كولۋمبيانىڭ زاڭ اتقارۋ تاراۋلارى ەكى توننادان استام ەسىرتكىنى تەكسەرىپ قولعا ءتۇسىردى

شينحۋا اگەنتتىگىنىڭ 9 – ايدىڭ 19 – كۇنى بوگوتادان بەرگەن حابارى. كولۋمبيا ساقشى جاعى مەن تەڭىز ارمياسى 9 – ايدىڭ 19 - كۇنى اتالعان ەلدەگى كوپتەگەن پورتتا زاڭ اتقارۋ قيمىلىن ورىستەتىپ، جيىنى 2 توننادان استام ەسىرتكىنى قولعا تۇسىرگەن.

جەرگىلىكتى اقپارات قۇرالدارىنىڭ حابارىنا قاراعاندا، كولۋمبيا ساقشىلارى 9 – ايدىڭ 19 - كۇنى تۇستەن بۇرىن سولتۇستىكتەگى سان - مارتا پورتىنداعى ءبىر جۇك كەمەسىنەن قانت دورباسىنا جاسىرىلعان ءبىر توپ حەرويىندى بايقاعان. ساقشى جاقتىڭ ايتۋىنشا، بۇل حەرويىننىڭ سالماعى 971 كيلوگرام، نىسانالى جەرى بەلگيانىڭ انتۆيپ قالاسى ەكەن. سونىمەن ءبىر ۋاقىتتا، ساقشىلار سولتۇستىك ايماقتاعى كاتاحنا كەمەجايىنداعى بانان تاسۋ كەمەسىنەن نەشە ءجۇز كيلوگرام حەرويىندى تەكسەرىپ قولعا تۇسىرگەن.

سول كۇنى تۇستەن بۇرىن كولۋمبيا تەڭىز ارمياسى باتىس وڭتۇستىك ايماقتاعى ناريو ولكەسىنىڭ تۋمانكو پورتىنىڭ ماڭىنان ءبىر جۇك كەمەسىن قولعا ءتۇسىردى، كەمەدەن 1341 كيلوگرام كوكايىن بايقادى ءارى كەمەدەگى 4 كولۋمبيالىق قولعا الىندى.

كولۋمبيا زۇڭتۇڭى پەترو سول كۇنى قوعامدىق قارىم - قاتىناس مەديالارىندا زاڭ اتقارۋ تاراۋلارىنىڭ كاتتاحنا پورتىندا ەسىرتكىنى قولعا تۇسىرگەن كەسكىنىن جاريالاپ، كولۋمبيا ۇكىمەتىنىڭ ەسىرتكى اتكەزشىلىگىنە سوققى بەرۋ بەكىمىن ايگىلەدى.

كەلۋ قاينارى: حالىق تورابى