شينجياڭ قوعامنان 4592 ادامدى اشىق قابىلدايدى

شينجياڭ ۇيعۇر اۆتونوميالى رايونىنىڭ 2024 - جىلدىڭ سوڭعى جارتىسىنداعى ءىسورىندارعا قوعامنان اشىق قىزمەتكەر قابىلداۋىنا 9 - ايدىڭ 19 - كۇنىنەن باستاپ تىزىمدەلۋگە بولادى. وسى رەت 3450 قىزمەت ورنىنا 4592 ادامدى اشىق قابىلداۋ جوسپارلانعان.

9 – ايدىڭ 18 – كۇنى، ءتىلشىنىڭ شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنەن ۇعىسۋىنشا، قابىلداۋ قۇلاقتاندىرۋى شينجياڭ ۇيعۇر اۆتونوميالى رايوندىق ادام كۇشى بايلىعى جانە قوعامدىق قامتاماسىزداندىرۋ مەڭگەرمەسىنىڭ رەسمي تورابىندا (http://rst.xinjiang.gov.cn)، شينجياڭ كادرلار ەمتيحانى ورتالىعىنىڭ رەسمي تورابىندا (http://www.xjrsks.com.cn)، جۇڭگو شينجياڭ دارىندىلار تورابىندا (http://www.xjrc365.com) جاريالانعان.

قىزمەت ورنى شارتىنا ۇيلەسەتىن ادامداردىڭ تىزىمدەلۋىنە بولادى. ەسكەرۋگە ءتيىستىسى، قىزمەت ورنىنىڭ تالابىندا 25 جاس نەمەسە ونان تومەن بولۋ دەگەنىمىز 1998 – جىلى 9 – ايدىڭ 19 – كۇنىنەن (قامتيدى) كەيىن تۋعانداردى كورسەتەدى؛ 30 جاس نەمەسە ونان تومەن بولۋ دەگەنىمىز 1993 – جىلى 9 – ايدىڭ 19 – كۇنىنەن (قامتيدى) كەيىن تۋعانداردى كورسەتەدى؛ 35 جاس نەمەسە ونان تومەن بولۋ دەگەنىمىز 1988 – جىلى 9 – ايدىڭ 19 – كۇنىنەن (قامتيدى) كەيىن تۋعانداردى كورسەتەدى؛ 40 جاس نەمەسە ونان تومەن بولۋ دەگەنىمىز 1983 – جىلى 9 – ايدىڭ 19 – كۇنىنەن (قامتيدى) كەيىن تۋعانداردى كورسەتەدى؛ 45 جاس نەمەسە ونان تومەن بولۋ دەگەنىمىز 1978 – جىلى 9 – ايدىڭ 19 – كۇنىنەن (قامتيدى) كەيىن تۋعانداردى كورسەتەدى.

كەلۋ قاينارى: حالىق تورابى