شينجياڭ كلاسىن اناعۇرلىم ساپالى، اناعۇرلىم ءونىمدى اشۋعا قۇلشىنىپ، شينجياڭعا اناعۇرلىم كوپ ادال، كىرشىكسىز، جاۋاپكەرشىلىك ارقالايتىن جوعارى ساپالى كادرلاردى باۋلۋ، جەتىلدىرۋ كەرەك

شينحۋا اگەنتتىگى، 9 - ايدىڭ 21 – كۇنى، بەيجيڭ. ورتالىق كوميتەت پارتيا مەكتەبى شينجياڭ ۇلتتار كادرلارىن باۋلۋ كلاسى اشىلعاندىعىنىڭ 70 جىلدىعى بايلانىسىمەن جۇڭگو كوممۋنيستىك پارتياسى ورتالىق كوميتەتىنىڭ باس شۋجيى، مەملەكەت ءتوراعاسى، ورتالىق اسكەري ىستەر كوميتەتىنىڭ ءتوراعاسى شي جينپيڭ ماڭىزدى نۇسقاۋ بەرىپ، بىلاي دەپ اتاپ كورسەتتى: ورتالىق كوميتەت پارتيا مەكتەبى شينجياڭ كلاسىن اشۋ − پارتيا ورتالىق كوميتەتى جاساعان ماڭىزدى شەشىم. 70 جىلدان بەرى شينجياڭ كلاسى باستان - اياق پارتيا مەن مەملەكەت ىستەرىنىڭ دامۋ اياق الىسىنا ىلەسىپ العا باسىپ، وزگەشە بارىستى باسىپ ءوتىپ، پارتياعا ادال، شىنايى، نازاريالىق نەگىزى مىعىم، ساياساتتى يگەرۋى تىڭعىلىقتى، حالىققا باقىت جاراتۋدى مۇرات تۇتقان ءبىر توپ تاڭداۋلى كادرلاردى باۋلىپ، شينجياڭنىڭ كادرلار قوسىنى قۇرىلىسىن كۇشەيتۋدە، شينجياڭنىڭ ەكونوميكالىق، قوعامدىق دامۋىن ىلگەرىلەتۋدە، شينجياڭنىڭ قوعام ورنىقتىلىعى مەن باياندى تىنىشتىعىن جەبەۋدە ماڭىزدى رول اتقاردى.

شي جينپيڭ بىلاي دەپ باسا دارىپتەدى: جاڭا جورىقتا شينجياڭ كلاسى اشىلعاندىعىنىڭ 70 جىلدىعىن جاڭا باستاما ەتىپ، جاڭا ءداۋىر جۇڭگوشا سوتسياليزم يدەياسىن جەتەكشى ەتۋگە تاباندى بولىپ، پارتيا 20 - قۇرىلتايىنىڭ جانە 20 - كەزەكتى ورتالىق كوميتەت ەكىنشى، ءۇشىنشى جالپى ماجىلىستەرىنىڭ رۋحىن ىشكەرىلەي ۇيرەنىپ، دايەكتىلەندىرىپ، ورتالىقتىڭ شينجياڭ قىزمەتى جونىندەگى 2 - رەتكى، 3 - رەتكى اڭگىمە ماجىلىستەرىنىڭ رۋحىن جاپپاي دايەكتىلەندىرىپ، جاڭا داۋىردەگى پارتيانىڭ شينجياڭدى باسقارۋ جالپى جوباسىن تولىق، دالمە - ءدال دايەكتىلەندىرىپ، ”پارتيا ءۇشىن دارىندى تاربيەلەۋ، پارتيا ءۇشىن كەڭەس بەرۋ“ سىندى پارتيا مەكتەبىنىڭ اۋەلگى ماقساتىن امالياتتا ايگىلەۋدەن جازباي، شينجياڭ كادرلار قوسىنىنىڭ ەرەكشەلىگى مەن قىزمەت ءىس جۇزىندىك قاجەتىن تىعىز ارقاۋ ەتىپ، ۇدايىلانعان باۋلۋ، اسىرەسە، نەگىزگى باۋلۋ مەحانيزمىن اقاۋسىزداندىرىپ، جاڭا داۋىردەگى پارتيانىڭ جاسامپاز نازارياسىمەن تاعاندى بەكەمدەپ، نەگىزدى جەتىلدىرىپ، زەيىن - زەردەنى ۇيىستىرىپ، رۋحتى سومداۋعا قاجىماي تاباندى بولىپ، جۇڭحۋا ۇلتى ورتاق تۇلعا تانىمىن بەكەمدەۋدى كلاس اشۋدىڭ تۇتاس بارىسىنا ءسىڭىرىپ، ۇلت سالاسىنداعى نەگىزدىك نازاريالىق ماسەلەلەر مەن كەلەلى رەال ماسەلەلەردى زەرتتەۋدى كۇشەيتىپ، شينجياڭ كلاسىن اناعۇرلىم ساپالى، اناعۇرلىم ءونىمدى اشۋعا قۇلشىنىپ، شينجياڭعا اناعۇرلىم كوپ ادال، كىرشىكسىز، جاۋاپكەرشىلىك ارقالايتىن جوعارى ساپالى كادرلاردى باۋلۋ، جەتىلدىرۋ كەرەك.

