وسى اپتادا شينجياڭدا نەگىزىنەن كۇن اشىق بولىپ ەگىس ونىمدەرىن كەپتىرۋگە ۇيلەسەدى

ءتىلشىنىڭ شينجياڭ اۋا رايى ستانسياسىنان ۇعىسۋىنشا، وسى اپتادا (9 – ايدىڭ 16 – كۇنىنەن 22 – كۇنىنە دەيىن) ەكى رەت ءالسىز سۋىق اعىس جۇرەدى، نەگىزىنەن وڭتۇستىك، سولتۇستىك شينجياڭنىڭ باتىسىنداعى تاۋلى وڭىرلەرگە ىقپال جاسايدى. بۇكىل شينجياڭنىڭ باسقا جەرلەرىندە كۇزدىڭ سالقىن سامالى ەسىپ، – ەگىس ونىمدەرىن كەپتىرۋگە ۇيلەسەدى. شينجياڭ اۋا رايى ستانسياسى وسى اپتادا تاۋلى وڭىردەگى قار - جاڭبىردىڭ ساياحاتقا، قاتىناسقا ءتيىمسىز ىقپالىنان ءتۇيىندى تۇردە ساقتانۋدى ەسكەرتتى.

6 - ايدىڭ 20 - كۇنى تۇننەن 21 - كۇنى كۇندىزگە دەيىن، سولتۇستىك شينجياڭنىڭ باتىس بولىگى، وڭتۇستىك شينجياڭنىڭ باتىس بولىگىندەگى تاۋلى وڭىرلەر، اقسۋ ايماعىنىڭ سولتۇستىگىندەگى تاۋلى وڭىرلەر، بايىنعولىن موڭعۇل اۆتونوميالى وبلىسىنىڭ تاۋلى وڭىرلەرى سياقتى جەرلەردىڭ ءىشىنارا وڭىرلەرىندە سەبەزگى جاڭبىر جاۋادى (تەڭىز دەڭگەيىنەن ورتاشا بيىك تاۋلى وڭىرلەردە قار جاۋادى)، تاۋلى وڭىرلەردىڭ ءىشىنارا وڭىرلەرىندە ورتاشادان قالىڭ جاڭبىرعا دەيىن نەمەسە قار جاۋادى.

بۇدان سىرت، شينجياڭ اۋىل شارۋاشىلىق اۋا رايى ستانسياسى مىنانى ەسكەرتتى: ءارقايسى ەگىنشىلىك رايوندارى اشىق اۋا رايىن مىقتى يگەرىپ، پىسقان جۇگەرىنى جيناپ الىپ كەپتىرۋ، دۇمبە ءبيدايدى لايىقتى مەرزىمدە ەگۋ، ماقتانىڭ جاپىراعىن ءتۇسىرۋ ءدارىسىن بۇركۋ سياقتى قىزمەتتەردى ويداعىداي ىستەۋى ءارى بوراندى اۋا رايىنان ساقتانىپ، پىسقان جەمىستەردى دەر كەزىندە ءۇزۋ، قۇرىلعىلى اۋىل شارۋاشىلىعى ارقىلى بوراننان ساقتانۋ، بەكەمدەۋ قىزمەتىن ويداعىداي ىستەۋ كەرەك، مال شارۋاشىلىق رايوندارى مال باعۋ، كوشى - قون جۇمىستارىندا ءتيىمسىز اۋا رايىنان ساقتانۋعا كوڭىل ءبولۋى كەرەك.

كەلۋ قاينارى: حالىق تورابى