شاپالاقتىڭ باعاسى شىقتى! ءبىر شاپالاق 6100 يۋان

اقىلىن اشۋعا جەڭدىرىپ، باسقالارعا ءبىر شاپالاق بەرۋ جاي ءىس ەمەس، ول ادامنىڭ دەنەسىن زيانداپ قانا قالماستان، قارسى جاقتىڭ ار - نامىسىنا دا داق كەلتىرەدى، زاڭنىڭ جازاسىنا ۇشىرايدى. بيڭتۋان 5 ـ ديۆيزياسىنىڭ تۇرعىنى ىر XX باسقالارعا ءبىر شاپالاق بەرگەندىكتەن، 10 كۇن اكىمشىلىك جاقتان قاماۋعا الىنىپ، 500 يۋان ايىپ سالىندى، سونداي ـ اق باسقالارعا 6100 يۋان تولەم بەردى.

نيۋ x اپەكەلى – باۋىر ەكەۋى ىر XX تىڭ ۇلىمەن ءبىر باستاۋىش مەكتەپتە وقيدى. 2023 – جىلى 11 – ايدىڭ 17 - كۇنى نيۋ x اپەكەلى – باۋىر ەكەۋى ىر XX تىڭ ۇلىمەن مەكتەپتە ەرەگەسىپ قالادى. وقۋدان تاراعاننان كەيىن، نيۋ X اپەكەلى – باۋىر ەكەۋى ىر XX تىڭ ۇيىنە بارىپ جاعدايدى ايتىپ تورەلىگىن سۇرايدى، سويلەسۋ بارىسىندا ەكى جاق تا قاتتى اشۋلانادى، ىر XX نيۋ x تىڭ باسىنا ءبىر شاپالاق ۇرعاندىقتان، نيۋ X جىعىلىپ جارالانادى.

نيۋ X تىڭ اكەسى ناق مايدانعا كەلگەننەن كەيىن ساقشىعا مالىمدەيدى، بۇراتالا قالالىق قوعام حاۋىپسىزدىگى مەكەمەسى ونىڭ نيۋ X تى ۇرعان زاڭعا قايشى ارەكەتى بار دەپ قاراپ، وعان 10 كۇن اكىمشىلىك جاقتان قاماي تۇرۋ، 500 يۋان ايىپ سالۋ جازاسىن بەرەدى. كەيىن دوحترحانا نيۋ X تىڭ بەتى جارالانعان، سول جاق جىلىنشىگىنىڭ جۇمساق تكاندارى زاقىمدالعان، ونىڭ ۇستىنە شۇعىل حارەكترلى تىتىركەنۋ رەاكسياسى بار دەپ دياگنوز قويىپ، جەڭىل جاراقات دەپ ساراپتايدى، ەمحانادا جاتىپ ەمدەلۋگە 10 مىڭ يۋاننان استام اقشا جۇمسايدى.

وسىدان كەيىن نيۋ X تىڭ اكەسى ىر XX تەن تولەم بەرۋدى تالاپ ەتەدى، ءبىراق ىر XX قوعام حاۋىپسىزدىگى ورگانىنىڭ جازاسىنا تارتىلدىم دەپ قاراپ، ەندىگارى تولەم بەرۋدى قالامايدى. ەكى جاق بىتىمگە كەلىسە الماي، نيۋ X تىڭ اكەسى بيىل 7 –ايدىڭ سوڭىندا بۇراتالا تىڭ يگەرۋ رايوندىق حالىق سوت مەكەمەسىنە ارىز بەرىپ، ىر XX تەن ۇلىنىڭ ءتۇرلى زيانىنا جيىنى 10 مىڭ يۋاننان استام تولەم تولەۋدى تالاپ ەتەدى.

بۇل دەلونى سوت مەكەمەسى بۇراتالا تىڭ يگەرۋ رايونىنىڭ ارىز – شاعىمدى حالىقتىق جاراستىرۋ كوميتەتىنىڭ جاراستىرۋىنا وتكىزىپ بەرەدى. ارناۋلى حالىقتىق جاراستىرۋشى جاعدايدى ەگجەي - تەگجەيلى ۇعىسقاننان كەيىن، ىر XX تىڭ ۇيىنە تالاي رەت بارىپ، ونىمەن حابارلاسىپ، مۇددە قاتىناسىنا تالداۋ جاساپ، ىر XX تىڭ ارەكەتىنىڭ شىنىندا نيۋ X كە زيان جەتكىزگەندىگىن ايقىن كورسەتەدى. ازاماتتىق زاڭنامانىڭ قاتىستى بەلگىلەمەلەرىنە ساي، باسقالارعا سۇعاناقتىق جاساپ، باس اماندىعىنا زيان جەتكىزسە، تولەم جاۋاپكەرشىلىگىن ارقالاۋى كەرەك ەكەندىگىن ايتادى.

تۇسىنىك جاساۋ ارقىلى ءجون - جوسىقتى تۇسىندىرگەننەن كەيىن، جارىم ايدان كەيىن، ىر XX ءوزىنىڭ ارەكەتىنىڭ شىنىندا دۇرىس ەمەس ەكەنىن، بالانىڭ كوڭىلىنە جارا سالعاندىعىن سەزىنەدى، ءبىراق ول تولەم مولشەرى ءبىرشاما جوعارى، ءوزىنىڭ قابىلداۋىنىڭ قيىن ەكەندىگىن بىلدىرەدى.

جاراستىرۋشى بۇعان بولا جاسىمايدى، بالانىڭ ەسەيىپ – ەرجەتۋىنە ءتيىمدى بولۋ تۇرعىسىنان ىر XX پەن، نيۋ X تىڭ اكەسىمەن جەكە – جەكە حابارلاسىپ سويلەسۋ ارقىلى ەڭ سوڭىندا ەكەۋى دە وزدەرىنىڭ جەتەرسىزدىكتەرىن جەتە تانىپ، جول بەرۋگە پەيىل ەكەنىن بىلدىرەدى.

8 – ايدىڭ 8 – كۇنى ەكى جاق كەلىسىمگە كەلىپ، ىر XX نيۋ X كە ءبىر جولدا جۇمساعان ءتۇرلى قاراجاتتارعا بولا جيىنى 6100 يۋان بەرەدى، ٴارى ناق مايداندا اتقارادى. بىرنەشە ايعا جالعاسقان وسى داۋ – شار شەشىمىن تابادى.

جاراستىرۋشى بىلاي دەپ ەسكەرتەدى: ازاماتتاردىڭ دەنساۋلىق ۇقىعى زاڭنىڭ قورعاۋىندا بولادى، ىسكە قاتىستى ادام ۇقىققا قول سۇعۋ ارەكەتى سەبەبىنەن باسقالاردىڭ باس اماندىعىنا زيان جەتكىزسە، ازاماتتىق ىستەر تولەم جاۋاپكەرشىلىگىن ارقالاۋى كەرەك. ءاربىر بالا اكە – شەشەسىنىڭ الپەشتەگەن اسىلى، اتا - انانىڭ بالانىڭ ەسەيىپ - ەرجەتۋىنە كوڭىل ءبولۋى ورىندى، ءبىراق بالالار ويناۋ بارىسىندا شەكىسىپ قالۋ سياقتى جاعدايلار بولىپ تۇرادى. بالالار اراسىندا تۋىلعان قايشىلىق الدىندا، اتا - انالار ۇشقارى ارەكەتپەن قايشىلىقتى ۋشىقتىرماي، ۇلگى بولىپ، داۋ - شاردى اقىلمەن شەشۋى كەرەك.

كەلۋ قاينارى: حالىق تورابى