بيرماداعى تاسقىن اپاتىندا 226 ادام قازا بولىپ، 77 ادام ءىز - توزسىز كەتتى

شينحۋا اگەنتتىگىنىڭ 9 – ايدىڭ 16 – كۇنى ياڭگۋاڭنان بەرگەن حابارى. بيرما مەملەكەتتىك باسقارۋ كوميتەتىنىڭ اقپارات – ينفورماتسيا گرۋپپاسى 9 – ايدىڭ 16 - كۇنى كەشتە حابار جاريالاپ بىلاي دەدى: ەڭ جاڭا ساناق مالىمەتىنە نەگىزدەلگەندە، تاياۋدا اۋىر تاسقىن اپاتىندا بيرما ەلىندە 226 ادام قازا بولىپ، 77 ادام دەرەكسىز كەتكەن.

حاباردا ماۋسىمدىق جەلدىڭ جانە تايفيڭ بورانى ”موجەنىڭ“ ىقپالىنان، جاقىندا بيرمانىڭ كوپ جەرىندە ۇدايى قاتتى جاڭبىر جاۋىپ سەل اپاتى جۇز بەرگەن. ساناق ساندى مالىمەتىندە كورسەتىلۋىنشە، بۇكىل ەلدەگى نەشە ونداعان قالاشىقتا 2116 ءۇي، 1040 مەكتەپ، سونداي - اق ۇكىمەتتىڭ قىرۋار قۇرىلىسى، حابارلاسۋ نەگىزدىك پۋنكتى قاتارلىلار ويراندالىپ، 158 مىڭ ءۇي سۋ استىندا قالعان.

حاباردا تاعى بىلاي دەلىنگەن: اپاتتى باسقارۋ كوميتەتى قۇرىلىپ، اپاتقا ۇشىراعان رايونداردا قۇتقارۋ جانە قايتا قۇرۋ قىزمەتى ورىستەتىلدى. بۇدان سىرت، بۇكىل ەل بويىنشا 438 پانالاۋ ورنى قۇرىلىپ، 40 مىڭنان استام وتباسى، 160 مىڭنان استام ادام قۇتقارىلدى.

كەلۋ قاينارى: حالىق تورابى