31 مىڭنان استام ادامدى انىقتاپ ءبىرجاقتى ەتتى! قوعام حاۋىپسىزدىگى ورگاندارى ينتەرنەتتەگى وسەك – اياڭعا قاتاڭ سوققى بەردى 

قوعام حاۋىپسىزدىگى مينيسترلىگىنىڭ جاريالاۋىنشا، 2024 – جىلدىڭ باسىنان بەرى، ”ينتەرنەتتى پاكتەندىرۋ 2024“ ارناۋلى ارەكەتىن تياناق ەتە وتىرىپ، قوعام حاۋىپسىزدىگى مينيسترلىگى بۇكىل ەلىمىزدەگى قوعام حاۋىپسىزدىگى ورگاندارىن ينتەرنەتتەگى وسەك – اياڭعا سوققى بەرۋ جانە ونى جونگە سالۋ ارناۋلى ارەكەتىن ۇزدىكسىز ورىستەتىپ، جۇرت رايىنا ساياتىن قولامتالى ىستەردەن پايدالانىپ وسەك – اياڭ قۇراستىرۋ، وسەك – اياڭ تاراتۋ ارەكەتىنىڭ دەرەكتەرىن دەر كەزىندە بايقاپ، جەكە مەديالاردى جۇرگىزۋشىلەردىڭ استىرتىن اۋىستىرۋ، ويدان قيىستىرىپ كەسكىن ءتۇسىرۋ ارقىلى وسەك – اياڭ تاراتۋ قاتارلى تاسىلدەردەن پايدالانىپ، ينتەرنەتتە جانكۇيەر توپتاۋ، كورىلىم جيناۋ، زاڭسىز پايداعا كەنەلۋ قاتارلى ارەكەتتەرىن قاتاڭ جونگە سالىپ، حاۋىپتى جاعداي، اپات، ساقتانۋعا ءتيىستى جاعداي قاتارلىلاردى جالعاننان جاساۋ سىندى قىلمىستىق ارەكەتتەرگە قاتاڭ سوققى بەرگەن.

قازىرگە دەيىن، ەلىمىز بويىنشا قوعام حاۋىپسىزدىگى ورگاندارىنىڭ ينتەرنەت حاۋىپسىزدىگى تاراۋلارى ينتەرنەتتەگى وسەك – اياڭعا ساياتىن دەلولاردان 27 مىڭنان استام دەلونى انىقتاپ، وسەك – اياڭ تاراتقان توراپتاستاردان 31 مىڭنان استام ادامدى زاڭ بويىنشا انىقتاپ ءبىرجاقتى ەتكەن، زاڭعا قايشى تىركەلگىلەردەن 199 مىڭنان استام تىركەلگىنى زاڭ بويىنشا توقتاتقان، ينتەرنەتتەگى وسەك – اياڭعا قاتىستى ينفورماتسيالاردان ءبىر ميلليون 562 مىڭنان استام ينفورماتسيانى الاستاعان. جۋىردا قوعام حاۋىپسىزدىگى مينيسترلىگى ينتەرنەتتەگى وسەك - اياڭدى ”استىرتىن اۋىستىرۋ“ تاسىلىنەن پايدالانىپ قۇراستىرۋ قىلمىسىنا سوققى بەرۋ جانە ونى جونگە سالۋعا ساياتىن تيپتىك دەلولاردان 5 دەلونى جاريالاعان.

كەلەسى قادامدا، قوعام حاۋىپسىزدىگى ورگاندارى ينتەرنەتتەگى وسەك – اياڭعا قاتىستى زاڭعا قايشى قىلمىستىق ارەكەتتەردى زاڭ بويىنشا قاتاڭ جازالاپ، ازاماتتاردىڭ زاڭدى ۇقىق – مۇددەسى مەن ينتەرنەت ەكولوگياسىنىڭ ءتارتىبىن شىنايى قورعايدى. ءارقايسى جاقتار ينتەرنەت كەڭىستىگىنىڭ پاك تە ءتارتىپتى بولۋىن تىلەيدى، ينتەرنەت كەڭىستىگىنىڭ حاۋىپسىزدىگىن قورعاۋ ءارقايسى جاقتاردىڭ ورتاق جاۋاپكەرشىلىگى مەن بورىشى، بارشا توراپتاستاردىڭ ۇكىمەت جاق جاريالاعان سەنىمدى اقپاراتتار مەن وسەك – اياڭعا تويتارىس بەرگەن مازمۇندارعا دەر كەزىندە نازار اۋدارىپ، ينتەرنەتتەگى وسەك – اياڭعا قاتىستى زاڭعا قايشى قىلمىستىق ارەكەتتەردىڭ دەرەگىن قوعام حاۋىپسىزدىگى ورگاندارىنا جانە قاتىستى تەكشەلەرگە بەلسەندى تۇردە مالىمدەۋىن ءۇمىت ەتەمىز.

كەلۋ قاينارى: حالىق تورابى