جۇڭگونىڭ ۋاكىلى ا ق ش قاتارلى باتىس ەلدەرىن جۇڭگوعا باعىتتالعان زاڭسىز، سىڭار جاقتىلى جازالاۋ شارالارىن دەرەۋ كۇشىنەن قالدىرۋعا قۋزادى

حالىق گازەتىنىڭ ءتىلشىسى شۇي شين 9 – ايدىڭ 17 – كۇنى بەرليننەن حابارلايدى. جەنەۆادان الىنعان حابار: جۇڭگونىڭ بىرلەسكەن مەملەكەتتەر ۇيىمىنىڭ ادامدىق ۇقىق القالار كەڭەسىنىڭ 57 – كەزەكتى ماجىلىسىنە قاتىناسقان ۋاكىلدەر ۇيىرمەسىنىڭ ورىنباسار باستىعى، كىشى ەلشى لي شياۋمەي جۋىردا اتالعان القالار كەڭەسىنىڭ سىڭار جاقتىلى ماجبۇرلەۋ شارالارىن اتقارۋ ماسەلەسى جونىندەگى ەرەكشە بايانداماشىسىمەن سۇحباتتاسقان كەزدە ءسوز سويلەپ، ا ق ش قاتارلى باتىس ەلدەرىن جۇڭگوعا باعىتتالعان زاڭسىز، سىڭار جاقتىلى جازالاۋ شارالارىن دەرەۋ كۇشىنەن قالدىرۋعا قۋزادى.

لي شياۋمەي مىنانى ءبىلدىردى: جۇڭگو جاقتىڭ ۇسىنىس ەتۋىمەن، ەرەكشە بايانداماشىنىڭ بيىل 5 – ايدا جۇڭگوعا جاساعان ساپارى ءساتتى بولىپ، قاتىستى جاقتارمەن تولىق پىكىرلەسىپ، مول جەتىستىكتەرگە قول جەتكىزدى. جۇڭگو جاق ەرەكشە بايانداماشىنىڭ وسى كەزەكتى ادامدىق ۇقىق القالار كەڭەسىنە بايانداما تاپسىرعانىن القايمىز. باياندامادا مىنالار اتاپ كورسەتىلگەن: ا ق ش قاتارلى ەلدەردىڭ جۇڭگوعا باعىتتالعان سىڭار جاقتىلى جازالاۋ شارالارى حالىقارالىق زاڭعا قايشى كەلەدى، جۇڭگو حالقىنىڭ ادامدىق ۇقىعىنا كەرى ىقپال جاسايدى ءارى سىرتقا جايىلۋ اسەرىن تۋدىرادى، جۇڭگونىڭ قاجەتتى شارالاردى قولدانىپ، زاڭسىز، سىڭار جاقتىلى جازالاۋ شارالارى تۋىنداتقان كەرى ىقپالدى ازايتۋىن قارسى الامىز.

لي شياۋمەي مىنانى اتاپ كورسەتتى: سىڭار جاقتىلى جازالاۋ شاراسى بىرلەسكەن مەملەكەتتەر ۇيىمىنىڭ ۋستاۆىنىڭ ماقساتى مەن پرينسيبىنە اۋىر دارەجەدە قايشى كەلەدى، حالىقارالىق قارىم – قاتىناستىڭ نەگىزدىك ولشەمىنە اۋىر دارەجەدە قايشى كەلىپ، ادامدىق ۇقىققا اۋىر دارەجەدە سۇعاناقتىق جاساۋ سانالادى، جۇڭگو جاق ەجەلدەن بەرى باتىل قارسى تۇرادى. ا ق ش جاق ءوزىنىڭ ادامدىق ۇقىق جاعدايى جاقسى بولماسا دا، قيت ەتسە بولدى ءوزىنىڭ ەل ىشىندەگى زاڭدارىن الباتى قولدانىپ، الىستان شاۋجايلاماقشى بولدى، بۇل بۇكىلدەي دەموكراتيا، ادامدىق ۇقىق دەگەن جەلەۋمەن ادامدىق ۇقىققا قول سۇققانىنا فاكت بولادى. جۇڭگو جاق ا ق ش قاتارلى ەلدەردى حالىقارالىق قوعامداعى ادىلەتتى ۇندەرگە مۇقيات قۇلاق اسىپ، دامۋ ۇستىندەگى ەلدەرگە باعىتتالعان بارلىق زاڭسىز، سىڭار جاقتىلى جازالاۋ شارالارىن دەرەۋ كۇشىنەن قالدىرۋعا قۋزايدى.

وڭتۇستىك افريكا، رەسەي، پاكيستان، كۋبا، ۋەنەسۆەلا، يران، الجيريا، گوندۋراس قاتارلى دامۋ ۇستىندەگى 30 نەشە مەملەكەت پەن «بىرلەسكەن مەملەكەتتەر ۇيىمىنىڭ ۋستاۆىن» قورعاۋشى دوستار گرۋپپاسى، كوزقاراسى ۇقساستاۋ مەملەكەتتەر گرۋپپاسى، افريكا گرۋپپاسى، وداقتاسپاۋ قوزعالىسى قاتارلى توپتار ەرەكشە بايانداماشىمەن پىكىرلەسكەن كەزدە ورتاق ءۇن قاتىپ، زاڭسىز، سىڭار جاقتىلى جازالاۋعا قارسى حالىقارالىق قوعامداعى قۋاتتى اۋقىمدى قالىپتاستىردى.

كەلۋ قاينارى: حالىق تورابى