تۋعان اناسى 8 جاستاعى بالاسىن ۇرىپ، دەنەسىنىڭ كوپ جەرىن جارالاعاندىقتان جازاعا تارتىلدى 

ايىپكەر شياۋحۋا (اتى وزگەرتىلگەن) سوت ۇستىندە وكىنگەن بەينەدە؛ ”مەنىڭ تاربيە بەرۋ ءتاسىلىم دۇرىس بولماپتى، ءوزىمنىڭ قاتەلىك وتكىزگەنىمدى تانىپ جەتتىم“ دەدى.

جۋىردا چيڭحاي ولكەسى شينيڭ قالاسى چىڭجۇڭ رايوندىق حالىق سوتى مەكەمەسى ورەندەردىڭ وتباسىنداعى ىستەرگە قاتىستى تەرگەۋ جۇرگىزۋ – ۇكىم شىعارۋ سوتى الەۋمەتتىك ارىز – شاعىم ورگاندارى ايىپتاما شىعارعان ”تۋعان اناسىنىڭ بالاسىن ۇرۋى“ سىندى قىلمىستىق ىستەر دەلوسى جونىندە تەرگەۋ جۇرگىزگەن، ايىپكەر شياۋحۋانىڭ بالاسىنا تاربيە بەرۋ ءتاسىلى ۇيلەسىمدى بولماعان، بالاسىنا ءتان جازاسىن قولدانعان ءارى ۇرعان، ەڭ سوڭىندا ول ءبىر جىل ەكى ايلىق مەرزىمدى قاماق جازاسىنا ۇكىم ەتىلىپ، جازا ەكى جىل كەشىكتىرىپ اتقارىلاتىن بولعان.

سۋرەتتە : سوت ۇستىندەگى تەرگەۋ بارىسى

2024 – جىلى 4 – ايدا، شياۋحۋا بالاسىنىڭ (دەلو تۋىلعان كەزدە 8 جاستا) مەكتەپتە ساباقتاستارىمەن بايلانىسىنىڭ جاقسى بولماۋى، ءتىل الماۋى سياقتى سەبەپتەرگە بايلانىستى، وتباسىندا بالانىڭ بارلىق كيىمىن سىپىرىپ تاستاپ، اياق كيىمنىڭ باۋىمەن بالانىڭ ەكى قولىن تاڭىپ، تەمىر شىنجىرمەن بالانىڭ ەكى اياعىن شىنجىرلاپ، قولىنداعى سۋلياۋ تۇتىكشەمەن بالانى ۇرعان. ىلە – شالا، قىزىل ءتۇستى سۋلياۋ شىنىنى بالانىڭ باسىنا قويىپ، بالانى ورىندىقتىڭ ۇستىنە تۇرعىزىپ قويىپ، وعان ءتان جازاسىن قولدانعاندىقتان، بالانىڭ دەنەسىنىڭ كوپ جەرى زاقىمدالعان. سوڭىنان تەكسەرۋگە قاراعاندا، جاراقات دارەجەسى 1 – دارەجەلى جەڭىل جاراقات دارەجەسىنە جەتكەن.

سوت مەكەمەسى تەرگەۋ بارىسىندا بىلاي دەپ قاراعان، ايىپكەر شياۋحۋا باسقالاردىڭ دەنەسىن قاساقانا جارالاپ، زياندالۋشىنىڭ 1 – دارەجەلى جەڭىل جارالانۋىنا سەبەپشى بولعان، ونىڭ ارەكەتى قاساقانا جارالاۋ قىلمىسىن قالىپتاستىرعاندىقتان، جازاعا تارتۋ كەرەك. ارىز – شاعىم ورگاندارى ايىپتاما شىعارعان قىلمىس فاكتتەرى مەن قىلمىستارى ءىس جۇزىندە تۋىلعان، ولارعا قولداۋ كورسەتۋ كەرەك، ايىپكەر شياۋحۋا ازامات جاسىنا تولماعان بالاعا بايلانىستى قىلمىس وتكىزگەندىكتەن، جاعدايعا قاراي وتىرىپ، اۋىر جازالاۋ كەرەك، ول ءوز ەركىمەن قىلمىسىن تانىپ، جازاعا مويىنسال بولعاندىقتان، جازاسىن جەڭىلدەتۋگە بولادى. ايىپكەر شياۋحۋانىڭ بالانىڭ قامقورشىسى ەكەنىن، ونىڭ ۇستىنە بۇل ىسىنە وكىنگەنىن، قايتالاي قىلمىس وتكىزۋ حاۋپى جوق ەكەنىن ويلاستىرا وتىرىپ، جازانى ۇيلەسىمدى كەشەۋىلدەتۋگە بولادى. ايىپكەر شياۋحۋانى قاساقانا جارالاۋ قىلمىسىن وتكىزگەنى ءۇشىن ءبىر جىل ەكى ايلىق مەرزىمدى قاماق جازاسىنا ۇكىم ەتىپ، ەكى جىل كەشەۋىلدەتىپ اتقارۋ كەرەك.

سوت تەرگەۋىنەن سوڭ، ايىپكەر شياۋحۋانىڭ تاربيەلەۋ ءتاسىلىنىڭ قاتە بولعانىنا قاراتا، دەلوعا جاۋاپتى سۋديا وعان سوگىس بەردى ءارى «وتباسىلىق ءتالىم – تاربيەگە جەتەكشىلىك ەتۋ بۇيرىعىن» جەتكىزىپ، ونىڭ بالاعا تاربيە بەرۋدەگى ناشار ءتاسىلىن ءسوزسىز وزگەرتۋى كەرەك ەكەنىن، ازامات جاسىنا تولماعان بالاعا دۇرىس ءجون سىلتەۋى كەرەك ەكەنىن، ازامات جاسىنا تولماعان پەرزەنتىن ايالاۋى، قورعاۋى كەرەك ەكەنىن ايتتى.

كەلۋ قاينارى: حالىق تورابى