شي جينپيڭ مىنانى تالاپ ەتتى: ورتالىقتاعى قاتىستى تاراۋلار جەتەكشىلىك ىستەپ سەلبەسەتىن، شينجياڭ قولداۋ كورسەتىپ سايكەسەتىن، ورتالىق كوميتەت پارتيا مەكتەبى نەگىزگى تۇلعالىق رولىن ساۋلەلەندىرەتىن قىزمەت ارناسىن اناعۇرلىم كەمەلدەندىرىپ، ءار جاقتاعى ساياساتتاردى تياناقتاندىرىپ، شينجياڭ كلاسىن ويداعىداي اشۋعا تاماشا شارت - جاعداي جاراتىپ، پارمەندى كەپىلدىك ازىرلەۋى كەرەك.

ورتالىق كوميتەت پارتيا مەكتەبى شينجياڭ ۇلتتار كادرلارىن باۋلۋ كلاسى اشىلعاندىعىنىڭ 70 جىلدىعى جونىندەگى اڭگىمە ءماجىلىسى 9 - ايدىڭ 21 - كۇنى بەيجيڭدە اشىلدى. ورتالىق كوميتەت پارتيا مەكتەبىنىڭ (مەملەكەتتىك اكىمشىلىك شۋەيۋانى) باستىعى (شۋەيۋان باستىعى) چىن شي ماجىلىستە شي جينپيڭنىڭ ماڭىزدى نۇسقاۋىن جەتكىزدى ءارى ءسوز سويلەپ، مىنالاردى ءبىلدىردى: باس شۋجي شي جينپيڭنىڭ ماڭىزدى نۇسقاۋىنىڭ رۋحىن جانە پارتيا مەكتەبى قىزمەتى جونىندەگى ماڭىزدى بايىمداۋلارىن ىشكەرىلەي ۇيرەنىپ، دايەكتىلەندىرىپ، جاڭا ءداۋىردىڭ جاڭا جورىعىندا پارتيانىڭ وزەكتى مىندەتىن جۇزەگە اسىرۋدى كوزدەپ، شينجياڭ ۇلتتار كادرلارىن باۋلۋ كلاسى قىزمەتىن ءبىر تۇتاس جوسپارلاپ، جوبالاپ، پارتيا 20 - كەزەكتى ورتالىق كوميتەتى ءۇشىنشى جالپى ءماجىلىسى رۋحىنىڭ شينجياڭدا ناقتىلانۋىن، تياناقتانۋىن ىلگەرىلەتۋ كەرەك. شينجياڭ كادرلارىنىڭ ەرەكشەلىگى مەن قىزمەت قاجەتىن تىعىز ارقاۋ ەتىپ، تاربيەلەۋدىڭ، باۋلۋدىڭ جۇيەلىلىگىن، باعىتتامالىلىعىن كۇشەيتىپ، نەگىزدىك باۋلۋدى تىڭعىلىقتى ورىستەتىپ، پارتيانىڭ جاسامپاز نازارياسىمەن قارۋلانۋدى كۇش سالا تەرەڭدەتىپ، جۇڭحۋا ۇلتى ورتاق تۇلعا تانىمىن بەكەمدەۋ تاربيەسىن كۇشەيتۋ قاجەت. رەفورما جاساۋعا، جاڭالىق اشۋعا تاباندى بولىپ، ءار جاقتىڭ كۇشىن توپتاپ، شينجياڭعا اناعۇرلىم كوپ ادال، كىرشىكسىز، جاۋاپكەرشىلىك ارقالايتىن جوعارى ساپالى كادرلاردى باۋلۋ، جەتىلدىرۋ كەرەك.

ورتالىق كوميتەت ۇيىمداستىرۋ بولىمىندەگى، ورتالىق كوميتەت پارتيا مەكتەبىندەگى (مەملەكەتتىك اكىمشىلىك شۋەيۋانى)، شينجياڭ ۇيعۇر اۆتونوميالى رايوندىق پارتكومداعى جاۋاپتى جولداستار، ورتالىق كوميتەت پارتيا مەكتەبى شينجياڭ ۇلتتار كادرلارىن باۋلۋ كلاسىن ۇيىمداستىرۋشىلار ۋاكىلدەرى، كۋرسانتتار ۋاكىلدەرى پىكىر اۋىستىرىپ، ءسوز سويلەدى.

كەلۋ قاينارى: حالىق تورابى