بۇكىل شينجياڭنىڭ ورتاشا تەمپەراتۋراسى 24.2 سەلتسي گرادۋس بولىپ، جىلداعىدان 1.5 سەلتسي گرادۋس جوعارى بولدى

بيىل 6 - ايدان 8 - ايعا دەيىن، شينجياڭنىڭ اۋا تەمپەراتۋراسى كورنەكتى جوعارىلاپ، جاۋىن - شاشىن جىل بويى جاۋاتىن ەرەكشەلىككە يە بولدى، سوندىقتان، وسى جاز ءسال ”قايناعانداي“ سەزىلدى.

9 – ايدىڭ 13 – كۇنى، شينجياڭ اۋا رايى مەكەمەسى 2024 ـ جىلدىڭ جازىنداعى شينجياڭ كليماتىنىڭ ىقپالىن باعالاۋ جونىندەگى اقپاراتتىق حابارلاندىرۋ ءماجىلىسىن اشىپ، مىنانى جاريالادى: 2024 ـ جىلى 6 – ايدان 8 – ايعا دەيىنگى بۇكىل شينجياڭنىڭ ورتاشا اۋا تەمپەراتۋراسى 24.2 سەلتسي گرادۋس بولىپ، جىلداعىدان 1.5 سەلتسي گرادۋس جوعارى بولعان، بىلتىرعى ۇقساس مەزگىل 1961 ـ جىلدان بەرگى جاز ماۋسىمىمەن سالىستىرعاندا ەڭ جوعارى گرادۋسقا شىققان؛ سولتۇستىك شينجياڭ، تيانشان تاۋلى رايونى، وڭتۇستىك شينجياڭدا جەكە – جەكە 1.7 سەلتسي گرادۋس، 1.6 سەلتسي گرادۋس، 1.3 سەلتسي گرادۋس جوعارى بولعان، سولتۇستىك شينجياڭدا تاريحتاعى سايكەس مەزگىلدەگى ەڭ جوعارى بولعان، تيانشان تاۋلى ءوڭىرى مەن وڭتۇستىك شينجياڭدا تۇگەلدەي ەكىنشى ورىندا بولدى.

شينجياڭ كليمات ورتالىعىنىڭ باس مالىمەتشىسى چىن يىڭ كەڭىستىكتىڭ ورنالاسۋى، ماۋسىم ىشىندەگى اي ارالىق وزگەرىس جانە ون كۇندىك وزگەرىس ارقىلى بيىل جاز ماۋسىمىنداعى اۋا تەمپەراتۋراسىنىڭ ەرەكشەلىگىنە تالداۋ جاسادى.

كەڭىستىكتىڭ ورنالاسۋىنان قاراعاندا، بۇكىل شينجياڭنىڭ باسىم كوپ جەرىنىڭ اۋا تەمپەراتۋراسى ءسال جوعارى نەمەسە جوعارىراق بولدى، تەك كورلا مەن وڭتۇستىك شينجياڭنىڭ باتىس بولىگىندەگى تاۋلى وڭىرلەردىڭ ءىشىنارا جەرلەرىندە عانا تەمپەراتۋرا ءسال تومەن بولدى. بۇكىل شينجياڭداعى %84 ستانسيا، پۋنكتتىڭ تەمپەراتۋراسى 1 سەلتسي گرادۋس جوعارى بولدى، التاي ايماعىنىڭ شىعىس وڭتۇستىك بولەگى، قۇمىل قالاسى، تۇرپان قالاسى قاتارلى جەرلەردىڭ اۋا تەمپەراتۋراسى 2.0 سەلتسي گرادۋستان 3.6 سەلتسي گرادۋسقا دەيىن (ءپىشان) جوعارى بولدى. مۇنىڭ ىشىندى ءپىشان، تۇرپان، توقسۇن سياقتى 31 پۋنكتتىڭ ورتاشا اۋا تەمپەراتۋراسى جاز ماۋسىمىنداعى تاريحتاعى ەڭ جوعارى ماننەن استى.

ماۋسىم ىشىندەگى اي ارالىق وزگەرىستەن قاراعاندا، جازداعى 3 ايدا بۇكىل شينجياڭنىڭ تەمپەراتۋراسى ءبىر تەگىس جوعارى بولدى، 6 -، 7 -، 8 – ايلارداعى تەمپەراتۋرا جەكە - جەكە ادەتتەگى جىلدارداعى ۇقساس مەزگىلدەگىمەن سالىستىرعاندا 1.7 سەلتسي گرادۋس، 1.1 سەلتسي گرادۋس، 1.7 سەلتسي گرادۋس جوعارى بولدى، مۇنىڭ ىشىندە 8 – ايداعى اۋا تەمپەراتۋراسى تاريحتاعى ۇقساس مەزگىلدەگىدەن ءبىرىنشى جوعارى، 6 – ايدا ەكىنشى ورىندا بولدى.

ون كۇندىك وزگەرىستەن قاراعاندا، جاز ماۋسىمىندا بۇكىل شينجياڭنىڭ اۋا تەمپەراتۋراسى 6 - ايدىڭ باس شەنى مەن 7 - ايدىڭ باس شەنىندە تومەنىرەك، قالعان كۇندەردە جوعارىراق بولدى.

كەلۋ قاينارى: حالىق تورابى