حالىقارالىق التىننىڭ باعاسى جاڭا رەكورد جاراتتى

شينحۋا اگەنتتىگىنىڭ 9 – ايدىڭ 17 – كۇنى بەيجيڭنەن بەرگەن حابارى. حالىقارالىق ناق تاۋار التىن باعاسى 9 - ايدىڭ 16 - كۇنى ازيا ساۋداسىندا جاڭا ورە جاراتتى.

ناق تاۋار التىننىڭ باعاسى سول كۇنى %0.4 ٴوسىپ، ءار ۋنتسياسى 2589.02 دوللارلىق جاڭا دەڭگەيگە جەتتى. سونىمەن ءبىر ۋاقىتتا 12 - ايدا ايىرباسقا تۇسكەن التىننىڭ كەسىكتى بۇيىم باعاسى سول كۇنى %0.1 ٴوسىپ، ءار ۋنتسياسى 2613.7 دوللارعا جەتتى.

قازىنا – ەكونوميكا ينفورماتسيا تەكشەسى ”قارجى قوسۋ“ تورابى بىلاي دەپ قارادى: التىن باعاسىنىڭ ءوسۋى ءبىر جاعىنان ا ق ش فەدەراتسيالىق قور كوميتەتىنىڭ وسى اپتانىڭ سوڭىن الا ءوسىمدى تومەندەتۋىنىڭ مەجەلى دەمەۋىندە بولسا، ەندى ءبىر جاعىنان 9 – ايدىڭ 15 - كۇنى ا ق ش رەسپۋبليكاشىلدار پارتياسىنىڭ زۇڭتۇڭ كانديداتى دونالد ترامپتى ولتىرمەكشى بولۋ ۋاقيعاسىنىڭ تۋىلۋىمەن قاتىستى.

بازار ا ق ش فەدراتسيالىق قور كوميتەتى 9 – ايدىڭ 18 – كۇنى ءوسىمدى تومەندەتەتىندىگىن جاريالايدى دەپ مەجەلەپ وتىر. ءبىراق تومەندەۋ مولشەرى 25 پايىز نە 50 پايىز بولاتىندىعى جونىندە بازاردىڭ پىكىرى ەكىگە ءبولىندى.

ترامپتى 9 – ايدىڭ 15 - كۇنى فلوريدا شتاتىندا گولف دوبىن ويناپ جۇرگەندە ولتىرمەكشى بولعان، قاستاندىق ىسكە اسپاي ترامپ امان قالدى، قىلمىس كۇماندىسى قاماۋعا الىندى. بۇل ترامپتىڭ اراعا ەكى اي سالىپ تاعى دا قاستاندىققا ۇشىراۋى، بۇل قارجىنىڭ حاۋىپتەن ساقتانۋ كوڭىل كۇيىن تۋدىردى.

كەلۋ قاينارى: حالىق تورابى