پەرۋدىڭ شىعىس سولتۇستىگىندەگى ءۇش ولكە ورمان ءورتى سەبەبىنەن شۇعىل جاعدايعا ءوتتى 

شينحۋا اگەنتتىگىنىڭ 9 ـ ايدىڭ 18 ـ كۇنى ليمادان بەرگەن حابارى. پەرۋدىڭ زۇڭتۇڭى بورۋارت 9 ـ ايدىڭ 18 ـ كۇنى مىنانى جاريالادى: ورمان ءورت اپاتى اۋىر بولعاندىقتان، وسى ەلدىڭ شىعىس سولتۇستىگىندەگى امازونكا، سان ـ مارتين، ۋكاياري سىندى 3 ولكە شۇعىل جاعدايعا ءوتتى.

بوروارت سول كۇنى ءبىر مايدان قيمىلدا مىنالاردى ٴبىلدىردى: پەرۋ ۇكىمەتى جوعارعى ٴۇش ولكەنىڭ ورمان وت اپاتىنا ءتىپتى دە جاقسى قارسى تۇرۋ ءۇشىن شۇعىل جاعدايعا ءوتۋ قارارىن ماقۇلدادى. ءورت اپاتى تۋىلعاننان باستاپ، قاتىستى تاراۋلار ادام جىبەرىپ قۇتقارۋ جانە ءورت ءوشىرۋ قىزمەتىن ورىستەتتى، قازىر كوپ ءبولىم ءورت جاعدايى تىزگىندەلدى.

پەرۋ اقپارات قۇرالدارىنىڭ حابارىنا قاراعاندا، بيىل پەرۋدىڭ جەر - جەرىندە 200 دەن استام ورمان – توعاي ءورت اپاتى تۋىلىپ، اپاتقا ۇشىراعان جەر كولەمى 20 مىڭ گەكتاردان اسقان. پەرۋ دەنساۋلىق ساقتاۋ مينيسترلىگى 9 – ايدىڭ 16 – كۇنى مالىمدەمە جاريالاپ، بيىل 7 – ايدىڭ ورتا شەنىنەن بەرى وسى ەلدە ورمان ءورت اپاتىنان 15 ادام قازا بولدى دەدى.

كەلۋ قاينارى: حالىق تورابى