وزگەرىس ەنگىزىلگەننەن كەيىنگى مەملەكەت قورعانىسى جونىندەگى ءتالىم - تاربيە زاڭى 9 – ايدىڭ 21 – كۇنىنەن باستاپ اتقارىلادى

9 – ايدىڭ 13 – كۇنى، 13 – كەزەكتى مەملەكەتتىك حالىق قۇرىلتايى تۇراقتى كوميتەتىنىڭ 11 – رەتكى ماجىلىسىندە جاڭادان وزگەرىس ەنگىزىلگەن مەملەكەت قورعانىسى جونىندەگى ءتالىم – تاربيە زاڭى داۋىس بەرۋدەن ءوتىپ ماقۇلداندى، بيىل 9 – ايدىڭ 21 – كۇنىنەن باستاپ اتقارىلادى. وسى رەت وزگەرىس ەنگىزىلگەن مەملەكەت قورعانىسى جونىندەگى ءتالىم – تاربيە زاڭىندا مەملەكەت دەڭگەيىندە ەڭ جوعارى دارەجەلى جوسپارلاۋ مەن جوبالاۋ كۇشەيتىلىپ، جاڭا داۋىردەگى مەملەكەت قورعانىسى جونىندەگى ءتالىم – تاربيەنىڭ نەگىزدىك مازمۇنى، ءادىسى مەن ءتاسىلى، قاتىستى قامتاماسىزداندىرۋ قاتارلىلار اناعۇرلىم ايقىن تۇراقتاندىرىلعان، مەملەكەت قورعانىسى جونىندەگى ءتالىم – تاربيەنىڭ ساپاسىن اناعۇرلىم جوعارىلاتۋعا ءتيىمدى. وزگەرىس ەنگىزىلگەننەن كەيىنگى مەملەكەت قورعانىسى جونىندەگى ءتالىم – تاربيە زاڭىندا مەملەكەت قورعانىسى جونىندەگى ءتالىم – تاربيەنىڭ ىشكى ءمانى مەن ورنى ايقىن تۇراقتاندىرىلىپ: ”مەملەكەت بارلىق ازاماتتار اراسىندا وتانشىلدىقتى وزەك ەتكەن، مەملەكەت قورعانىسى جاعىنداعى بورىشىن وتەۋدى ماقسات ەتكەن، مەملەكەت قورعانىسى مەن ارميا قۇرىلىسىنا قاتىستى نازاريا، ءبىلىم، ونەر، سونداي – اق، عىلىم – تەحنيكا، زاڭ – ءتۇزىم، پسيحولوگيا قاتارلى جاقتاردا مەملەكەت قورعانىسىنا ساياتىن ءتالىم – تاربيەنى ورىستەتەدى“ دەپ بەلگىلەگەن.

وزگەرىس ەنگىزىلگەننەن كەيىنگى مەملەكەت قورعانىسى جونىندەگى ءتالىم – تاربيە زاڭى بويىنشا ءار دارەجەلى، ءتۇرلى مەكتەپتەردە ءوزارا ۇشتاستىرىلعان مەملەكەت قورعانىسى جونىندەگى ءتالىم – تاربيە جۇيەسىن قالىپتاستىرۋعا كۇش سالىنادى، قازىر اتقارىلىپ وتىرعان قاتىستى بەلگىلەمەلەر نەگىزىندە، باستاۋىش مەكتەپتەر مەن ورتالاۋ مەكتەپتەردە، ورتا مەكتەپ كەزەڭىندەگى مەكتەپتەردە، جاي جوعارى مەكتەپتەردە مەملەكەت قورعانىسى جونىندەگى ءتالىم – تاربيەنىڭ ماقساتى، مازمۇنى، ءادىسى مەن جولى قاتارلىلار تولىقتىرىلادى، كەمەلدەندىرىلەدى ءارى مەملەكەت قورعانىسىنا قاتىستى ءتالىم – تاربيە ساباقتارىن ورنالاستىرۋ جونىندە ايقىن تالاپتار ورتاعا قويىلادى.

كەلۋ قاينارى: حالىق تورابى