جۇقپالى تۇماۋدىڭ بيىلعى ۆاكسيناسى قانشا ءتۇرلى؟ قاي كەزدە ەكتىرگەن ءجون؟

اۋا رايىنىڭ سالقىنداۋىنا بايلانىستى، تىنىس جولى جۇقپالى اۋرۋلارى دا تارالا باستايدى.

جۋىردا مەملەكەتتىك دەنساۋلىق ساقتاۋ – سالاماتتىق كوميتەتى اقپار جاريالاۋ ءماجىلىسىن وتكىزىپ، بيىلعى جۇقپالى تۇماۋ تارالاتىن ماۋسىم كەلۋدەن بۇرىن جۇقپالى تۇماۋدىڭ ۆاكسيناسىن الدىن الا ەكتىرۋ جونىندە ۇسىنىس بەردى. ءتۇرلى – تۇستەگى ۆاكسينالاردان ”ادامنىڭ باسى اينالادى“، ەندەشە، بيىل قانداي ۆاكسينالاردى ەكتىرۋگە بولادى؟

ەمدەۋ قىزمەتكەرلەرىنىڭ ايتۋىنشا، جۇقپالى تۇماۋ جاي تۇماۋمەن ۇقسامايدى، ول جۇقپالى تۇماۋ ۆيرۋسىنان تۋىلاتىن شۇعىل تيپتەگى تىنىس جولى تارالمالى اۋرۋى سانالادى. ءار جىلى جۇقپالى تۇماۋ ۆاكسيناسىن ەكتىرۋ — جۇقپالى تۇماۋدان ساقتانۋدىڭ ەڭ ءونىمدى ءتاسىلى، وسى ارقىلى ۆاكسينا ەكتىرۋشىنىڭ جۇقپالى تۇماۋعا شالدىعۋدان نەمەسە تۇماۋدىڭ اۋىرلاسۋىنان، قوسالقى اۋرۋلاردى قوزدىرۋىنان ساقتانۋىنا بولادى. بيىل ەلىمىزدە جيىنى ءۇش ءتۇرلى جۇقپالى تۇماۋ ۆاكسيناسى ەگىلەدى:

ءۇش ۆالەنتتى \ ءتورت ۆالەنتتى جۇقپالى تۇماۋ ۆيرۋسىنىڭ جانسىزداندىرىلعان (ىدىراتىلعان) ۆاكسيناسى (三价/四价流感病毒灭活（裂解）疫苗)

ءۇش ۆالەنتتى \ ءتورت ۆالەنتتى جۇقپالى تۇماۋ ۆيرۋسىنىڭ جانسىزداندىرىلعان (قوسالقى بىرلىك) ۆاكسيناسى (三价/四价流感病毒灭活（亚单位）疫苗)

ءۇش ۆالەنتتى جۇقپالى تۇماۋ ۆيرۋسىنىڭ ۋىتى ازايتىلعان ءتىرى ۆاكسيناسى (三价流感病毒减毒活疫苗)

بەيجيڭ قالاسى داحۇڭمىن دەنساۋلىق ساقتاۋ جاعىندا قىزمەت وتەۋ ورتالىعىنىڭ ساقتانۋ – دەنساۋلىقتى قورعاۋ ءبولىمىنىڭ شيپاگەرى ما ساييۇن بىلاي دەدى: ءبىز 6 ايدان 3 جاسقا دەيىنگى ارالىقتاعى بالالارعا جۇقپالى تۇماۋدىڭ ىدىراتىلعان ۆاكسياسىن ەگۋدى تانىستىرامىز، 3 جاستان 17 جاسقا دەيىنگى ارالىقتاعىلارعا جوعارىداعى ءۇش ءتۇرلى ۆاكسينانىڭ بارلىعى دا بولادى. 18 جاستان اسقاندارعا جۇقپالى تۇماۋدىڭ ىدىراتىلعان ۆاكسيناسىن نەمەسە جۇقپالى تۇماۋدىڭ قوسالقى بىرلىكتى ۆاكسيناسىن پايدالانعان ءجون.

شيپاگەرلەر مىناداي ۇسىنىس بەرەدى: ۆاكسينانى ەكتىرەتىن ۋاقىت ادەتتە ۆاكسينا تارالاتىن ماۋسىمنان بۇرىن بولسا، ساقتانۋ ونىمدىلىگى اناعۇرلىم جاقسى بولادى، ادەتتە 10 – ايدىڭ سوڭىنان بۇرىن ەكتىرىپ بولعان ءجون. ەگەر 10 – ايدىڭ سوڭىنان بۇرىن ءتۇرلى سەبەپتەرمەن ۆاكسينا ەكتىرۋگە ۇلگىرمەگەن جاعدايدا دا، سوڭىنان ەرتەرەك ۆاكسينا ەكتىرگەن ءجون، ادەتتە جۇقپالى تۇماۋدىڭ ۆاكسيناسىنىڭ انتيدەنەسى 2 – 4 اپتادان كەيىن قورعاۋ سيپاتتى دارەجەگە جەتەدى.

كەلۋ قاينارى: حالىق تورابى