بىرلەسكەن مەملەكەتتەر ۇيىمىنىڭ ءماجىلىسى قاۋلى ماقۇلدادى 

جەرگىلىكتى ۋاقىت بويىنشا 9 – ايدىڭ 18 – كۇنى، بىرلەسكەن مەملەكەتتەر ۇيىمىنىڭ ءماجىلىسى پالەستينا – يزرايل ماسەلەسى جونىندەگى 10 - رەتكى شۇعىل ءارى ەرەكشە جيىنىندا يزرايلدىڭ پالەستينانىڭ تەرريتورياسىن باسىپ الۋى جونىندەگى كەڭەس بەرۋ سيپاتىنداعى پىكىر تۋرالى قاۋلى جوباسىن داۋىس بەرىپ ماقۇلداپ، يزرايلدان قاۋلى ماقۇلدانعاننان كەيىنگى 12 اي ىشىندە پالەستينادان باسىپ العان تەرريتوريادا زاڭسىز ايالداۋدى اياقتاتۋدى تالاپ ەتكەن.

داۋىس بەرۋ بارىسىندا، 124 مەملەكەت قولداپ، ا ق ش، يزرايل قاتارلى 14 مەملەكەت قارسى تۇردى، 43 داۋىس قالىس قالدى. جۇڭگو قولداپ داۋىس بەردى.

بۇل پالەستينانىڭ بىرلەسكەن مەملەكەتتەر ۇيىمىنىڭ باقىلاۋشى ەلى رەتىندە تۇڭعىش رەت بىرلەسكەن مەملەكەتتەر ۇيىمىنىڭ ماجىلىسىندە قاۋلى جوباسىن ورتاعا قويۋى. بيىل 5 – ايدا بىرلەسكەن مەملەكەتتەر ۇيىمىنىڭ ماجىلىسىندە، باسىم كوپ سانداعى مۇشە ەلدەردىڭ داۋىس بەرۋى ارقىلى قاۋلى قابىلدانىپ، پالەستيناعا باقىلاۋشى ەل رەتىندە جوبا نەمەسە وزگەرىس ەنگىزۋ جوباسىن ۇسىنۋ ءارى ونى تانىستىرۋ قاتارلى ۇقىقتار بەرىلگەن.

بۇل قاۋلىدا يوردان وزەنىنىڭ باتىس جاعالاۋىنداعى پالەستينانىڭ باسىپ الىنعان تەرريتورياسىنا نازار شوعىرلاندىرىلعان، جوبانىڭ جالپى اتالۋى «حالىقارالىق سوتتىڭ يزرايلدىڭ شىعىس يەرۋساليمدى قامتىعان پالەستينانىڭ باسىپ الىنعان تەرريتورياسىنداعى ساياساتى جانە ارەكەتتەرى، سونداي – اق، يزرايلدىڭ پالەستينانىڭ باسىپ الىنعان تەرريتورياسىندا ۇزدىكسىز ايالداۋىنىڭ زاڭسىز سيپاتىنان تۋىنداعان زاڭدىق ناتيجەلەر جونىندەگى كەڭەس بەرۋ پىكىرى» دەپ اتالادى.

حالىقارالىق سوت بيىل 7 – ايدىڭ 19 – كۇنى كەڭەس بەرۋ سيپاتىنداعى پىكىردى جاريالاپ، يزرايلدىڭ پالەستينانىڭ باسىپ الىنعان تەرريتورياسىندا ۇزدىكسىز ايالداۋى زاڭسىز، يزرايل اتالعان تەرريتوريادا زاڭسىز ايالداۋىن تەز ارادا اياقتاتۋعا، جاڭادان قونىستاندىرۋعا جاتاتىن بارلىق ارەكەتتەرىن دەرەۋ توقتاتۋعا ءارى بارلىق قونىستانۋشىلاردى پالەستينانىڭ باسىپ الىنعان تەرريتورياسىنان شەگىندىرىپ اكەتۋگە، اتالعان تەرريتورياداعى بارلىق قاتىستى تابيعي تۇلعالار مەن زاڭدىق تۇلعالارعا جەتكىزگەن زيانىنا بايلانىستى تولەم تولەۋگە بورىشتى دەپ قاراعان. (ورتالىق تەلەۆيزيا ءتىلشىسى شۇي دىجى، ساۋ جيان)

كەلۋ قاينارى: حالىق تورابى