شينجياڭ ءۇرىمجى قالاسى دابانچىڭ رايونىندا 4.6 بال جەر سىلكىندى

جۇڭگو جەر سىلكىنىسىن باقىلاۋ ستانسياسى تورابىنىڭ رەسمي ولشەۋىنە قاراعاندا، 9 – ايدىڭ 17 – كۇنى ساعات 16 دان 33 مينۋت وتكەندە شينجياڭ ءۇرىمجى قالاسىنىڭ دابانچىڭ رايونىندا (سولتۇستىك ەندىك 43.72 گرادۋس، شىعىس بويلىق 88.26 گرادۋس) 4.6 بال جەر سىلكىنگەن، سىلكىنىس قاينارىنىڭ تەرەڭدىگى 32 كيلومەتر بولعان.

جەر سىلكىنگەننەن كەيىن پويەزدىڭ حاۋىپسىز قاتىناۋىنا شىنايى كەپىلدىك ەتۋ ءۇشىن، شينجياڭ تەمىر جول تاراۋى شۇعىل جاعدايعا توتەپ بەرۋ جوباسىن دەرەۋ ىسكە قوسىپ، جەر سىلكىنىسىنىڭ ىقپالىنا ۇشىراعان رايون ارالىق لەنيالاردى قۇرساۋلاپ، وسى وڭىردە كەتىپ بارا جاتقان پويەزداردى شۇعىل توقتاتىپ، ادام ۇيىمداستىرىپ، تەمىر جول لەنيالارى، كوپىرلەر، سيگنال جابدىقتارى، بەكەت ۇيلەرى سياقتى قۇرىلعىلار مەن جابدىقتارعا جاپپاي تەكسەرۋ جۇرگىزدى.

جەر سىلكىنۋدىڭ اسەرىندە بۇل رايونعا قاتىنايتىن ءبىر ءبولىم جولاۋشىلار پويەزىندا ۇقساماعان دارەجەدە كەشىگۋ احۋالى كورىلەدى. شينجياڭ تەمىر جول تاراۋى قالىڭ جولاۋشىلارعا پويەزدىڭ ناقتى قاتىناۋ ينفورماتسياسىن دەر كەزىندە ”شينجياڭ تەمىر جولى“ ميكرو بلوگىنان، ۆوگزال حابارلاندىرۋىنان كورۋدى نەمەسە 12306 عا تەلەفون سوعىپ جاعدايدى ۇعىسۋدى، ساپاردى ۇيلەسىمدى ورنالاستىرۋدى ەسكەرتتى.

كەلۋ قاينارى: حالىق تورابى