەرۋدىڭ، حالىقارالىق ساقشى ىستەرى بويىنشا زاڭ اتقارۋ سەلبەستىگىن ورىستەتۋدىڭ تاعى ءبىر ماڭىزدى ناتيجەسى، قوعام حاۋىپسىزدىگى ورگاندارىنىڭ ەل اتتاپ الداپ ساتۋ قىلمىسىنا سوققى بەرۋ جاعىنداعى بەرىك بەكىمى مەن استە كەشىرىم ەتپەۋ پوزيتسياسىن تولىق ايگىلەدى.

كەلۋ قاينارى: حالىق تورابى