بيرمانىڭ سولتۇستىگىندە تەلەكومنان پايدالانىپ الدامكوستىك ىستەۋ قىلمىسىن وتكىزگەن قىلمىس كۇماندىلارىنان 111 ادامدى ەلىمىزگە وتكىزىپ بەردى 

شينحۋا اگەنتتىگىنىڭ ءتىلشىسى شيۇڭ فىڭ 9 – ايدىڭ 13 – كۇنى بەيجيڭنەن حابارلايدى. ءتىلشىنىڭ 9 – ايدىڭ 13 – كۇنى قوعام حاۋىپسىزدىگى مينيسترلىگىنەن ۇعىسۋىنشا، جۋىردا قوعام حاۋىپسىزدىگى مينيسترلىگى يۇننانداعى قوعام حاۋىپسىزدىگى ورگاندارىنىڭ بيرماداعى قاتىستى جەرگىلىكتى زاڭ اتقارۋ تاراۋلارىمەن بىرگە شەكاراداعى ساقشى ىستەرىنە ساياتىن زاڭ اتقارۋ جاعىنداعى سەلبەستىكتى ورىستەتۋى جونىندە ورنالاستىرۋ جاساپ، تەلەكوم مەن ينتەرنەتتەن پايدالانعان قىلمىس كۇماندىلارىنان ءبىر توبىن قولعا تۇسىرگەن. مۇنىڭ ىشىندە، 111 ادام (ينتەرنەت ارقىلى قۋعىنداۋ بۇيرىعى شىعارىلىپ قاشىپ جۇرگەن 29 ادامدى قامتيدى) جۇڭگولىق قىلمىس كۇماندىسى. قازىر جۇڭگولىق قىلمىس كۇماندىلارىنىڭ بارلىعى جۇڭگو جاققا وتكىزىپ بەرىلدى.

قوعام حاۋىپسىزدىگى مينيسترلىگىنىڭ قاتىستى جاۋاپتىسىنىڭ ايتۋىنشا، قوعام حاۋىپسىزدىگى مينيسترلىگى حالىقارالىق سەلبەستىك پەن شەكاراداعى ساقشى ىستەرىنە ساياتىن زاڭ اتقارۋ جاعىنداعى سەلبەستىكتى ۇزدىكسىز كۇشەيتىپ، سوققى بەرۋ تەبىنىن ۇزدىكسىز ارتتىرىپ، بيرمانىڭ سولتۇستىگىندەگى ەلىمىزگە ساياتىن تەلەكوم مەن ينتەرنەتتەن پايدالانىپ الدامكوستىك قىلمىسىن وتكىزەتىن ”قاتەرلى وسپەلەردى“ باتىل الاستاپ، حالىق جۇرتشىلىعىنىڭ مال – مۇلكىنىڭ حاۋىپسىزدىگى مەن زاڭدى ۇقىق – مۇددەسىن شىنايى قورعايدى.

كەلۋ قاينارى: حالىق تورابى