ساۋدا مينيسترلىگى: ەۆروپا وداعىنىڭ قوسىمشا قاراجاتقا قارسى تەكسەرۋ جۇرگىزۋ – دەلو تۇرعىزۋ جاعدايىن دۇنيە جۇزىلىك ساۋدا ۇيىمىنا تاپسىرعانى جونىندە جۇڭگو جاق وكىنىش بىلدىرەدى 

ساۋدا مينيسترلىگىنىڭ كەلىسىمشارت زاڭى مەڭگەرمەسىنىڭ جاۋاپتىسى ەۆروپا وداعىنىڭ ەۆروپانىڭ سۇتتەن جاسالعان ونىمدەرگە قوسىمشا قاراجات بەرۋىنە جۇڭگونىڭ قارسى تەكسەرۋ جۇرگىزگەنى جونىندە دۇنيە جۇزىلىك ساۋدا ۇيىمىنىڭ داۋ – شاردى شەشىم ەتۋ مەحانيزمىنە شاعىم ايتقانى تۋرالى تىلشىلەردىڭ سۇراۋىنا جاۋاپ بەردى.

ءمالىم اقپارات قۇرالى بىلاي دەپ سۇرادى: جەنەۆا ۋاقىتى بويىنشا 9 – ايدىڭ 23 – كۇنى، ەۆروپا وداعى دۇنيە جۇزىلىك ساۋدا ۇيىمىنىڭ داۋ – شاردى شەشىم ەتۋ مەحانيزمى ارقىلى ەۆروپا وداعىنىڭ سۇتتەن جاسالعان ونىمدەرگە قوسىمشا قاراجات بەرۋىنە جۇڭگونىڭ قارسى تەكسەرۋ جۇرگىزگەنى تۋرالى جۇڭگو جاققا كەڭەسۋ جونىندە ءوتىنىش بىلدىرگەن، جۇڭگو جاق بۇل جونىندە قانداي پىكىر بىلدىرەدى؟

ساۋدا مينيسترلىگىنىڭ كەلىسىمشارت مەڭگەرمەسىنىڭ جاۋاپتىسى بىلاي دەپ جاۋاپ قايتارعان: جۇڭگو جاق ەۆروپا جاقتىڭ كەڭەسۋ تۋرالى ءوتىنىشىن تاپسىرىپ الدى. جۇڭگو جاق قوسىمشا قاراجاتقا قاتىستى تەكسەرۋ – دەلو تۇرعىزۋ جاعدايىن ەۆروپا وداعىنىڭ دۇنيە جۇزىلىك داۋ – شاردى شەشىم ەتۋ مەحانيزمىنە تاپسىرىپ بەرگەنىنە وكىنىش بىلدىرەدى، دۇنيە جۇزىلىك ساۋدا ۇيىمىنىڭ قاتىستى بەلگىلەمەلەرى بويىنشا ءبىرجاقتى ەتەدى.

جۇڭگو جاق دۇنيە جۇزىلىك ساۋدا ۇيىمىنىڭ مۇشەسى رەتىندە، ەجەلدەن بەرى ساۋدالىق كومەكتەسۋ شارالارىن بايىپتىلىقپەن، ۇستامدىلىقپەن قولدانىپ، ءادىل، ەركىن ساۋدانى قورعاپ كەلەدى. وسى رەت ەۆروپا وداعىنىڭ سۇتتەن جاسالعان ونىمدەرىنە قوسىمشا قاراجات بەرۋىنە قاتىستى تەكسەرۋدى جۇڭگونىڭ زاڭدارىنا ساي، ەل ىشىندەگى كاسىپ سالاسىنىڭ ءوتىنىشى بويىنشا جۇرگىزگەن. جۇڭگو جاقتىڭ ەل ىشىندەگى كاسىپ سالاسىنىڭ ۇيلەسىمدى ءوتىنىشى مەن زاڭدى ۇقىق – مۇددەسىن قورعاۋ جاۋاپكەرشىلىگى بار.

كەلۋ قاينارى: حالىق تورابى