9 ـ ايدىڭ 26 ـ كۇنىنەن 30 ـ كۇنىنە دەيىن شينجياڭدا ەكى رەت سۋىق اعىس بولادى

ءتىلشىنىڭ 9 – ايدىڭ 22 – كۇنى شينجياڭ اۋا رايى ستانسياسىنان ۇعىسۋىنشا، سۋىق اعىستىڭ ۇزدىكسىز ىقپالىنان الداعى ءبىر اپتادا سولتۇستىك شينجياڭنىڭ باسىم كوپ جەرىنىڭ تاۋلى وڭىرلەرىندە قالىڭ جاڭبىر جاۋادى نەمەسە نوسەر جاۋادى، تەمپەراتۋرا ءۇرتىس تومەندەيدى، سولتۇستىك شينجياڭنىڭ باسىم كوپ بولىگىنىڭ، قۇمىل قالاسىنىڭ سولتۇستىك بولەگىنىڭ ەڭ تومەنگى اۋا تەمپەراتۋراسى 8 دە 10 سەلتسي گرادۋس تومەندەيدى، ۇقساماعان دارەجەدە قىراۋ ۇسىگى بولادى. شينجياڭ اۋا رايى ستانسياسى مىنانى ەسكەرتتى: وسى رەتكى اۋا رايى وزگەرىسىندە اۋا تەمپەراتۋراسى ءۇرتىس تومەندەيدى، قىراۋ ۇسىگىنەن ساقتانۋ دايىندىق قىزمەتىن جاقسى ىستەۋ كەرەك؛ سونىمەن بىرگە، كۇندىز بەن ءتۇننىڭ تەمپەراتۋرا پارقى زور بولعاندىقتان، جۇرتشىلىق دەر كەزىندە قالىڭ كيىنىپ، جۇقپالى تۇماۋ سياقتى اۋرۋلاردىڭ الدىن الۋى كەرەك.

الدىن الا مالىمەتتە كورسەتىلۋىنشە، مەجەمەن 9 - ايدىڭ 25 - كۇنى تۇننەن 9 - ايدىڭ 28 - كۇنى تۇنگە دەيىن ىلە وزەنى اڭعارىنىڭ وڭتۇستىك بولەگى، شىعىس بولىگى، بۇراتالا موڭعۇل اۆتونوميالى وبلىسىنىڭ باتىس بولىگى، تارباعاتاي ايماعىنىڭ وڭتۇستىگىنەن سانجى حۇيزۋ اۆتونوميالى وبلىسىنىڭ تاۋلى وڭىرلەرىنە دەيىن، اقسۋ ايماعىنىڭ سولتۇستىگىندەگى تاۋلى وڭىرلەر، بايىنعولىن موڭعۇل اۆتونوميالى وبلىسىنىڭ سولتۇستىگىندەگى تاۋلى وڭىرلەر قاتارلى جەرلەردىڭ ءىشىنارا وڭىرلەرىندە قالىڭ جاڭبىر نەمەسە نوسەر جاۋادى (تەڭىز دەڭگەيىنەن بيىكتىگى 1500 مەتردەن جوعارى تاۋلى وڭىرلەردە جاڭبىر جاۋىپ سوڭى قارعا اينالادى)؛ بۇكىل شينجياڭنىڭ كوپ ءبولىم جەل وتتەرىندە جەل كۇشى 10 دا 11 بالعا جەتەدى، وتكىنشى مەزەتتىك جەل كۇشى 13 بالعا جەتەدى، وڭتۇستىك شينجياڭ ويپاتىنىڭ شىعىس بولەگىندە قيىس شىعىستان 5 تە 6 بال بوران سوعادى، وڭتۇستىك شينجياڭ، تۇرپان قالاسى، قۇمىل قالاسىنىڭ ءىشىنارا وڭىرلەرىندە قۇمدى بوران سوعادى نەمەسە قۇمدى داۋىل سوعادى. 9 - ايدىڭ 29 - كۇنى كۇندىزدەن 30 - كۇنى تۇنگە دەيىن، ىلە وزەنى اڭعارىنىڭ شىعىس بولەگى، بۇراتالا وبلىسى، تيانشاننىڭ سولتۇستىك بەتكەيى، بايىنعولىن وبلىسىنىڭ سولتۇستىگىندەگى تاۋلى وڭىرلەر قاتارلى جەرلەردىڭ ءىشىنارا وڭىرلەرىندە ورتاشادان باستاپ قالىڭ جاڭبىرعا دەيىن جاۋادى، سوڭى جاڭبىر ارالاس قارعا نەمەسە قارعا اينالادى.

جاۋىن ـ شاشىنعا ىلەسە، سولتۇستىك شينجياڭنىڭ باسىم كوپ بولەگىنىڭ تەمپەراتۋراسى ۇزدىكسىز تومەندەيدى. 9 - ايدىڭ 26 - كۇنىنەن 30 - كۇنىنە دەيىن، تارباعاتاي ايماعىنىڭ سولتۇستىك بولەگىندە، التاي ايماعىنىڭ جازىق وڭىرلەرىندە ەڭ تومەنگى تەمپەراتۋرا نولدەن تومەن 3 تە 0 سەلتسي گرادۋسقا دەيىن تۇسەدى، سولتۇستىك شينجياڭ، تۇرپان قالاسى، قۇمىل قالاسىنىڭ باسقا جازىق رايوندارىندا تەمپەراتۋرا 0 دە 4 سەلتسي گرادۋسقا دەيىن تومەندەيدى، تاۋلى وڭىرلەردە نولدەن تومەن 11 دە نولدەن تومەن 5 سەلتسي گرادۋسقا دەيىن تۇسەدى.

ءۇرىمجى قالاسىندا 9 ـ ايدىڭ 25 ـ كۇنى تۇننەن 27 ـ كۇنى تۇنگە دەيىن قالا رايونىندا از جاڭبىر جاۋادى، تاۋلى وڭىرلەردە ورتاشادان قالىڭ جاڭبىرعا دەيىن جاۋادى، كەي جەرلەرىندە نوسەر جاۋادى (تەڭىز دەڭگەيىنەن 1500 مەتردەن جوعارى تاۋلى وڭىرلەردە جاڭبىر جاۋىپ سوڭى جاڭبىر ارالاس قارعا نەمەسە قارعا اينالادى)، كۇندىزگى ەڭ جوعارى اۋا تەمپەراتۋراسى 8 دە 18 سەلتسي گرادۋس، 9 – ايدىڭ 29 – كۇنى تاڭەرتەڭ ەڭ تومەنگى اۋا تەمپەراتۋراسى 3 سەلتسي گرادۋسقا تومەندەيدى. 9 – ايدىڭ 30 – كۇنى كۇندىزدەن تۇنگە دەيىن ءۇرىمجى قالاسىنىڭ قالا رايونىندا سەبەزگى جاڭبىر جاۋىپ، سوڭى جاڭبىر ارالاس قارعا اينالادى، تاۋلى وڭىرلەردە ورتاشا جاڭبىر جاۋادى نەمەسە جاڭبىر ارالاس قار جاۋىپ سوڭى قارعا اينالادى، ەڭ تومەنگى اۋا تەمپەراتۋراسى قالا رايونىندا 2 سەلتسي گرادۋسقا تۇسەدى، تاۋلى وڭىردە نولدەن تومەن 9 دا نولدەن تومەن 3 سەلتسي گرادۋسقا تۇسەدى.

كەلۋ قاينارى: حالىق تورابى