سىرتقى ىستەر مينيسترلىگى: جۇڭگو ۇكىمەتى زاڭعا قايشى ءارقانداي زورلىقتى كۇش ارەكەتىنە استە جول بەرمەيدى

شينحۋا اگەنتتىگىنىڭ 9 – ايدىڭ 19 – كۇنى بەيجيڭنەن بەرگەن حابارى. سىرتقى ىستەر مينيسترلىگىنىڭ مالىمدەمەشىسى لين جيان 9 – ايدىڭ 19 - كۇنى بىلاي دەدى: جۇڭگو ۇكىمەتى زاڭعا قايشى ءارقانداي زورلىقتى كۇش ارەكەتىنە استە جول بەرمەيدى. جۇڭگو جاق جالعاستى ۇتىمدى شارالار قولدانىپ، جۇڭگوداعى بارلىق شەتەل ازاماتتارىنىڭ حاۋىپسىزدىگىن قامتاماسىز ەتەدى.

سول كۇنگى كەزەكتى تىلشىلەر جينالىسىندا ءبىر ءتىلشى بىلاي دەپ سۇرادى: 9 – ايدىڭ 19 –كۇنى، جاپونيانىڭ گۋاڭجوۋدا تۇراتىن باس كونسۋلحاناسى حابار جاريالاپ، 9 – ايدىڭ 18 – كۇنى شىنجىندا قاستاندىققا ۇشىراعان ۇل بالانىڭ قازا بولعاندىعىن ايتتى. بۇل ىسكە قالاي قاراۋ كەرەك؟

لين جيان بىلاي دەدى: جۇڭگو وسىنداي باقىتسىزدىق وقيعا تۋىلعانىنا وكىنىش بىلدىرەدى جانە قايعىرادى، ۇل بالانىڭ قازا بولعاندىعىنا ازا بىلدىرەدى، ونىڭ وتباسىنداعىلاردان حال سۇرايدى.

لين جيان بىلاي دەپ تانىستىردى: بۇل ۇل بالا جاپونيانىڭ ازاماتى، ونىڭ اكە - شەشەسى جەكە - جەكە جاپون ازاماتى جانە جۇڭگو ازاماتى. ۇل بالا شابۋىلعا ۇشىراعاننان كەيىن دەرەۋ شيپاحاناعا جەتكىزىلدى، گۋاڭدۇڭ ولكەسى مەديتسينا ماماندارىن ورنالاستىرىپ، ونى بار كۇشپەن قۇتقاردى. جۇڭگو جاق ونىڭ وتباسىنداعىلاردىڭ سوڭعى جۇمىستارىن ىڭعايلاستىرۋىنا قاجەتتى كومەك كورسەتەدى.

لين جيان بىلاي دەدى: دەلو ءالى دە ىشكەرىلەي تەكسەرىلۋدە، جۇڭگونىڭ قاتىستى تاراۋلارى زاڭ بويىنشا ءبىر جاقتى ەتەدى. قازىرگى يەلەگەن جاعدايعا نەگىزدەلگەندە، بۇل ءبىر دارا دەلو. جۇڭگو زاڭمەن باسقارىلاتىن مەملەكەت، جۇڭگو ۇكىمەتى زاڭعا قايشى ءارقانداي زورلىقتى كۇش ارەكەتىنە استە جول بەرمەيدى، دەلونى زاڭ بويىنشا تەكسەرىپ، قىلمىستىلاردى جازالايدى.

لين جيان سونىمەن بىرگە بىلاي دەدى: جۇڭگو مەن جاپونيا وسى دەلو جونىندە تىلدەسۋدە. ”ءبىز جاپونيانى قامتىعان ءار ەل قايراتكەرلەرىنىڭ جۇڭگوعا كەلىپ ساياحاتتاۋىن، ۇيرەنۋىن، ساۋدامەن شۇعىلدانۋىن جانە تۇرمىس كەشىرۋىن باستان - اياق قارسى الامىز“. ول بىلاي دەدى: ”كەي دەلولاردىڭ جۇڭگو مەن جاپونيانىڭ بارىس - كەلىسى مەن سەلبەستىگىنە ىقپال جەتكىزبەيتىندىگىنە سەنەمىز“.

كەلۋ قاينارى: حالىق تورابى